إعـــــــلان

Collapse

.

,
See more
See less

تقرير : وفر فلوسك : ومترحش (معرض الاهرام فورميلة ) سيء للغاية

Collapse
X
 
  • Filter
  • الوقت
  • Show
Clear All
new posts

  • تقرير : وفر فلوسك : ومترحش (معرض الاهرام فورميلة ) سيء للغاية

    بسم الله الرحمن الرحيم
    نصيحة لوجه الله ... وفر فلوسك ومترحش معرض الاهرام فورميلة ، رحتو النهاردة وياريتني مارحتو أسوء من أي سنة ...

    في البداية ... من جميع الجهات بتاعت شوارع المعرض ... ويادوبك كل خمس دقايق ماشي متر متر ... متر متر .. المهم رحت مخرم وداخل جراش الاستاد الي بجوار مركز المؤتمرات الي فيه المعرض ... دفعت خمس جنية باركن ودخلت ... وزززززحمة أنا قلت حلو مدام زحمة كده يبقى المعرض ده جبار ... المهم دخلت بكام التزكرة ياحبيبي للفرد قالي 20 جنية ... قاعدت أفاصل معاه شووية بس مفيش فايدة .. المهم وانا داخل على البوابة لقيت واحد واقف على الباب بيقلي تذكرة قلتلو أهي ... قام قالي ممكن أشوفها قلتلو أتفضل ... قام خد التذكرة وقطعها نصين ... كنت عاوز انط في كرشووو واقلو حرام عليك دي ب20 جنييييييييييييييييييييية .

    المهم دخلت المعرض

    دخلت المعرض ... وبصيت لقيت انوار وتنظيم جميل والدنيا زحمة زززززززززززززحمة ...


    المهم قاعدت ماشي في المعرض بس مش قادر اصور حاجة ... وأصلاً كده ولا كده ربنا يخليلنا عموووو جوجل ... كل صور العربيات الحلوة عليه ... المهم دخلت من باب المعرض من هنا وشوية لقيت نفسي طالع من المعرض النحية التانية لمن بقيت هتشل أأأأأأأأأأأأأأأأأأأأأأيده معقولة المعرض هو ده بس .

    فين العربيات فين شركة تويوتا فين شركة نيسان فين شركة هونداااااااااااااااااي ... فين شركة بي ام دبليو فين الاكسسورااااااااات بتاعت العربيات ... فيييييييييييييين جناح الكمايات ولا قطع الغيار ولا جناح الجنوط والتعديلات ... فين الشركات الصينية فين بتوع الفرش وبتوع الزينون وبتوع الاكسسورات ... هو ده بس المعرض وعشرين جنية يامفتررين .

    الحاجة الوحيدة الي في المعرض عجبتني طرزات بيجو الحديثة ... وعندك كمان جناح فولكس كان حلو .. وجناح هوندااا وجناح كيا وصلى الله وبارك ... وعليه العوض ومنو العوض في العشرين جنية ... وزغرتي يا أم أحمـــــــــــــــــــد المعرض خلص .

    أه وكمان حتى لا أنسى كان في حتت دين بت أنما أيه قمر قمر بسم الله مشاء الله عليها حاجة خواجاتي كده كانت وقفه جمب العربية الكيا هيا والعربية الكيا حكاية حدوته كده .

    المهم نصيحتي لأعضاء المنتدى يوفرو فلوسهم ... ويطلعو يتمشو في كارفور ولا في سيتي ستارز ولا جنينة مول ويضربولهم سندويتشين شورمة بالعشرين جنية أحسن لهم ...أو يقعدو يزكرو ويشوفو مستقبلهم أحسن ... وتحياتي .

    me_medoo

  • #2
    ههههههه
    كويس دا انا كنت ناوي اروح بكرة
    تسلم على ال feed back يا باشا

    Comment


    • #3
      المشلكة ياشباب ... مش في العشرين جنية ... المشكلة الناس زحمة على المعرض وبالالوفات ، وكل واحد بيدفع 20 جنية في 20 جنية شوفو بكام مليون بيلموهم من الناس .

      وياريت الواحد رايح علشان يستمتع انو يستمتع ... لحد أيمتى هيستخفوو بالناس ويقرطسوهم وياخدو منهم فلوس بدون مايدونا مقابل ... بالزمة بالزمة ياريت حد من الي راح المعرض يقول رأيوو بكل صراحة ده معرض يرضي ربنااااااااااااااااااااااااااااا ... أحنا كل سنة بنقعد نستنى المعرض من السنة للسنة ... علشان يحطولنا كده كام عربية ويقلك ده معرض الله طيب ماهو في معرض عربيات جمب البيت عندنا ما اروح اتفرج عليه وبلاش .. روح معرض المصرية للسيارات هتلاقي عندهم عربيات اكتر من كده ... ده انا لو نزلت شارع دمشق ولا التوفيقية هشوف أكسسورات وكماليات مرمية في الشارع كده وعلى الرصيف معروضة ... ومعرض دولي ميكونش فيه كماليات .

      وفي النهاية يطلع جورنال الاهرام ويقلك كان ناجح وكان في اقبال جماهيري غير متوقع على المعرض لأن الناس رايحه على عماهاااااا ... والناس مخنوقة نفسها تغير جوو .. فتروح المعرض تتخنق بزيادة على الفلوس الي دفعتها دون ادنى استفادة ... لغايت أيمتى هيستخفو بعقولنا ... المشكلة ان المعرض 3 او 4 ايام فما تحلقش الناس تنبه بعضها ... انهم ميرحوش . وتلاقي ابن اللزينة الي عمل المعرض يكسب بلاوي على قلبو قد كده من على قفى الناس وحسبي الله ونعم الوكيل .
      me_medoo

      Comment


      • #4
        شكرا على النصيحه
        الحمد لله الذى تواضع كل شىء لعظمته , الحمد لله الذى استسلم كل شىء لقدرته , الحمد لله الذى ذل كل شى لعزته , الحمد لله الذى خضع كل شىء لملكه[SIZE="4"][COLOR="DarkGreen"][/COLOR][/SIZE]

        Comment


        • #5
          كويس انك قلت انا كنت رايح بكرة من اسكندرية مخصوص عشان قسم الاكسسوارات مخصوووص و تويوتا طبعا ...

          و كاتبين افتتاح ساحق و نجاح هائل في جرنال الاهرام انهارده ...

          الناس دول عبط ولا ايه ؟
          [img2]http://i945.photobucket.com/albums/ad291/BLOODY_STONE_2010/isamuIsamu.jpg[/img2]

          Comment


          • #6
            كود:
            فين شركة بي ام دبليو
            تصحيح
            بي ام دبليو موجودة

            Comment


            • #7
              المشاركة الأصلية كتبت بواسطة spiderman22 مشاهدة المشاركة
              كود:
              فين شركة بي ام دبليو
              تصحيح
              بي ام دبليو موجودة
              طيب كويس انك رحت ياباشا هيا ممكن صحيح كانت موجودة بس انا مخدتش بالي منها بس ياريت ياباشا تحكلنا عن تجربتك داخل اروقت المعرض الكبيرررررررررررر هههههه
              كان زمان في بصات توديك لاخر المعرض علشان تتفرج عليه مش معرض صالتين يالهوي على الزمن والي بيحصل لمعارض مصر فعلا مصر بقت في الباي باي خالص
              me_medoo

              Comment


              • #8
                بي ام كانت موجودة . والعربيات الصيني كان ليها جناح لوحدها .
                باختصار شديد . من جولتي في اول يوم
                مرسيدس منزلة اشكال جديدة . والعربيات من جوة تحفة .
                فولكس فاجن عاملة عربية cc . من جوة وبرة رائعة .
                جناح البي ام . والاودي . وعربيتين بورش . وبيجو . هوندا .كيا (والتحفة اوبتيما) . ميني . سيتروين.رينو.شيفورلية وحاطين عربية جديدة (فولت). ميتسوبيشي.

                دول الي فاكرهم .
                طبعا بتتفرج علي العربية من جوة وبرة وشنطة وموتور . (كل الي نفسك فية )

                مقارنة بمعارض سابقة ( لا اعلم لان اول مرة ادخلة ) . هو طبعا ناقصة تويوتا وهيونداي
                [CENTER][SIGPIC][/SIGPIC][/CENTER]

                Comment


                • #9
                  20 جنيه عشان ادخل معرض !!!!!! عمار يا مصر

                  ايه الهبل ده دا المفروض اللى داخل يدولو هدايا عشان يشجعو الناس تروح يمكن تنفع الشركات وتشترى

                  ده على رأيك الواحد يروح كارفور ولا التوفيقيه والحمد لله الفرجه ببلاش :) ربنا يديمها نعمه

                  ده ممكن بتوع التوفيقيه ودمشق لو سمعو كده يعملو الفرجه بتذاكر هما كمان
                  [CENTER][SIZE=5][COLOR=sienna]القطه بتاكل اولادها ........ ياترا الدور على مين ؟[/COLOR][/SIZE][/CENTER]
                  [CENTER][SIZE=6][FONT=Courier New][COLOR=#ff8c00]الحمد لله[/COLOR][/FONT][/SIZE][/CENTER]
                  [CENTER][SIZE=4][COLOR=#ff8c00][URL="http://www.qorankarim.com/"]القرأن الكريم كامل[/URL][/COLOR][/SIZE][/CENTER]

                  Comment


                  • #10
                    استاذي الفاضل المنارة الحمدالله انك. رحت وانبسطت ، يارب يسعد كل الناس بس حضرتك لو رحت اي فرع او اي معرض للمصرية للسيرات تقدر تتفرج وتقلب في العربيات براحتك كمان وهتلاقي تشكيلة اكبر من كدة
                    كان زمان بعد ماتركن عربيتك في الباركن بتلاقي اتوبيسات كتيرة واقفه مستنياك علشان توديك صالة رقم ١ وعلى الاقل على الاقل تلاقي ست سبع صلات عرض ويوزعو بروشورات ودعايه وتلاق ي شركات كتيرة مشاركة في المعرض وتلاقي صلات بحلها لكبرى الشركات قطع الغيار والاكسسورات انا ببص للمعرض من منظور اسمو معرض واقارنو بالمعارض الي قبل كدة مش عاوز اقولك كان في سباق عربيات كان بيحصل وكانو بيقدمو معرض لليخوت والتريلات مش كام عربية كده وصلى الله وبارك وتحياتي ليك ياغالي
                    me_medoo

                    Comment


                    • #11
                      المشاركة الأصلية كتبت بواسطة misoalex مشاهدة المشاركة
                      20 جنيه عشان ادخل معرض !!!!!! عمار يا مصر

                      ايه الهبل ده دا المفروض اللى داخل يدولو هدايا عشان يشجعو الناس تروح يمكن تنفع الشركات وتشترى

                      ده على رأيك الواحد يروح كارفور ولا التوفيقيه والحمد لله الفرجه ببلاش :) ربنا يديمها نعمه

                      ده ممكن بتوع التوفيقيه ودمشق لو سمعو كده يعملو الفرجه بتذاكر هما كمان
                      ياباشا ده مرات كانت بتوصل التذكرة ل ٢٥ جنية و ٣٠ جنية بس كنا نروح نتفرج وننبسط ونتصور ونلاقي هدايا ودعايا ونشتري كمان حجات عمرنا ملقيناها بره في السوق دلوقتي عاملينلك معرض حرام يسموه معرض ويدحكو على الناس انا عرفت ليه شركة نيسان وتويوتا وشركة غبور انسحبت منو علشان ما يشاركوش في مهزلة اسمعا معرض الاهرام انا من راي الاهرام تركز في الجرايد الي بتطبعها وتبعد خالص عن مجال العربيات وميكونش في معارض غير لاوتو. ماك.
                      me_medoo

                      Comment


                      • #12
                        بما انك دخلتة قبل كدة . وبالوصف الي انت قلت علية . يبقي المعرض دة فقير جدا .
                        انا اتبسط من حاجتين اوي .
                        المرسيدس s350 والكيا اوبتيما .
                        والبروشور بتاع اودي هو الوحيد المحترم . غير كدة ....
                        الاكسسوارات والحاجت دي هناك تقدر تقول كانت تحصيل حاصل . اهو اسمة معرض ولازم نحط فية كام حاجة
                        (انا لاحظت انهم تعبانين . وماتفرجتش علي حاجة يدوب عديت عليهم )
                        [CENTER][SIGPIC][/SIGPIC][/CENTER]

                        Comment


                        • #13
                          احبيب. قلبي انا كمان عجبتني الكيا الريو بجد بجد فاجر الجنوط الي راكبلها تعتبر تحفة العربية دي. انا لو كنت شفتها مكنتش استعجلت وجبت الهونداي اكسينت الار بي. والابتيما كمان عجبتني موت هيا والبنوتهىالاطئوطة الي واقفة جمبها يالي برضو لو كنت شفتها قبل ما قابل ام العيال هههههههههه كنت رحت خطبتها. بس يالله نصيب ههههههههه
                          me_medoo

                          Comment


                          • #14
                            واضح ان اهم حاجة عجبتك في المعرض (الي واقفة جمب الكيا) .
                            وشكلك زعلان من المعرض عشان ماكانوش كتير .
                            [CENTER][SIGPIC][/SIGPIC][/CENTER]

                            Comment


                            • #15
                              شكراا يا ريس علي التحذير -- مع اني كده كده مكنتش رايح --
                              قاعدت أفاصل معاه شووية بس مفيش فايدة
                              هي دي احلي حته بصراحه :b4_282:
                              صورة التوقيع كبيرة جداً بما يخل بتنسيق الصفحة.
                              الرجاء تصغير الصورة و إعادة رفعها مرة أخرى.

                              Comment

                              Working...
                              X