سيراتو مسروقه

[AHMED_DINAMO]

السلام عليكم

قدامى سيراتو مسرقه 2012 باللزق الابيض بتاعها كل الكماليات فتحه سقف كهرباء ب 10 الاف المشكله بئا مش ان انا عايز اشتريها اتا عايز ابلغ عنها لان والله صعبان عليا صاحبها اوى العربيه يا جماعه متغسلتش ولا مره لسه بس ال بيبعها شال النمر ومخبيها فين بئا مش عارف ايه الحل افيدوونى ؟؟؟

تم النقل للقسم العام
مشرف عام 1

[mazgangy]

حاول تقنع اللى بيبعها انه يعرض على صاحب العربيه المبلغ ال 10000 جنيه ده واكيد اى حد مكان صاحبها حيدفعه ويرجع عربيته وعجبى وحسبى الله ونعم الوكيل وحنشوف فيكى ايه تانى يا بلد!!!

[AHMED_DINAMO]

والله فكرت بس واضح ان العربيه مسروقه من مكان تانى ومش معروف صاحبها مين لان بيقولو ان هو رمى النمر كمان

[l0new0lf]

احتمال كبير تعرف توصل لصاحبها عن طريق vin بتاعها

[aboomar22]

خلص ضميرك وابعت رسالة او مكالمة الى قسم مكافحة سرقة السيارات بمديرية الامن او كلم اقرب قسم شرطة وبلغ بمعلوماتك عن العربية ومكان تواجدها ووسيلة اتصالك بالشخص اللى عارضها للبيع حتى من غير ماتسيب بياناتك وهما بقى رجعوها او مرجعهاش انت عملت اللى عليك

[modyegypt]

خد رقم الشاسية والماتور واكشف عليها وانت تعرف صاحبها لانة ممكن يكون سرقها من معرض من ايام الهبل

[ahmed.zahra]

طبعا لازم تبلغ الشرطة عن الراجل اللي بيبعها ده و تديلهم كل بياناته و ان شاء الله ربنا يوقعه في شر أعماله و العربية ترجع لصاحبها

[Land_Cruiser]

خد رقم الشاسية والماتور واكشف عليها وانت تعرف صاحبها لانة ممكن يكون سرقها من معرض من ايام الهبل

+11111
اعرف صاحبها مين من رقم الشاسيه و الموتور و بلغه و هو يتصرف مع الحرامى و كده تبقى خلصت ضميرك

[AHMED_DINAMO]

بصو يا جماعه انا مش عارف اعمل اى حاجه انا الميكانيكى اتعرضت عليه العربيه ديه وهو رفض ياخدها وجه قالى بهزار يعنى قدامى عربيه كذا وكذا وانا من ساعتها مش على بعضى ومش لاقى حل انا معرفش طريق العربيه فين اساسا مخبينها حلها ال جه فى دماغى ان شغل افلام بئا وكده نتفق انا هاخدها فين ويبئا معايا حد من الشرطه عشان نعرف ناخدها منهم

[AHMED_DINAMO]

وال بيبيع مبيخلكش تشوف اى حاجه فى العربيه لما تدفع وتشيلها انت ابئا اكشف عليها براحتك

[Land_Cruiser]

وال بيبيع مبيخلكش تشوف اى حاجه فى العربيه لما تدفع وتشيلها انت ابئا اكشف عليها براحتك

يبقى بلغ الشرطه و هما يعملوا الكمين للحراميه دول كانهم مشترين مثلا و يمسكوهم و احتمال كمان يلاقوا عربيات تانيه سارقينها و هما يعرفوا يجيبوا صحابها. المهم بس تتأكد ان كلام الميكانيكى ده مضبوط لانه ممكن يكون بيألف و ساعتها تتدبس فى محضر ازعاج للسلطات بدون داعى

[AHMED_DINAMO]

لا انا متأكد من كلامه لان ناس كتير اتكلمت فى الموضوع ده المشكله دلوقتى ان الظباط خايفين وبيقولك عايزين حد يحمينا عشان لما بيقبضو على حد بيروحو يروقو اهلم فى البيت وعلى العموم انا بدورلها على حل

[Land_Cruiser]

ربنا معاك ان شاء الله. انا علشان الموضوع اللى حضرتك بتقوله ده قلتلك تبلغ و هما يتصرفوا علشان ما تدخلش فى الموضوع لا من قريب و لا من بعيد علشان الدنيا بقت فوضى و اللى عايز يعمل اى حاجه بيعملها ومفيش حد. بيهمه

[amoor89]

ملهاش حل غير انك تعرف الشرطة الحوار وازاى يجيبوا سكة مع الميكانيكى وشكرا وتبقى كده خلصت ضميرك وملكش دعوة بموضوع الحماية ده هو مين اللى مفروض يحمى مين وربنا يجازيك خير على نيتك الخير ويرجع العربية لصاحبها يارب

[AHMED_DINAMO]

ان شاء الله النهارده هعمل كده وربنا يسترها وترجع لصاحبها متشكر يا جماعه انا كان نفسى اعرف اصور العربيه جايز صاحبها يشوفها ولا حاجه ويسأل عليها