حد يعرف ناس بتشتري عربيات حوادث

[Sa6ry]

سلام عليكم ..

انا عملت حادثة بالعربية بتاعتي

"رينو سانديرو" اوتوماتيك موديل ٢٠١٢

وكنت عاوز ابيعها كعربية حوادث .. حد يعرف ابيعها ازاي؟

صور السيارة في هذه الروابط

- صور السيارة بعد الحادثة

- صورة السيارة بعد الحادثة

[mrmohamedragab]

عايز تبيعها على كام ؟

[HeMa_LanCeR]

اللي اعرفة واحد في شارع العشرين فيصل
لو مهتم قولي اوصفهولك بالظبط

[M.Ayman]

نصيحه لوجه الله اتأكد من ان اللى هيبيعها راجل امين و هيقول للناس انها كانت عامله حادثه علشان حرام يلبسوا فيها على انها جديده ... و ربنا يوفقك فى بيعها و يجعلها اخر الحوادث ان شاء الله

[Sa6ry]

نصيحه لوجه الله اتأكد من ان اللى هيبيعها راجل امين و هيقول للناس انها كانت عامله حادثه علشان حرام يلبسوا فيها على انها جديده ... و ربنا يوفقك فى بيعها و يجعلها اخر الحوادث ان شاء الله

طيب انا ازاي اضمن حاجة زي ديه؟

[Sa6ry]

اللي اعرفة واحد في شارع العشرين فيصل
لو مهتم قولي اوصفهولك بالظبط

ياريت حضرتك تقول لي علي عنوانه

وجزاك الله خيرا

[Sa6ry]

عايز تبيعها على كام ؟

بصراحة معرفش ..

العربية ماتورها كويس .. واعتقد الشاسيه سليم (انا وديتها التوكيل عشان يعملوا ليها مقايسة)


لو العربية كل التغيريات اللي فيها تغيرات سطحية ... ممكن تتباع علي كام


بصراحة انا معرفش

هي جديدة عاملة ٨٢ الف جنيه

[tarek_2005]

في واحد في شارع البحر الاعظم قبل حلقة السمك وانتا رايح علي المنيب يعني قبل الخواجة بتاع قطع الغيار

[HeMa_LanCeR]

لو دخلت العشرين من ناحية فيصل يبقي هتفضل ماشي لحد البنزينة
هو بعد البنزينة ب 5 شوراع تقريبا هتلاقيه علي نفس صف البنزينة
واخد ناصية وهتلاقي عنده عربيات حوادث كتير

[Dr'AhmZZong]

اللي اعرفة واحد في شارع العشرين فيصل
لو مهتم قولي اوصفهولك بالظبط

+11111111111111111111

[S O P H O S]

المهم حد يكون بيراعي ربنا وميسخفش بيها الارض
ياريت تبيع علي مهلك
وربنا يوفقك للخير

[aboomar22]

ربنا يعوض عليك بخير منها لو تقدر تشوف ورشة سمكرة كويسة وتشدها وتبيعها يبقى احسن لان التاجر هيموتها اكيد مع ان انا عارف ان الواحد بعد الحادثة بيبقى مالوش نفس يعمل فيها اى حاجة لو تقدر تحط صور اوضح من كدة او فيديو واحنا نحاول نساعدك يعنى اللى يعرف سمكرى كويس يخليلى يشوف الصور ويقول رايه واللى يعرف بتاع دوكو او ميكانيكى يعنى نحاول تعمل حاجة