التفويلة تعمل كام كيلو؟؟؟؟؟؟

[المنسي]

انا بحط بنزين 92 وعايز اعرف هل العربية بتاكل بنزين ولا البنزين هو اللى بيطير بسرعة التفويلة عندى بتعمل حوالى 330 كيلو هل كده كويس ولا فيه مشكلة العربية سكودا فليشيا 1300 cc

[أبو إياد]

التانك عندك اد ايه لان اقل من 200كم لكل صفيحه يبقا كتير

[koshary]

كدا قليل جدا اققل حاجه 450 للتفويله بيتهيقلى التانك عندك 45 لتر

[المنسي]

التانك عندك اد ايه لان اقل من 200كم لكل صفيحه يبقا كتير

التانك عندى 40 لتر معلش هيه يعني ايه صفيحة وكمان انا لسه كنت مفول العربية وبتاع البنزينة حط 38 لتر وكان العداد قدامى عامل 330 كيلو معنى كده ان العربية 38 لتر عاملة 330 كيلو معلش لو كده العربية بتاكل بنزين اعمل ايه وايه المفروض لو 40 لتر يعملو معايا كام كيلو وشكرا لرد حضرتك

كدا قليل جدا اققل حاجه 450 للتفويله بيتهيقلى التانك عندك 45 لتر

التانك 40 لتر يعمل كام كيلو داخل القاهرة فى الزحمة وعلى طريق سفر يعمل كام

[أبو إياد]

الصفيحه = 20 لتر

[midofayad]

اعتقد ان التانك عندك 40 لتر فكده حلو يعنى لان المشى داخل البلد بياكل بنزينة طبعا
انا عندى في الميجان التانك 60 لتر و بيخلص في 450 كيلو بالكتير بس انا بجرى و بحرق كتير

[المنسي]

انا حسبتها لقيت لتر البنزين = 7.5 كيلو وحاسس ان ده قليل معلش سؤال هو لتر 92 المفروض يعمل كام كيلو

[koshary]

انا حسبتها لقيت لتر البنزين = 7.5 كيلو وحاسس ان ده قليل معلش سؤال هو لتر 92 المفروض يعمل كام كيلو

قليل جدا يعنى عالاققل اققل يعمل 10 كيلو انا عندى فى الاكسيل بيعمل 13 كيلو

[المنسي]

طيب ايه الحل اعمل ايه واحل المشكلة دى ازاى

[omaroof]

المفروض اللتر جوه البلد يعمل من9 الى 7 كيلو حسب الزحمه ونوع العربيه
وبره البلد يعمل من 11 الى 14 كم وبرضه بيرجع لنوع السواقه
وفى عوامل بتأثر على الاستهلاك زى التكييف والهوا وفاتح الشباك ولا قافله ومعاك كام شخص
لكن اللى كاتبه لحضرتك ده المتوسط ممكن يزيد او ينقص راجع للعوامل اللى قلت لحضرتك عليها

[المنسي]

المفروض اللتر جوه البلد يعمل من9 الى 7 كيلو حسب الزحمه ونوع العربيه
وبره البلد يعمل من 11 الى 14 كم وبرضه بيرجع لنوع السواقه
وفى عوامل بتأثر على الاستهلاك زى التكييف والهوا وفاتح الشباك ولا قافله ومعاك كام شخص
لكن اللى كاتبه لحضرتك ده المتوسط ممكن يزيد او ينقص راجع للعوامل اللى قلت لحضرتك عليها

العربية من غير تكييف ولسه مغير فلتر هوا وفلتر بنزين وشادد العفشة بتاعتها مش عارف حاسس ان الكربراتير مش مظبوط او الله اعلم ده احساس غلط

[Sehsss]

كتييييييير، وغالبا في مشكلة في الكربراتير

[المنسي]

معلش انا كنت سمعت قبل كده ان البنزين 92 بيطير بسرعة يعني مثلا التفويلة منه تعمل 350 لو حطيت تفويلة 90 تعمل 400 كيلو هل الكلام ده صح على اساس ان 92 خفيف وبيطير بسرعة طيب لو فيه مشكلة فى الكربراتير هل فيه حد ممكن اروحله يحللى المشكلة معلش تعبتكم معايا

[mohamed_rhem]

المفروض تعمل من 550 الي 600 كم في السفر وعلي سرعة لا تزيد عن 100 كم

[mohamed_rhem]

معلش انا كنت سمعت قبل كده ان البنزين 92 بيطير بسرعة يعني مثلا التفويلة منه تعمل 350 لو حطيت تفويلة 90 تعمل 400 كيلو هل الكلام ده صح على اساس ان 92 خفيف وبيطير بسرعة طيب لو فيه مشكلة فى الكربراتير هل فيه حد ممكن اروحله يحللى المشكلة معلش تعبتكم معايا

مركز الصفا بجسر السويس عند سوق القنال واسأل متخصص في الكربراتير والانجكشن

بس اعرف قبل ما يشتغل التكلفة كام