***سلبيات معرض اوتوماك اخبار اليوم (زيارة من الدرجة التالتة..) ***

[Ahmad Allawy]

كويس الحمد لله اني في حد
كان ليه نسبة كبيرة من نفس تعليقاتي عن التهريج اللي حصل..
مع ان بصراحة محدش اعترض تقريبا علي كلامي بس في نقاط كان في اعتراض عليها..
و كلام اخونا شوقي.. أكد اني مكنتش باتكلم في حاجات غريبة.. او مكنتش متحامل عليهم..

الف شكر يا فندم علي المشاركة و الرأي الجرئ..

[WalidAdel]

بغض النظر عن كل اللي بيحصل في المعرض كل ده مش مهم عندي
الاهم هوه الاسلوب فس استخدام البنات في عرض السيارات ةو وجودهم الكثيف مع اللبس الملفت للنظر اوي اوي
ملوش لازمه خالص الموضوع ده
بس انا شايف ان المره دي كانت ارحم من المعرض اللي كان في ارض المعارض بردوا و كانوا بيكشفوا عن النسخه الجديده من سكودا فابيا و الشو الروسي ولا مش عارف كانوا انهي جنسية بس اكيد كانوا روس علشان رقصهم كان اوفر اوي اوي دا اعلان عن عربيه يعني مش حاجه تانيه

المهم بخصوخ المعاملة زي ماتقول الناس بتكون تعبة من اللي بيحصل طول اليوم و فهي بتيجي كده مش مثلاً سياسة شركه او اي حاجه

فعلاً حوار انك تروح الصبح دا ظريف لاسباب كتيره اهمها مفيش زحمه و كل العربيات مفتوحه تقدر تتفرج برحتك

الخلاصه ان المعرض ابتدي مستواه ينزل بسبب سوء التعامل من الزوار اللي بيكون نتيجه لسوء معامله من المندوبين ودا يخلي الواحد ميروحش اصلاً

[Ahmad Allawy]

تمام..
انا معاك جدا..
بس ايه ذنب الواحد اللي بيروح بعد الصلاة.. يوم الجمعه..
ولا اللي بيروح بعد ما يخلص شغل..؟؟
ولا الواحد ياخد اجازة مخصوص من الشغل عشان يروح الصبح و يتفرج براحته..؟؟!!!

انا قولت كده والله ان الواحد يروح الصبح.. بس الافضل.. الفي اي بي لو عرفت توصل لدعوات..

[ENG\AHMED]

بالنسبة لموضوع قفل العربيات:
العربيات دى جاية دعاية للشركة ولو التوكيل مش مستفيد من وراها مكنش دفع جنية واحد فى المعرض يعنى من حق اى حد انة يتفج براحتة مادام مش بيبوظ حاجة ومحترم ان دى مهما كان فلوس ناس بردة بس المشكلة فينا احنا كمصريين المشكلة فى تصرفاتنا واهمالنا , كذا مرة قبل كدة بابقى عايز اتفرج على عربية وواقف جتبها حوالى 10 دقايق عبال لما البية اللى قاعد جوا يطلع هو ومراتة وعيالة من جوا والمشكلة انهم مش بيتفرجوا بيبقوا قاعدين يتكلموا والعيال بتتنطط ورا وخلاص طالعين رحلة يعنى دة غير حالة الاستظراف والتعليقات الظريفة اللى بتبقى عند بعض الناس دة غير العربيات اللى بتتسرق منها حاجات واللى الفرش بيتقطع واللى يشغل النور او الكاسيت ويسيبة ويمشى انا مرة شوفت مروحة رادياتير مكسورة !!! بدون مبالغة العربيات دى بتتبهدل فالمندوبين بيريحوا دماغهم ويقفلوا العربيات بدل ميقعدوا يجروا ورا دة شوية ودة شوية طبعا كدة مش صح وانا مش مع كدة لأن لو التوكيل كان دفع شوية صغيرين كمان وجاب عدد يقدر يغطى بية الموديلات الموجودة وكل عربية يبقى ليها مندوب مدرب "مش مجرد واحد ملوش لازمة واقف جنب العربية " يفرج الناس عليها ويشرح امكانيتها اغتقد هيريح نفسة والناس وكمان هيبقى حقق الهدف من المعرض وهو الدعاية
فهو الناس دى معذورة ومش معذورة بردو , كل واخد داخل فاكر انوا شارى العربيات اللى جوة بتمن التذكرة يبقى من حقة يتصرف براحتة

موضوع المندوبين والموديلز:
للأسف كل واحد فاكر انوا صاحب التوكيل او vip ويكلمك او تكلمك من طرف مناخيرة مش فاهم على اية يعنى !!! , فى منهم بيبقوا مهندسين من التوكيل وفاهمين ومحترمين فى التعامل كمان ويعرف يفرق بين اللى واقف ادامهم وفى منهم محدثين نعمة شوية ناس حابينهم مش عارف منين مستحميين ولابسين نضيف علشان يقفوا ال 5 ايام دول جنب العربية وغالبا الصنف دة هو اللى بيعمل مشاكل وبيبقى فاكر نفسة ياما هنا ياما هناك زى الموديلز اللى بيطلعوا يسقفوا كدة فى برامج التليفزيون بالظبط.
يعنى الموقف اللى بيقول احمد علية دة الراجل ابو الولد هو اللى غلطان , غلطان انوا سكت ومهزئوش وهزء ناس تانية معاة , لأنو ببساطة كان ممكن يوصل للى هو عايزة بردة وويحافظ على العربية بس بزوق
ايان كان مين حتى لو صاحب التوكيل المفروض يبقى فية احترام
مرة فى توكيل اوبل كنت بتفرج على الفكترا الجديدة مندوبة المبيعات كانت قعدة بتفتى وتتنطط بالكلمتين اللى حافظاهم لحد مخلتها حطت لسانها جوة بقها وقفلت علية لأنها مش عارفة ترد وراحت نادت المهندس علشان يتكلم معايا ووقفت جنبنا شوية لحد لما حست انها مش فاهمة اى حاجة فى اى حاجة مشيت



موضوع الكشرى بقى احمدى ربنا انها جت على اد كدة انا مرة فى عباس العقاد اتحدف على سقف العربية وانا ماشى بذرة مانجو !!! بس الحمد للة جت بعيد عن الزجاج ومعملتش حاجة فى العربية

[WalidAdel]

اه بس دا لو عرفت

ان شايف الاسهل من كل دا اي عربيه عايز تتفرج عليها روح المعرض التابع للشركه

ان روحت مره توكيل تويوتا اللي في شارع الميرغني و دخلت و اتفرجت علي العربيه و كنا ثلاثه افراد و ركبنا العربيه احنا الثلاثه و وقفنا اتكلمنا مع واحد يتعدي سنه 65 سنه راجل محترم جدا جدا و مشينا ولا اخد مننا فلوس و لا حاجه و فهمنا منه اللي احنا عيازينه و خلاص بلا وجع دماغ و حرقت دم في المعرض الغريب دا
و عملت الحركه دي قبل كده مرتين مره في معرض جاجوار العبور و المره التانيه لاند رووفر اللي امام المطار بردوا روحت اتفرجت و ركبت كل العربيات المعروضه و ركبت الفيراري 430 (معرض جاوار ) و لعبنا انا و الراجل اللي في المعرض براحتنا و فتحنا الشنطه اللي فيها الموتور و كل حاجه

احسن و اظرف من انك تروح المعرض و حد يقولك كلمه بايخه او يضايقك
دافع فلوس و تطلع مضايق كمان و اتحرق دمك علي الفاضي

[Ahmad Allawy]

بس الميزة الوحيدة..
انه كل الماركات تحت سقف واحد..
و وقت واحد.. 4 ولا 5 ساعات هتتفرج فيهم علي كله في مشوار واحد..
كانت فرصة.. منهم لله بقي.. :) :) :) ربنا ييسر لو لينا عمر في المعرض الجاي ا شاء الله.. :)
والف شكر يا جماعه علي التفاعل العملي جدا ده..

ضحكتي جدا يا احمد علي حوار بذرة المانجو دي..
فعلا ضحكت كتيبر قوي.. :) :) :) :)
بتفكرني باعلان موبينيل الجديد اللي فيه عربية 28 و اتلامي عليها كيس فيه سائل قذر كده.. :)

[ENG\AHMED]

اه بس دا لو عرفت

ان شايف الاسهل من كل دا اي عربيه عايز تتفرج عليها روح المعرض التابع للشركه

ان روحت مره توكيل تويوتا اللي في شارع الميرغني و دخلت و اتفرجت علي العربيه و كنا ثلاثه افراد و ركبنا العربيه احنا الثلاثه و وقفنا اتكلمنا مع واحد يتعدي سنه 65 سنه راجل محترم جدا جدا و مشينا ولا اخد مننا فلوس و لا حاجه و فهمنا منه اللي احنا عيازينه و خلاص بلا وجع دماغ و حرقت دم في المعرض الغريب دا
و عملت الحركه دي قبل كده مرتين مره في معرض جاجوار العبور و المره التانيه لاند رووفر اللي امام المطار بردوا روحت اتفرجت و ركبت كل العربيات المعروضه و ركبت الفيراري 430 (معرض جاوار ) و لعبنا انا و الراجل اللي في المعرض براحتنا و فتحنا الشنطه اللي فيها الموتور و كل حاجه

احسن و اظرف من انك تروح المعرض و حد يقولك كلمه بايخه او يضايقك
دافع فلوس و تطلع مضايق كمان و اتحرق دمك علي الفاضي

طيب يبقى اية فائدة المعرض بقى !!
موضوع كلمة بايخة او يضايقنى احنا مش شغالين عند اللى ......... , دافع فلوس مش دافع بقى مش هتفرق حتى لو صاحب التوكيل نفسة
معظم المشاكل دى من الناس الصغيرين اللى واقفين او اللى متأجرين علشان المعرض

[ENG\AHMED]

ضحكتي جدا يا احمد علي حوار بذرة المانجو دي..
فعلا ضحكت كتيبر قوي.. :) :) :) :)
بتفكرني باعلان موبينيل الجديد اللي فيه عربية 28 و اتلامي عليها كيس فيه سائل قذر كده.. :)

كان نفسى ساعتها اشوف اللى عملها كنت حدفتها فى عينة ساعتها
بس الحمد للة جت سليمة
طيب انا ذنبى اية واحد طفس واقف ياكل مانجو فى البلكونة ومكسل يروح يرمى البذرة فى الزبالة !!!!! ... مش عارف!!

[Karim_Monir]

افتكر في اتوماك اخبار اليوم السنة اللي فاتت لقيت
دراع الاشارة بتاع هوندا اكورد مكسور اخر يوم
تخيل انت بقي الدراع ده بكام وهايكلفهم كام
دي سلبيات الشعب المصري للاسف

[Ahmad Allawy]

بيتهيألي يا كريم بك..
ان المعارض بيتحط فيهها عربيات.. و بتبقي العربيات دي محسوب فيها نسبة هالك نتيجة العرض في المعرض.. مش كده..؟؟ (انا بيتهيألي كده.. و عايزين تأكيد من حد متخصص للمعلومة دي..)
يعني عندك مثلا العربيات اللي بتتحط فوق ستاندات و الديكورات العجيبة اللي حاطينها دي..
مش وارد ان عربية منهم تقع وهما بيطلعوها..؟؟
مش وارد ان ستاند مستتحملش وزن عربية و يقع بيها..
اكيد في حاجات كتير واردة.. و علي هذا الاساس.. اكيد الموضوع ده محسوب..
يعني لما توكيل هوندا دافع كام الف جنيه عشان يحط عربياته في المعرض ده.. ده لو كان دافع اصلا..
(معلش اعذروني انا في الحاجات دي معلوماتي ضحلة جدا..) حبوة قوي ضحلة دي.. :) :) :)
فمش هتفرق معاه حاجة بسيطة زي دي انها تحصل.. هتدخل في عائد المعرض بالنسباله..

وده طبعا لا ينفي كون شعبنا المصري المحترم..
همجي و ميعرفش يمشي غير بالكرباج.. الا من رحم ربي..

بس متقنعنيش ان الكلام ده كان حاصل يوم الفي اي بي..؟؟!!! :)

[ams]

بيتهيألي يا كريم بك..
ان المعارض بيتحط فيهها عربيات.. و بتبقي العربيات دي محسوب فيها نسبة هالك نتيجة العرض في المعرض.. مش كده..؟؟ (انا بيتهيألي كده.. و عايزين تأكيد من حد متخصص للمعلومة دي..)
يعني عندك مثلا العربيات اللي بتتحط فوق ستاندات و الديكورات العجيبة اللي حاطينها دي..
مش وارد ان عربية منهم تقع وهما بيطلعوها..؟؟
مش وارد ان ستاند مستتحملش وزن عربية و يقع بيها..
اكيد في حاجات كتير واردة.. و علي هذا الاساس.. اكيد الموضوع ده محسوب..
يعني لما توكيل هوندا دافع كام الف جنيه عشان يحط عربياته في المعرض ده.. ده لو كان دافع اصلا..
(معلش اعذروني انا في الحاجات دي معلوماتي ضحلة جدا..) حبوة قوي ضحلة دي.. :) :) :)
فمش هتفرق معاه حاجة بسيطة زي دي انها تحصل.. هتدخل في عائد المعرض بالنسباله..

وده طبعا لا ينفي كون شعبنا المصري المحترم..
همجي و ميعرفش يمشي غير بالكرباج.. الا من رحم ربي..

بس متقنعنيش ان الكلام ده كان حاصل يوم الفي اي بي..؟؟!!! :)

انا معاك فعلا هى دى نظرية البطيخه :)
ايون نظرية البطيخ
مش انت لما بتروح تشترى بطيخه تلاقى الراجل قاسم بطيخة نصين و يا سلام بقى لو مشرشر البطيخه قال يعنى فنان المهم انت بتشوف البطيخه شكلها حلو و جميل و حمرا و لذيذه فتقوم رايح شارى البطيخه
يعنى البطيخة المقسومة دى عباره عن اسلوب للدعايه حكاية تروح فين بعد كده ابقى اسال الفكهانى
و بالقياس فى الحالة اللى هنا يبقى احنا لازم نشوف البطيخه وندوقها كمان يووووه قصدى العربية:)

[Ahmad Allawy]

انا معاك فعلا هى دى نظرية البطيخه :)
ايون نظرية البطيخ
مش انت لما بتروح تشترى بطيخه تلاقى الراجل قاسم بطيخة نصين و يا سلام بقى لو مشرشر البطيخه قال يعنى فنان المهم انت بتشوف البطيخه شكلها حلو و جميل و حمرا و لذيذه فتقوم رايح شارى البطيخه
يعنى البطيخة المقسومة دى عباره عن اسلوب للدعايه حكاية تروح فين بعد كده ابقى اسال الفكهانى
و بالقياس فى الحالة اللى هنا يبقى احنا لازم نشوف البطيخه وندوقها كمان يووووه قصدى العربية:)

معلش انا اسف..
مش مركز شوية..
بس مش فاهم اي حاجة..
:) :) :)

[wawoo]

هو النظام ده معمول بيه في المعرض السنة دي برده حضرتك
و لكن غرضه ان يبقي فيه سلاسة في حركة دخول الناس للمعرض
بحيث ميحصلش تكدسات للناس .. و هو بكدة يبقي ضامن انك تاخد مسارك جوة المعرض مرة واحدة و تمشي و غيرك يخش
بدل ما تدخل و ترجع و تدخل تاني و الناس مستمرة في الدخول فا يتسبب في الزحام

ايوة يا موتوريزر بس احنا مش مزرعة فراخ , كل واحد حر يحب يكمل المسار ,يحب يرجع تانى عشان يسائل على حاجة , يحب يروح و يرجع براحتة , و بعدين بقولك فى الاخر فشل النظام دة امام عينى يعنى بقيت الناس تخرج و تدخل من نفس المدخل براحتها , و مافيش اى تكدس حصل , و بعدين تاخد مسارك اية جوة المعرض , المفروض فى خريطة توزع على الزوار فيها اماكن كل العارضين و كيفية الوصول ليهم و مسار مقترح لزيارتهم كلهم , و انت حر بقى تتحرك براحتك بعد كدة , دة الطبيعى , انما احنا مش فى مصنع ولا فى مدرسة عشان امشى فى مسار محدد ,
هما كانو عملين كدة عشان كل الزوار يزورا العارضين كلهم , عشان يعنى محدش من الزوار يفلت .

طيب افرض انا عاوز شركة محددة و مش عاوز اشوف غيرها , يبقى لازم اخد المعرض من اولة كلة عشان اوصلها , و بعدين اكمل المعرض كلة للاخر عشان اخرج , معقولة الكلام دة

الخلاصة بقولك انة نظام فاشل و فشل بالفعل امام عينى بسبب ان الناس عوزة تتحرك بحريتها مش تمشيها انت على مزاجك .

و بعدين الاستيكر اللى بيتلزق دة بوظلى القميص فعلا لما رجعت البيت , مش المفروض فية جراب بلاستك بدالياة بيتحط فية كارت الزائيرين دة , انما تقول اية للتوفير بقى بالرغم ان الدخول كان ب 20 جنية السنة اللى فاتت .

[Ahmad Allawy]

انا معاك ان عدم وجود خريطة بالقاعات و اماكن كل شركة..
كان من اهم السلبيات..
بس بيتهيألي كانت متاحة الخرايط دي.. بس للي يعرف يوصل ليها بقي..
و تسأل حد منالاشراف ولا بتوع الامن..
محدش يعرف حاجة..

[Ahmad Allawy]

معلش معرفتش اشوف الفيديو..
عشان في منتدي تاني..
وانا مش عضو هناك..
بس هل الموقف ده حصل يوم الفي اي بي..؟؟
والشركة المدعوة الامل دي.. توكيل ايه بالظبط..؟؟
كانت لادا باين ..؟؟