passat 2006 FSI - عايز نصيحة في البنزين

[bahaa_monier]

السلام عليكم ورحمة الله وبركاته
اشتريت عربية passat fsi 2006 وحالتها الحمد لله تمام
المشكلة بأه اني فولتلها 92 وهي كانت بتتفول دايما 95
انا حاسس ان السحب ضعيف شوية
بس فيه واحد جميل من الناس الجميلة اللي بتقابلهم في الشغل اللي فاهمين كل حاجة دول
أفتي وقالي ان كدة الأنجكشن بتاعها يبوظ علي طول , فماتحطش 92 تاني
مع العلم فرق ال 90 قرش دول كتير ,
فالسؤال
تنفع تمشي 92 بدون أضرار ؟
ولا هيبقي فيه ضرر اكيد ؟
الرد ربنا يكرمكم يكون موثوق منه علشان هسمع كلامكم

والسلام عليكم ورحمة الله وبركاته

[hany63]

لازم 95 وده من كتالوج العربيه

[MEKAWY2000]

ممكن 92 مع اضافه اكوتين 150مل يرفع نسبه البنزين الى 95

[exact]

عادي

[ahmed_h_g]

مع 92 مفيش مشكله مش هيحصل حاجه ان شاء الله

[mmaaggddyy]

السلام عليكم ورحمة الله وبركاته
اشتريت عربية passat fsi 2006 وحالتها الحمد لله تمام
المشكلة بأه اني فولتلها 92 وهي كانت بتتفول دايما 95
انا حاسس ان السحب ضعيف شوية
بس فيه واحد جميل من الناس الجميلة اللي بتقابلهم في الشغل اللي فاهمين كل حاجة دول
أفتي وقالي ان كدة الأنجكشن بتاعها يبوظ علي طول , فماتحطش 92 تاني
مع العلم فرق ال 90 قرش دول كتير ,
فالسؤال
تنفع تمشي 92 بدون أضرار ؟
ولا هيبقي فيه ضرر اكيد ؟
الرد ربنا يكرمكم يكون موثوق منه علشان هسمع كلامكم

والسلام عليكم ورحمة الله وبركاته

روح التوكيل واطلب يضبط كهرباء السيارة علي بنزين 92 (سوف يأخر كهربة السيارة شوية عشان تمشي ب 92 بدون مشاكل) - هذا كلام كتالوج لانسر بومة 2008 خليجي مضبوطة علي 95 - لا أعرف هل هذا ممكن مع ال fsi أم لا -التوكيل سوف يفيدك

[minicooper20]

عادددددددددددى
امشى ب 92 على ضمانتى انا
هو هو ماتور الجيتا و كنت بحط 92

[TFSI]

عادددددددددددى
امشى ب 92 على ضمانتى انا
هو هو ماتور الجيتا و كنت بحط 92

الجيتا عمرها ما نزلت بموتور حصان Direct Injection FSI 115 وبتنزل بموتور Indirect injection عادى 8 فالف 102 حصان

لازم بنزين 95 ولو حطيت 92 ممكن تغير كل الشورت بلوك زى ما حصل مع وحد صاحبى بعد 15000 كم من استخدام بنزين 92

[Eng.Geo]

روح التوكيل واطلب يضبط كهرباء السيارة علي بنزين 92 (سوف يأخر كهربة السيارة شوية عشان تمشي ب 92 بدون مشاكل) - هذا كلام كتالوج لانسر بومة 2008 خليجي مضبوطة علي 95 - لا أعرف هل هذا ممكن مع ال fsi أم لا -التوكيل سوف يفيدك

تأخير كهربا مكتوب في كتالوج لانسر 2008 !!!!!!!!
تأخير الكهربا ده كلام تاني خالص ومينفعش لا في لانسر ولا باسات
العربيات الأنجكشن كلها مفيهاش الكلام ده
التأخير والتقديم ده كان زمان في العربيات الكربراتير اللي فيها سبراتير


لصاحب الموضوع
يفضل تمشي بالبنزين الموصي به
أولا بتحافظ علي الموتور
ثانيا انت كدة مابتوفرش .... العربية مخنوقة وهتدوس عليها عشان تمشي
انما لو بتحط الأوكتان الصح العربية هتكون فايقة ومش هتحتاج تدوس جامد وممكن كمان ال 95 يوفر عن ال92 لأنه هيمشيك مسافة أكبر

[minicooper20]

الجيتا عمرها ما نزلت بموتور حصان direct injection fsi 115 وبتنزل بموتور indirect injection عادى 8 فالف 102 حصان

لازم بنزين 95 ولو حطيت 92 ممكن تغير كل الشورت بلوك زى ما حصل مع وحد صاحبى بعد 15000 كم من استخدام بنزين 92

كلامك على راسى
انا كان قصدى نفس التيكنو
و البنزين لما احط 92 بدل 95 هغير شورت بلوك اعتقد ده نوع من المبالغه اوى
و الماتور ده لاهو بتربو و لا هو بسوبر اتشارجر يعنى ده حتت ماتور 1600 عااااااااادى
يمشى ب 92 زى الفل

[bahaa_monier]

حيرتووووني مابين ده وده :d
هتوكل علي الله وامش ب 95 كما موصي به
بس لو اتزنقت ومشيت 92 عادي ؟

[ahmedkhairy]

أعتقد لازم 95

[Formulator]

ممكن 92 مع اضافه اكوتين 150مل يرفع نسبه البنزين الى 95

ملهاش أى 60 لازمة الحركة دى..؟؟!!!
ومستحيــــــــــــل ترفع الأوكتان لـ93 حتى... هو الـFull-Tank بنزين 95 يا بلاش احسن
نفض لكلام الفتايين بتوع البنزينات.

يا شباب الـOctane-booster ده لما أكون حاطط للعربية 95 (من بنزينة نظيفة كمان), وبدور على أدااااااء أعلى سيكا (أوصله لـ96/97 مثلا).. ويكون نوع أصلى.. وفيه نسبة MMT عالية.
وده برضه لو العربية نفسها هتقدر تستفيد منه.. سوبر/تربو-تشارجر أو متعدلة, وعايز أجرى بيها؟؟!!!

انا كان قصدى نفس التيكنو

أعتقد يا كوبر انك تقصد:
ان مواتير الـFSI اللى نزلت بعض الدول منها مصر, كان عليها Map (خريطة بنزين) غير بتاع أوروبا.
ودى حاجة شائعة جدا عند الصناع الأوروبيين (البافارية بتطلب من BM كده فـ مواتير الـ2.0i مثلا)..

عشان الـECU تقدر تغير فـ الـTiming بتاع الـinjection/ignition لو حساس الـKnock قرأ ان البنزين سىء وبيعمل Detonation.. أو كركرة ولو خفيفة.
فـ بيأخر فى الـignition-Advance/Timing ليلائم التشغيل ببنزين 92.. بدلا من 95/98 اللى كانت الـECU (الأصلية) متبرمجة عليه.


و البنزين لما احط 92 بدل 95 هغير شورت بلوك اعتقد ده نوع من المبالغه اوى

+1
هو انها توصل لتغيير Short-Block بتاع موتور VW معمول من Grey Cast-Iron دى.. حاجة صعبة أوى..؟!!
وماتحصلش بسهولة كده, ولا فـ فترة صغيرة 15000 كم..؟؟؟!!
أقل واجب هيبقى الـCylinder-Liners (الشنابر) اتآكلت الأول, وممكن الـBearing-....ls (السبيكة) بتاع الـPiston-Rods (البيلات) اتآكلت...
وبعد كل ده.. هتلاقى مسارات البساتم فـ البلوك اتغيرت, وحصل اللى بتقولوا عليه, حاجة صعبة أوى وبتقد سنين عشان تحصل.

- لكن تقدر تقول ان طلمبة الـFSI بتاع الحقن المباشر (طلمبة كهرباء راكبة فـ وش السلندر, وصوتها Wining عالى كده)..
دى ضغطها بيقل جدا مع 92 (المفروض 150 بار).
- طبعا الـCompression-Ratio هتقل, وبالتالى أداء العربية هيقل (approx. 10%), استهلاك البنزين هيعلى... etc

@ bahaa_monier
رأيى: طالما صاحبها الأولانى كان مشغلها 95 على طول.. يفضل انك تكمل على 95..!!
لأن الموتور اتضبط على كده خلاص,
مش بس السوفتوير والـMap بتاع الـignition-advance دى متغيرات.. (كل ده بيتغير بـRestart او فصل البطارية 15 دقيقة)..؟!!

لكن عشان الـinternals بتاع الموتور نفسها, Seals/Gaskets الجوانات وكده..

[TFSI]

+1
هو انها توصل لتغيير Short-Block بتاع موتور VW معمول من Grey Cast-Iron دى.. حاجة صعبة أوى..؟!!
وماتحصلش بسهولة كده, ولا فـ فترة صغيرة 15000 كم..؟؟؟!!
أقل واجب هيبقى الـCylinder-Liners (الشنابر) اتآكلت الأول, وممكن الـBearing-....ls (السبيكة) بتاع الـPiston-Rods (البيلات) اتآكلت...
وبعد كل ده.. هتلاقى مسارات البساتم فـ البلوك اتغيرت, وحصل اللى بتقولوا عليه, حاجة صعبة أوى وبتقد سنين عشان تحصل.


الكلام ده حقيقى وحصل مش من وحى الخيال وفضلنا نفاصل مع المدير الألمانى لمدة اسبوعين لأنهم كانوا عايزين 42000 جنيه ووصلناها ل 7000 جنيه


- لكن تقدر تقول ان طلمبة الـFSI بتاع الحقن المباشر (طلمبة كهرباء راكبة فـ وش السلندر, وصوتها Wining عالى كده)..m

دى ضغطها بيقل جدا مع 92 (المفروض 150 بار).

للتصحيح

طلبمة البنزين سواء مواتير FSI or TFSI طلمبة عالية الضغط HPFP وميكانيكية ويتم وضعها على ال Intake Cam Shaft وليست كهربائية ولكن فيشة الكهربا بتبقى خاصة بال Fuel Pressure Regulator

وبالتالى ضغطها ملهوش علاقة بنوعية البنزين

[bahaa_monier]

متشكر علي الردود يا شباب
زودتولي خبرتي كتيررررررررررر في عالم المواتير ربنا يكرمكم
وخليني 95 مالهاش لازمة اني اقلل اداء عربيتي
الف شكررررررررررررررر

بس سؤال
ايه لازمة الازازة الصغننة بتاعة تنضيف التانك وتنضيف الماتور دول لو انا فاهم صح ؟؟