ايه الخطوات الصحيحة لركن العربية لمدة زمنية طويلة؟

[BomBom]

لو - لاي ظروف - هتركن العربية لفترة من 6 شهور الى سنة ، ايه هي النصائح المفروض اتباعها في الحالة دي للمحافظة على العربية طول مدة الركنة. الحاجة التانية عند استئناف استخدام العربية ايه المفروض يتعمل ( تغيير زيت ، .....).؟

[hazem_khidr]

اول حاجه تركنها في جراج مش في الشارع
و تشيل البطاريه منها
و ترفعها علي قوايم خشب علشان الكاوتش ما يحصلش ليه حاجه
المكان يستحسن انه يكون فيه تهويه و ما يكونش رطب.
لو امكن تحط شحم في الفجاوي اوك
لو حتخزن لفترات طويله يبقي تدهن العربيه كلها شحم و دا احسن حل علشان البارومه ما تسرحش فيها
.............
لما تيجي تنزلها تاني
تحط البطاريه و تدورها و علي اول مشحمه اغسلها و غيرالزيت و الفلتر حتي لو كنت مغيره قبل ما تركنها.
و طبعا السيور و الحاجات دي لازم لانها ممكن تكون نشفت من الركنه فتره طويله.
البوجيهات لازم تتغير برضه و ممكن تكون رطبت و تغيرها قبل ما تدور كمان
بــــــــس كده :)

[Ahmad Allawy]

كلامك سليم حازم بك..
و تكملة لكلامك ده..
كان في موضوع مفتوح و مثبت في القسم التعليمي..
بيتكلم عن خطوات رفع السيارة لفترات..
وادي اللينك بتاعته..

http://www.nilemotors.net/Nile/showthread.php?t=4013

ممكن يكون في كلام هناك مقولناهوش هنا..