2105 موديل 95 فابريكة علي 28 نهائي اشتريها ولالا؟؟

[hamadaalo2002]

لادا 2105 مزديل 95
رخصة 3 سنوات
دواخل فابريكة ما عدا الشنب مرشوش ,المداده اليمين في الشنطة فيها رشة
من برة سليمة جدا
بطارية فارتا الماني جديدة
فرش الفابريكة
ماتورها 1200 ccوحالته 80%
شكمان جديد
كاسيت رود ستار وسماعتين حلويين
رخصة باسم صاحبها (مش تاجر)
تعتبر افضل ما وجدت ولكن يعيبها انها رشة شنب

[hamadaalo2002]

نسيت اقول ان فيها 4 فرد بريدستون تيوبلس حالة 85% بيقولي بقالهم شهرين

[thegoodhacker]

يا اهلا بابن مدينتي ........هو انت رجعت عربيتك اللي فاتت علشان مشكلة التوكيل ولا ايه ؟
المهم بالنسبة للعربية اللي انت عاوز تشتريها ياباشا الشنب عموما في اللادا بيصيبه صدا وبارومة فممكن بيحتاج يترش ....... وطبعا السمكري هو اللي يقدر يحدد الرش ده بسبب حادث ولا رش للنضافة فقط.....
اما موضوع مداد الشنطة فده فانا ما اعرفش بصراحة ايه المداد اصلا......
ولو عندك اي استفسار تاني انا في الخدمة

[hamadaalo2002]

اة يا باشا رجعتها وخدت فلوسي واللي صرفته الحمد للة
لكن لقيت واحدة تانية اللي بقولك عليها دي
بس المشكلة الشنب مرشوش وغالبا لخبطة
اما كاساسيات فهي ممتازة ومشيها حلو
وفيها رخصة حتي 8/2010
اعمل اية ؟

[thegoodhacker]

لو سبب الرش حادث يبقي لازم السعر ينزل شوية بس مش عارف اد ايه الصراحة
بس خلي سمكري كويس يتاكد ان الحوض سليم وان الخبطة ما اثرتش فيه.......... وربنا يوفقك ان شاء الله

[hamadaalo2002]

الحوض سليم والخبطة لم تؤثر فيه والسمكري قالي العربية سليمة
محتار؟
انت عملت اية لقيت فيورا؟

[thegoodhacker]

طالما سمكري كويس انت واثق فيه بصلك علي العربية وقالك سليمة والرش من الداخل مناطق صغيرة يبقي توكل علي الله بس نزل شوية من السعر لان 28 الف دي لعربية فابريقة بالكامل من جوة......
بس انت ما قلتليش مدادة الشنطة دي عبارة عن ايه ؟ لان دي لو نتيجة خبطة ممكن تعيب العربية
وممكن تكبر دماغك و تصبر و تدور علي حاجة احسن .....
بالنسبة لموضوع الفيورا فانا خلاص ما بقتش ادور الصراحة ممكن تقول كده زهقت من البحث و كمان الاوضاع مش مشجعة علي شراء سيارة بعد زيادة سعر البنزين والتراخيص و موضوع الغاء تراخيص العربيات القديمة........ فلو لقيت حاجة لقطة حاتوكل علي الله غير كده انا خلاص كبرت دماغي ........

[hamadaalo2002]

السمكري المفروض انة ثقة انا لفيت كتير اوي اوي معاه مقتنعش غير بدي
الحتة اللي مرشوشة اللي هية الشنب ودي نتيجة خبطة
وورا في الشنطة جمب تنك البنزين في حاجة اسمها المداده الي بيتربط فيها الاكصدام
فيها تسييل بوية
لكن ارضية الشنطة فابريكة

[hamadaalo2002]

بالنسبة لموضوع الفيورا فانا خلاص ما بقتش ادور الصراحة ممكن تقول كده زهقت من البحث و كمان الاوضاع مش مشجعة علي شراء سيارة بعد زيادة سعر البنزين والتراخيص و موضوع الغاء تراخيص العربيات القديمة........ فلو لقيت حاجة لقطة حاتوكل علي الله غير كده انا خلاص كبرت دماغي ........

المفروض الفيورا فيها مميزات حلوة بالنسبة للي حصل دة

الفيورا حتاخد 80 واستهلاكها حلو اوي
التراخيص طبعا زادت لكن الفيورا ماتورها 950ccودة ميزة

ممكن تفكر في ماروتي موديل 2000 اعتقد حيكون مناسب جدا ليك

[thegoodhacker]

السمكري المفروض انة ثقة انا لفيت كتير اوي اوي معاه مقتنعش غير بدي
الحتة اللي مرشوشة اللي هية الشنب ودي نتيجة خبطة
وورا في الشنطة جمب تنك البنزين في حاجة اسمها المداده الي بيتربط فيها الاكصدام
فيها تسييل بوية
لكن ارضية الشنطة فابريكة

طالما انك واثق من كلام السمكري يبقي توكل علي الله لان العربية بالحالة دي كويسة مش وحشة بس يتهيالي سعرها لازم يقل شوية مش عارف كام لان 28 الف حيبقوا كتير عليها

[hamadaalo2002]

طالما انك واثق من كلام السمكري يبقي توكل علي الله لان العربية بالحالة دي كويسة مش وحشة بس يتهيالي سعرها لازم يقل شوية مش عارف كام لان 28 الف حيبقوا كتير عليها

شكرا لردك وغالبا انا حستقر عليها
وححاول اخفض من المبلغ مع انة رافض خالص
بس عندي سؤالين
هوة تكلفة الرخصة 3 سنين كام؟؟
العربية دي يتحط لها بطارية 55 ولا 70؟؟

[hamadaalo2002]

تم الشراء علي 27820

[thegoodhacker]

الف مبروك يا باشا علي السيارة و ربنا يعطيك خيرها و يبعد عنك شرها
بالنسبة للبطارية فيفضل تركيب بطارية 70 امبير و طبعا الجافة هي افضل نوع