الزيت ناقص ولا مش ناقص

[المنسي]

باختصار العربية كنت بغير سير كاتينة للعربية اللى هو سير جنزير وكله كان تمام لما رحت اخد العربية من عند الميكانيكي قاللى ان الزيت نقص شوية ابقى زوده قلتله طيب امشي كده عليه لغاية مازوده قاللى اه المهم رحت بنزينة شل اللى انا بحط عندها الزيت وقلت للراجل بص على الزيت طلع المقياس وبص وقاللى ان الزيت مظبوط قلتله على الكلام بتاع الميكانيكي قاللى خدله الزيت وهو يزوده وهو المسئول لو حاجة حصلت قلتله يعني الزيت مظبوط قالى اه بس انا شاكك فيه لان العربية مكنتش متهيالى لحق الزيت يستقر فى الكرتيرة المهم سيبته ورحت بنزينه تانية وكان نفس كلام الراجل اللى فالبنزينة الاولانية ومشيت على كده من ساعتها ومزودتش زيت بس من يومين حاسس ان صوت الموتور مش مظبوط وخايف تكون مشكلة زيت مع العلم ان لمبة الزيت مش بتنور اعمل ايه عشان اتاكد ان الزيت مظبوط وايه العلامة اللى المفروض يكون عليها المقياس عشان بصراحة انا خايف امشي بالعربية واحد سنتيمتر لان حصل معايا من فترة ان ماستر العجل الخلفى باظ والزيت كله نزل واللمبة منورتش بتاعة زيت الفرامل انصحونى اعمل ايه

[khalid_adel]

اركن العربيه للصبح واكشف على مستوي الزيت بنفسك

[المنسي]

اركن العربيه للصبح واكشف على مستوي الزيت بنفسك

شكرا لرد حضرتك بس ايه الطريقة اللى اعرف بيها الزيت مش ناقص ولو ناقص اعرف ازاى ناقص اد ايه انا بصراحة قلقان انا بقالى يومين راكن العربية وبروح شغلى مواصلات وبرجع متاخر ومش عايز اتحرك بيها من الصوت اللى بسمعه من الموتور مع العلم ان صوت الموتور كان بقى حلو بعد تغيير السير وبعدين الصوت مبقاش كويس اعمل ايه

[Kareem.ElAraby]

متابع

[Lion_Heart]

دور العربية عادى فى مكان مستوى ميكونش الارض فيه مايلة
سيب العربية دايرة لمدة 5 دقايق او لحد ما الحرارة ترفع
طفى العربية و سيبها 5 دقايق
هات مقياس الزيت اللى هو بار و فى نهايته من فوق حلقة
هات قماشة نظيفة و امسح اثر الزيت من عليها
نزل المقياس تانى فى مكانه و لثوانى و ارفعه تانى
هتلاقى علامتين فى المقياس من تحت min&max
المفروض الزيت بين العلامتين دول
و لو اقل يبقى الزيت ناقص
لو ازيد من العلامة العليا يبقى الزيت زايد
بس

[المنسي]

دور العربية عادى فى مكان مستوى ميكونش الارض فيه مايلة
سيب العربية دايرة لمدة 5 دقايق او لحد ما الحرارة ترفع
طفى العربية و سيبها 5 دقايق
هات مقياس الزيت اللى هو بار و فى نهايته من فوق حلقة
هات قماشة نظيفة و امسح اثر الزيت من عليها
نزل المقياس تانى فى مكانه و لثوانى و ارفعه تانى
هتلاقى علامتين فى المقياس من تحت min&max
المفروض الزيت بين العلامتين دول
و لو اقل يبقى الزيت ناقص
لو ازيد من العلامة العليا يبقى الزيت زايد
بس

شكرا لرد حضرتك وللشرح انا هعمل زى ماحضرتك بتقول بس انا لولقيت مابين العلامتين مفيش مشكلة ولا ايه الوضع ولو الزيت اقل من علامة min يبقى هازوده معلش حضرتك وضح لى جزئية مابين العلامتين دى وشكرا ليك مرة تانية

[omaroof]

الصبح قبل ما تدور العربيه افتح الكبوت وفيه مقاس الزيت اسحبه وامسحه وحطه مكانه تانى وشيله وشوف المقاس بيبقى عندك شرطتين واحده لو وواحده ماكس يعنى واطى وزياده لازم الزيت يكون بين الشرطتين دول
قسها وشوفها عشان تطمئن

[المنسي]

الصبح قبل ما تدور العربيه افتح الكبوت وفيه مقاس الزيت اسحبه وامسحه وحطه مكانه تانى وشيله وشوف المقاس بيبقى عندك شرطتين واحده لو وواحده ماكس يعنى واطى وزياده لازم الزيت يكون بين الشرطتين دول
قسها وشوفها عشان تطمئن

شكرا لرد حضرتك وتوضيحك

[Lion_Heart]

شكرا لرد حضرتك وللشرح انا هعمل زى ماحضرتك بتقول بس انا لولقيت مابين العلامتين مفيش مشكلة ولا ايه الوضع ولو الزيت اقل من علامة min يبقى هازوده معلش حضرتك وضح لى جزئية مابين العلامتين دى وشكرا ليك مرة تانية

لو بين العلامتين مفبش مشاكل
لكن لو ازيد او اقل دى المشكلة

[المنسي]

شكرا لردودكم جميعا

[windofchange]

اهم حاجة الارض تكون مستوية(تقف بالعربية وهي ماتتحركش ومتكونش محتاجة شد فرامل اليد ومتكنش مايلة يمين او شمال تكون الارض مسطرة) عند قياس الزيت وان كنت افضل تقيسه بعد ماتدور العربية والموتور يوصل لدرجة حرارته الطبيعية وبعدين تبطل واستني 10 دقايق وارفع المقياس وامسحه بقماشه نظيفة ودخله في مكانه تاني وارفعه والمفروض الزيت يكون عند الmax او الشرطة العلوية لو مش مكتوب عالمقياس وميعديش الشرطة العلوية يعني الطبيعي يكون عند الشرطة العلوية بالظبط وميزيدش عنها(لو زاد عنها نزل الزيت الزيادة لأنه غلط عند البنزينة بالمكنة ),محتاج يتزود لما يكون مابين الشرطتين ,لاقدر الله تحت الشرطة السفلية يبقي ناقص عالآخر وممكن حصل ضرر للمكنة وتزوده فورا,,,وانت المفروض عارف الموتور بياخد كام لتر زيت من غير فلتر الزيت وبالفلتر(لو هتغير الفلتر)

[المنسي]

اهم حاجة الارض تكون مستوية(تقف بالعربية وهي ماتتحركش ومتكونش محتاجة شد فرامل اليد ومتكنش مايلة يمين او شمال تكون الارض مسطرة) عند قياس الزيت وان كنت افضل تقيسه بعد ماتدور العربية والموتور يوصل لدرجة حرارته الطبيعية وبعدين تبطل واستني 10 دقايق وارفع المقياس وامسحه بقماشه نظيفة ودخله في مكانه تاني وارفعه والمفروض الزيت يكون عند الmax او الشرطة العلوية لو مش مكتوب عالمقياس وميعديش الشرطة العلوية يعني الطبيعي يكون عند الشرطة العلوية بالظبط وميزيدش عنها(لو زاد عنها نزل الزيت الزيادة لأنه غلط عند البنزينة بالمكنة ),محتاج يتزود لما يكون مابين الشرطتين ,لاقدر الله تحت الشرطة السفلية يبقي ناقص عالآخر وممكن حصل ضرر للمكنة وتزوده فورا,,,وانت المفروض عارف الموتور بياخد كام لتر زيت من غير فلتر الزيت وبالفلتر(لو هتغير الفلتر)

شكرا لرد حضرتك النهاردة الصبح نزلت مشوار بالعربية وبعد ماركنت استنيت شوية وقيست الزيت لقيت المقاس فى النص بين العلامتين يعني بين MIN و MAX انا كده لازم ازوده ولا عادى مفيش منه مشكلة وكان فيه مشاركة قبل كده لحد كان بيسال نفس السؤال http://www.nilemotors.net/Nile/27839...post3874201713 انا دلوقتى عايز اعرف هل ازود الزيت لغاية MAX ولا اكمل كده عادى

[المنسي]

اخر كلام هل الزيت عند الماكس لازم ولا بين العلامتين مش فارق وشغال على كده

[mohamed_7amo]

مش فارق المهم ميزدش عن الماكس وميقلش عن اللو

[Lion_Heart]

اخر كلام هل الزيت عند الماكس لازم ولا بين العلامتين مش فارق وشغال على كده

طالما بين العلامتين زى الفل كده تمام
لكن كل كام يوم قيس الزيت او بعد مشوار طويل اوى
اظن الطريقة سهلة
و لو قرب من الــ min

زود مايعادل نصف كوب
و دور العربية و استنى شويه و قيس تانى و هكذا حتى يقترب من الــــmax

اهم حاجة انه لا يزيد عن الــــmax و لا يقل عن الــ min
و الافضل انه يقترب من الــــmax

عيب انك لو زودت عن الــــmax انك لازم تخلى الميكانيكى يهوى الطبة و ينزل شوية زيت
او بجهاز شفط زى السرنجة عن بعض اللى بيغيروا زيوت