حد عنده خلفيه عن المتسوبيشي البطه

[mahmoud_anwar]

ياجماعه انا نوي اجدد وهبيع عربيتي الجولف
وكنت عايز اركب ميتسوبيشي لانسر 94 العربيه دي شكلها بيوهمني اكتر من الهوندا شكلها افرص بكتير بس المشكله بتعتها ان ماتورها 1300 سي سي يعني ماتور صغير ولو العربيه دي تحت رجلي اكسرماتورها لي اني من ساعت ما اتعودت علي السواقه وانا بسوق مواتير كبيره وبعشق العربيات الي ماتورها عافي
المهم انا قولت لو بعت الجولف واشترتها ان شاء الله
عايز اركب للعربيه المتسوبيش دي ماتور ايه الماتور الي يقدر ينزل عليها ويبق الماتور مستريح
ويكون ماتور عافي وعايز اعرف سعره هيكون في متوسط كام

[Eng.Geo]

انا مش متأكد الصراحة ان كانت قواعدها زي الكريستالة ولا مختلفة
بس هقولك الكريستالة بيركب عليها ايه
mivec 1600 وده بيخرج 170 حصان
mivec 2400 وده بيخرج 162 حصان
الفرق ان ال 2400 كامة واحدة وال 1600 كامتين
علي نفس السرعة ال2400 هيكون مستريح عن ال1600 في نفس الغيار
ال 1600 أوفر في الزحمة في أستهلاك البنزين
ده كدة شوية معلومات بسيطة

[mahmoud_anwar]

انا مش متأكد الصراحة ان كانت قواعدها زي الكريستالة ولا مختلفة
بس هقولك الكريستالة بيركب عليها ايه
mivec 1600 وده بيخرج 170 حصان
mivec 2400 وده بيخرج 162 حصان
الفرق ان ال 2400 كامة واحدة وال 1600 كامتين
علي نفس السرعة ال2400 هيكون مستريح عن ال1600 في نفس الغيار
ال 1600 أوفر في الزحمة في أستهلاك البنزين
ده كدة شوية معلومات بسيطة

طيب انا مخدتش معلومات عن قطع غيار الماتور وكمان ال1600 امايفك عامل كام وهو ممكن ينزل علي شاسيه البطه ولا ايه دلوني علشان ابقا راسم الطريق صح

[MaZaGAngeE]

باشا الموتور مش قليل عليها خالص , انا من الناس اللي بتشد و تجري و العربية معايا مبتقصرش ابدا

[yousefsemsem]

بس لو ماتورها 1500 ولا 1600 يبقي جامد هي اه مش بتقصر خالص لكن العفي بيكون جامد وده اللي انا ناوي اعمله باذن الله

[M.Elgergawy]

ممكن يركب عليها 1600 مستريح

[MaZaGAngeE]

بس لو ماتورها 1500 ولا 1600 يبقي جامد هي اه مش بتقصر خالص لكن العفي بيكون جامد وده اللي انا ناوي اعمله باذن الله

هيه كانت بتنزل 1300 و 1500 بس مش عارف كان فيها 1600 و لا مفيش
و اكيد المواتير الاكبر هتخلي العربية صاروخ

[mahmoud_anwar]

هيه كانت بتنزل 1300 و 1500 بس مش عارف كان فيها 1600 و لا مفيش
و اكيد المواتير الاكبر هتخلي العربية صاروخ

طيب بما انك من ملاك العربيه دي ممكن توصف لينه شعورك عنها ايه مميزاتها وايه عيوبها
بعيدآ عن انك تكلم عن ماتورها 1300
يعني قطع غيارها ايه منتسرة قليله كده ءعر قطع غيارها ايه كويسه العربيه مشكلتها ايه
ورنج بتعها بيكون كام لوعربيه حالتها محترمه عايز سعر حقيقي مش سعر كونتكت كار الي كله تجار ولا سعر السوق الي مفيهوش بيع بسبب المبالغ المبالغ فيها
وسؤال ماتور 1600 المايفك ده عامل كام استراد هل ليه قطع غيار جديدة واستراد ولا ايه ؟ عايزن نعرف

[عصام غنايم]

انا عن نفسى بحب العربيه دى اكتر من الكرستاله

[S O P H O S]

فعلا سيارة محنرمة جدا

[misoalex]

خليك فى الجولف او اركب بى ام

بلاش اللعب والتسقيط فى اللانسر تكلفته عاليه جدا وممكن الشغل ميطلعش مظبوط خالص وتفضل تصرف دم قلبك وحاجه اللانسر مش رخيصه

لكن الجولف والبى ام هما مكنهم استوك كبير اصلا مش محتاج تسقيط

انت نزلت من بى ام لجولف حتنزل من جولف للانسر !!

[SASA3]

مواتير اللانسر بتبقى حامية اوى على فكرة و الشد و السحب تسد معاك بالقوى

عاوز ماتور عفى هات ال1500 توين كام
او ال1600 واحد كامه اسمها المكنة الحمراء

و التكلفة بالتركيب و شرء كل حاجه فى حدود 4000

و طلعاا قطع الغيار اللانسر منتشرة جداا فى السوق

دى العربيه الاولى فى مصر

بس هى مريحة و واسعه من جوة و رنجها من 35 الى 40

[MaZaGAngeE]

طيب بما انك من ملاك العربيه دي ممكن توصف لينه شعورك عنها ايه مميزاتها وايه عيوبها
بعيدآ عن انك تكلم عن ماتورها 1300
يعني قطع غيارها ايه منتسرة قليله كده ءعر قطع غيارها ايه كويسه العربيه مشكلتها ايه
ورنج بتعها بيكون كام لوعربيه حالتها محترمه عايز سعر حقيقي مش سعر كونتكت كار الي كله تجار ولا سعر السوق الي مفيهوش بيع بسبب المبالغ المبالغ فيها
وسؤال ماتور 1600 المايفك ده عامل كام استراد هل ليه قطع غيار جديدة واستراد ولا ايه ؟ عايزن نعرف

انا ركبت العربية دي بعد الفولفو 940 و بعد زلموكة يعني نلة اكبر من النزلة بتاعة جولف لبطة .... المهم

العربية دمها خفيف , لذيذة , محندقة , ناعمة , سهل جدا التحكم فيها , ثباتها كويس جدا لحد 185 كيلو في الساعة , تكييف كويس جدا , قطع الغيار رخيصة جدا .... ( فانوس اشارة ب 25 , فانوس امامي ب 120 , 2مساعدين امامي ياباني اصلي ب 350 , 2 مساعدين خلفي ياباني اصلي 500 ,.... و الاسعار زي كده ) و متوفرة في فاقوس شرقية , بني مزار المنيا , بني سويف , و طبعا في مصر عند بتوع الياباني .
عيب العربية انها واطية و بتحك في المطبات العالية , و عيب كمان انت لو عيلتك كبيرة و معاهم شنط هتبقى العملية صعبة .....
مش عارف بالظبط رينج الاسعار ... بس انا لو جالي سعر بين 33 الى 35 هبيع بكل اسف لأن العربية بقت صغيرة على العصابة بتاعتي ....

لو عايز تجرب العربية بس يكون خميس أو جمعه ( بغض النظر عن اني عايز ابيعها ) كلمني و نرتب مقابلة و سوقها و احكم بمفسك على البطة ...

[mahmoud_anwar]

خليك فى الجولف او اركب بى ام

بلاش اللعب والتسقيط فى اللانسر تكلفته عاليه جدا وممكن الشغل ميطلعش مظبوط خالص وتفضل تصرف دم قلبك وحاجه اللانسر مش رخيصه

لكن الجولف والبى ام هما مكنهم استوك كبير اصلا مش محتاج تسقيط

انت نزلت من بى ام لجولف حتنزل من جولف للانسر !!

ياباشا انا نفسي اركب بي ام ام فورتي بس تكون عربيه وقفه هاتلي في مصر بي ام فورتي مش متهانه ومتبهدله والمشكله ان اسعارها ضربه في الخيال يقولك 50 الف وتاني يقولك 55 وتالت يقولك 60 اه وربنا ههههههههه والمشكله هتجيب ام 50 شوف العربيه دي كانت تحت ايد شب فرك امها هتاخدها من بعده تقعد تشد فيها لغايه لما تشد شعرك وراها من كتر ما هتكون بلاعه فلاوس اما بي النسبه اللجولف عربيه جميله موزززززز وانا بعشقا وكمان عربيه مابتقولش لا مع اي عربيه عايزة تشد معايه بس انا صرفت عليها مصاريف مغوله وتخيل انا عايز ابيعها دلوقتي ليه ؟
علشان هيا مش عايزة غير كرسين او يتظبطه وتكيف والتكيف بقا سئلت عليه قالي الياباني بي 3000 الف جنيه غير التركيب والصيف داخل وانا استحرمت احط تكيف قولت ابيعها واشتري عربيه فيها تكيف واسقط له ماتور بس يكون فيها تكيف
مع العلم تعالي اقولك انا صارف عليها قد ايه
ماكنه بي فتيسها بي الضفيره 1800 بي بي وطرمبه بور + فرامل سكاكين
عافشه كامه جديده ومساعدين استراد جولف 3
وصارف عليها اتنين اكصدام جي ال
وشاري عداد جديد ار بي ام علشان عددها ساعه
وشاري قطمه كامله بي الطاره
غيراني مغير ماسوره الشكمان مغيره بي ماسورة 2 بوصه كبيره علشان الماتور يطلع الهوا بتاعه مستريح وعلبه ديفل كانت عندي من زمان في البي ام
غير بقا السنتر والزجاج الكهرباء ولسه جايب اربع فرد كوتش جديد ماعملوش 100 كيلو
ولسه عاملها طقم صاينه مغير افروميتور وطرمبه زيت
وشفت بعد كل المصاريف دي حسيت حرام عليا اصرف اكتر من كده ليه علشان العربيه مش هتجبلي كل ده فاحرام عليا قولت ابيعها كده والي يشتريها يبقا يحط هوا فيها التكيف

[mahmoud_anwar]

مواتير اللانسر بتبقى حامية اوى على فكرة و الشد و السحب تسد معاك بالقوى

عاوز ماتور عفى هات ال1500 توين كام
او ال1600 واحد كامه اسمها المكنة الحمراء

و التكلفة بالتركيب و شرء كل حاجه فى حدود 4000

و طلعاا قطع الغيار اللانسر منتشرة جداا فى السوق

دى العربيه الاولى فى مصر

بس هى مريحة و واسعه من جوة و رنجها من 35 الى 40

ازيك ياباشا انا عايز اعرف الماكنه 1500 اتنين كامه كام حصان وقطع غيارها موجوده ومين الي ممكن يعمل الليله دي من الميكانيكيه
وال1600 كامه واحده كام حصان ؟؟؟؟
وهل سعر ال 4000 الف ده انتا واثق منه ولا ايه ؟؟؟؟؟