استبن لم يستخدم والعربية مرفوعة !!!!

[maruti]

بشوف في اعلانات كتير تلاقية كاتب في الاعلان العربية مرفوعة 10 سنين محسسني انو حاطتها على شماعة في الدولاب
ومش فاهم يعني اية عربية مرفوعة؟
ومن فترة كنت ببيع العربية كل الي ييجي يتفرج عليها يسيب العربية كلها ويقولي هوا الاستبن نزل قبل كدا ؟
مش فاهم يعني هتفرق في اية لما الاستبن نزل مرا او مرتين او منزلش خالص ؟

[rawhany]

للاسف ثقافة غلط

[eldell]

فى ناس بتدقق على حجات متخلفه ممكن حضرتك تجيب استبن جديد ومحدش هيعرف بس فعلا فى ناس تحب الى يضحك عليها

[haythamabo]

كلمه حد جاهل بيطلعها والمصريين اساتذه فى الترديد وخلاص من غير ما نفهم بنقول ايه
وخللى بالك ان اللى ماسك تجارة السيارات ناس مش كلهم متعلمين اغلبهم تجار وبيبيعو كلام

[Land_Cruiser]

عادى احنا اكتر شعب بيحب يعمل نفسه لئيم و اكتر شعب برضه بيضحك عليه. و ممكن تحط عليه حكايه رشه بره و خوارج فابريقه و لا مش فابريقه . يعنى واحد العربيه اتخربشت و راح عملها فى التوكيل علشان المنظر مش اكتر فتلاقى اللى باشترى يقولك راشه حزام و لا مش عارف ايه و ناس تانيه تقولك عربيه مو ١٩٩٥ كسر زيرو مش فاهم ازاى و اللى بيبيع ممكن تلاقى العربيه مغيره نص و لا حتى موتور و لا ملهاش ورق فى المرور و يلبس الناس فيها و بيكون فيها استبن ما لمسش. الارض على فكره

[MARTINDALE]

صدقني لو حد سألني السؤال ده ممكن اغلط فيه !!!
انا جبت عربيتي وقبل ما تكمل اسبوعين الكاوتش اتخرم وكان ممكن استخدم الاستبن ..... ده هيفرق في ايه مع شيرلوك هولمز اللي بيشتري ؟؟؟؟؟؟

[Land_Cruiser]

صدقني لو حد سألني السؤال ده ممكن اغلط فيه !!!
انا جبت عربيتي وقبل ما تكمل اسبوعين الكاوتش اتخرم وكان ممكن استخدم الاستبن ..... ده هيفرق في ايه مع شيرلوك هولمز اللي بيشتري ؟؟؟؟؟؟

زى اى حد بيشترى بطيخ لازم تلاقيه عمال يخبط عليه سواء كان فاهم بيعمل كده ليه او بيقلد :)

[i_Am_Legend]

شعب عجييييييييييييييييييب...منهم لله تجار السيارات...هما اللى جننوا الناس كدة...

[i_Am_Legend]

المهم ايه يقولك مش راشة سقف!!!!!!!!!!!.........يعني تبقي العربية بتلمع كلها...والسقف جربااااااااااااااااان....علشان مش راشة سقف!!!......شلل كتاكيييييييييت

[maruti]

ومرا الجلد بتاع بتاع الباب اتفك وجبت امير ولزقتو وفي شوية نزلو على الباب
واحد وهوا بيتفرج على العربية بيقولي هوا اية دا اولتلو امير قالي لا العربية دي مرشوشة قولتلو يا عم دا امير انا الي عاملو يقولي لا العربية دي مرشوشة ممكن يكون التاجر الي اشترتها منو دحك عليك وادهالك معيوبة اخر ما زهقت قولتلو اتكل على الله يا عم مش ببيع راح واحد صاحبو قايلي تصدق دا فعلن امير وبيتشال بسهولا هههههههههههههههههه
كل دا فاكرين انهم كدا ناصحين ولما يقولولي كدا هخر اودامو واقولو الله يخليك اشتريها ههههههه

[weta]

المهم ايه يقولك مش راشة سقف!!!!!!!!!!!.........يعني تبقي العربية بتلمع كلها...والسقف جربااااااااااااااااان....علشان مش راشة سقف!!!......شلل كتاكيييييييييت

برحه برخه شويه ياجماعه.....

رشه سقف ....مصود بيها ان العربيه اتقلبت قبل كده ولا لا

وطبعا رشه حزام يعني العبيه وخده خبطات كتير ومن كذا نحيه واتسمكرت ورشه الجوانب كلها واكيد البيشتري عربيه مرشتش غير البيشتري عربيه رشت زي الموبايل بوشه الاصلي ولا بوش مضروب

لازم نفهم .........بهدوء

للاستبن بقي نزل علي الارض معناها ان الشخص صاحب العبيه ساكن في طرق غير ممهده مليانه مسامير بتخرم الكوتش وده يدل عن العفشه بتعتها مشكويسه من الطرق المش ممهده غير طبعا الاستبن منزلش يعن ساكن في شارع رئيسي نظيف مفهوش مسامير

[maruti]

برحه برخه شويه ياجماعه.....

رشه سقف ....مصود بيها ان العربيه اتقلبت قبل كده ولا لا

وطبعا رشه حزام يعني العبيه وخده خبطات كتير ومن كذا نحيه واتسمكرت ورشه الجوانب كلها واكيد البيشتري عربيه مرشتش غير البيشتري عربيه رشت زي الموبايل بوشه الاصلي ولا بوش مضروب

لازم نفهم .........بهدوء

للاستبن بقي نزل علي الارض معناها ان الشخص صاحب العبيه ساكن في طرق غير ممهده مليانه مسامير بتخرم الكوتش وده يدل عن العفشه بتعتها مشكويسه من الطرق المش ممهده غير طبعا الاستبن منزلش يعن ساكن في شارع رئيسي نظيف مفهوش مسامير

مع احترامي لحضرتك كلامك مش مقنع واكيد مش دا المقياس
منا ممكن اكون ساكن في حتة مكسرة ومنيلة بستين نيلة والكوتش ميتخرمش
وامشي في الشارع الرئيسي وربنا يرزقني بمسمار ابن حلال يخليني انزل الاستبن
وبعدين يا باشا شوارع بلدنا كلها غير ممهدة اصلا مليانة بلاليع وحفر واسياخ الكباري والحفر و الخ الخ

[dr_radioooooo]

الناس هنا فى مصر بتحب تشترى العربيات اللى مش مرشوشة بغض النظر عن الحالة
و ده طبعا راجع للغش الكبير من التجار اللى بيحاولو يبيعوا عربيات حوادث او مغيرة ارباع او انصاص على انها رشة نظافة
وده اللى خلى المشترى يفضل يشترى عربية جربانة لكن فبريقة عن الحالة الكويسة اللى راشة

[Land_Cruiser]

برحه برخه شويه ياجماعه.....

رشه سقف ....مصود بيها ان العربيه اتقلبت قبل كده ولا لا

وطبعا رشه حزام يعني العبيه وخده خبطات كتير ومن كذا نحيه واتسمكرت ورشه الجوانب كلها واكيد البيشتري عربيه مرشتش غير البيشتري عربيه رشت زي الموبايل بوشه الاصلي ولا بوش مضروب

لازم نفهم .........بهدوء

للاستبن بقي نزل علي الارض معناها ان الشخص صاحب العبيه ساكن في طرق غير ممهده مليانه مسامير بتخرم الكوتش وده يدل عن العفشه بتعتها مشكويسه من الطرق المش ممهده غير طبعا الاستبن منزلش يعن ساكن في شارع رئيسي نظيف مفهوش مسامير

اكيد حضرتك الاستبن مش معيار للحكم على العفشه باى حال من الأحوال. ممكن يبقى الطريق متسفلت و زى الفل و وفى مسمار واقع من عربيه تانيه و لا حد راميه و راح خارم الكاوتش و بعدين كمان هى الطرق الغير ممهده دى بتبوظ فرده واحده بس و لا ايه ما هو ممكن يكون مغير الفرد كلها و سايب الاستبن ؟ اكيد الحكم على حاله العفشه بيبقى من خلال الفحص فى التوكيل او مراكز الخدمه مش بالنصاحه دى. للاسف اغلب الناس اللى بتعمل نفسها ناصحه بتعتمد على المؤشرات العجيبه دى و ما بتروحش التوكيل تكشف علشان توفر تمن الكشف ( نصاحه تانيه برضه) و بعد كده تدبس و ساعتها لا فلوس الكشف اللى وفرها هتنفعه و لا حتى الاستبن اللى ما لمسش الارض هيخلليله حاله العربيه كويسه

[MARTINDALE]

يعين هو خرم الكاوتش هو اللي هيخليه يحكم على العفشه ؟؟؟ مش ممكن تكون واخده مطب قسم ضهرها وفتح مقصاتها في شارع محترم ؟؟؟ ولو انا ساكن في شارع مكسر وبطلع وادخل بالراحه ده هيأثر على العفشه في ايه ؟؟؟
معلش السؤال ده مهما كانت مبرراته فاللي بيسئله جاهل والرد عليه غلط .