يا ترى مين اللى بيعمل كده ؟؟

[SEATLOVER]

ولا واحدة من دول
والخبر ممكن يكون مجرد اشاعة
وكل واحد لسة جايب عربية يفضل فرحان بيها
واللى عايز يجيب عربية و مقتنع بيها يجبها

و معرفة مين
لا هايقدم ولا هيأخر

[Ahmed Samy]

فعلا لو التكييف راكب في مصر و للا في التبت حتى

العبرة بجودته

و الله كويس .........تمام حتى لو راكب في حلايب

و حش .......... يبقى مش كويس حتى لو راكب في ناسا

[khalid_adel]

ياجماعه اللي متعرفهوش ان الشركه اللي بتعمل التكيف في العربيات اللي بتتجمع في مصر دي شركة اوتو كوول ودي شركه كويسه جدا جدا في تصنيع التكييف كفايه تعرفو ان التكييف الي موجود في ال بي ام والمرسيدس المجمعين في مصر هو من انتاج شركه اوتو كوول المصريه وده حاجه كويس جدا ماشاء الله عليها

[hesham2004]

ياجماعه اللي متعرفهوش ان الشركه اللي بتعمل التكيف في العربيات اللي بتتجمع في مصر دي شركة اوتو كوول ودي شركه كويسه جدا جدا في تصنيع التكييف كفايه تعرفو ان التكييف الي موجود في ال بي ام والمرسيدس المجمعين في مصر هو من انتاج شركه اوتو كوول المصريه وده حاجه كويس جدا ماشاء الله عليها

لو اوتوكول فهيه شركة محترمة و بتركب اجهزة التكييف من زمان و خاصة فى الأوبل لمنصور ، بس لو فى ورش عادية و صنايعية الله اعلم ، فالأمر يكون مقلق ، بس انا معتقدش ان تركيب التكييفات دى بتكون عن طريق غير المختصيين لأن توكيل العربية بيقدم الضمان و الصيانة على العربية كلها بشرط ماحدش يشتغل فيها غيره ، يعنى من ناحية التركيب مافيش مشكلة ، لكن المشكلة ممكن تكون لو اشتريت عربية يابانى او كورى مثلا و الوكيل ركب فيها تكييف مش بتاعها او صينى مثلا ، هنا بقى الزعل . مش كفاية ان العربية مش حتكون TESTED ، لأ كمان ان التكييف مش COMPATIBLE مع العربية ، و ده يا يأثر على العربية او التكييف او على راكب العربية نفسه ، حسب معلوماتى ان الهيونداى بتيجى مافيهاش سنترلوك او انزار او كاسيت ، و بيركبولها الحاجات دى هنا قبل ما تتباع ، و المشكلة ان الأضافات دى ( الى هيه استاندر اصلا فى العربية ) بتكون مش اصلى ( صينى ) و بيتحاسب عليها الزبون من ضمن سعر العربية الكلى ، و كمان التقفيل ما بيكونش كويس ، انا شفت اسلاك الأنذار و السنتر باينه من الماتريكس قبل ما تتباع و ساعات تلاقى فرش الباب مش متقفل كويس او مش نظيف . على العموم راى ان الزبون لازم يعرف ايه الى متقفل محلى و ايه الى مستورد ، عشان مايجيش الوكيل يعلن ان السيارة مثلا يابانى او كورى او المانى 100% و يكون نصها من التوفيقية .

[Ghamrawy]

. على العموم راى ان الزبون لازم يعرف ايه الى متقفل محلى و ايه الى مستورد ، عشان مايجيش الوكيل يعلن ان السيارة مثلا يابانى او كورى او المانى 100% و يكون نصها من التوفيقية .

هو ده الكلان المظبوط سواء بقى الخبر اشاعة او جد او التكييف سيئ و مضروب و لا حتى ممتاز لازم كل واحد راكب عربية يبقى عارف كل مسمار فيها جاى منيين

[Hondawy_2008]

سوري يا جماعه أنا صوت غلط :) أعتقد مفيش غير غبور هو اللي ممكن يعمل كده

[جمال]

خبر كان موجود فى ملحق الاهرام للسيارات امبارح الجمعة 6/6/2008 و بصراحة اثار فضولى و كنت اتمنى أعرف مين اللى بيعمل كده

هو الاستفتاء عن اى كماليات و لا التكييف بالذات , لان الخبر بيتكلم عن كماليات و بالاخص التكييف
اذا كان عن التكييف بالذات فارجو سحب تصويتى و كذلك الغاء مشاركتى السابقة
لانى اتكلم عن الكاسيت بالذات

[Ghamrawy]

ياجماعه اللي متعرفهوش ان الشركه اللي بتعمل التكيف في العربيات اللي بتتجمع في مصر دي شركة اوتو كوول ودي شركه كويسه جدا جدا في تصنيع التكييف كفايه تعرفو ان التكييف الي موجود في ال بي ام والمرسيدس المجمعين في مصر هو من انتاج شركه اوتو كوول المصريه وده حاجه كويس جدا ماشاء الله عليها

طيب كويس ان احنا عندنا حاجة زى دى فى مصر و يارب حتى تكون بتصدر تكييفات لرولزرويس و بنتلى و ميباخ محدش يكره كدا
بس يبقى الزبون عامل حسابه ان العربية جاية من بلادها كاملة مش ملعوب فيها و يكون البيه الوكيل مركب التكييف هنا و ميقولش ده يبقى اسمه تضليل و بيع بالغلط و غش تجارى و يعاقب عليه القانون

[Ghamrawy]

هو الاستفتاء عن اى كماليات و لا التكييف بالذات , لان الخبر بيتكلم عن كماليات و بالاخص التكييف
اذا كان عن التكييف بالذات فارجو سحب تصويتى و كذلك الغاء مشاركتى السابقة
لانى اتكلم عن الكاسيت بالذات

عن التكييف بس و هو ده الجديد فى الموضوع اذا كان الخبر يقصدوا بيه غبور و اذا كان على الكاسيت فهو على الاقل ظاهر و باين قدامك و تقدر تعرف اصله من فصله انما التكييف ده مدفون ورا التابلوه و مش حاتشوفه

[Ghamrawy]

نتيجة الاستطلاع :
33 عضو لغبور
2 لبروتون
1 لجيلى
5 لتويوتا
3 لسوزوكى
2 لميتسوبيشى
1 لهوندا

و زى ما انتوا شايفين غبور دايما مكتسح فى كل الاوقات و المجالات

[sa3dawy]

نتيجة الاستطلاع :
33 عضو لغبور
2 لبروتون
1 لجيلى
5 لتويوتا
3 لسوزوكى
2 لميتسوبيشى
1 لهوندا

و زى ما انتوا شايفين غبور دايما مكتسح فى كل الاوقات و المجالات

كويس انة لقا حاجة يكتسح فيها

[modux]

غبووووووووووور الامووور