عملت حادثة ولبست في توك توك :(

[Nistelrooy]

بسم الله الرحمن الرحيم

السلام عليكم ورحمة الله وبركاته



:( ,, خارج من شارع وطبيعي ببص علي العربيات الي جاية من الشمال قمت طالع الاقي توك توك جي عكس قمت لابس فية .. وانا طالع ودايس بنزين جامد علشان اطلع بسرعة

الخسائر : الاكصدام اتكسر واتفلق من النص واعوجاج الرفرف وخروج الفانوس من مكانة وكسر في المثبت بتاع الفانوس ؟؟



دي الصور










المشكلة لما نزلت بعد الحادثة ببص علي العربية وماهتمتش للي في التوك توك حصل له حاجة ولا لاء .. لاني خبطة في جنب التوك توك ..

كان راكب معاه واحد نازل بيزعق بيقول يعني انتا خابطنا وكمان بتشوف العربية وسايبنا ...
ساعتها انا ماتكلمتش ولقيت الشاب الي كان راكب عربية وريا هو الي نزل يتخانق معاه بيقولة يعني ماشي عكس وكمان بتكلم والراجل ماغلطش وانتوا الي غلطانين وكدا ...

... ومشيت بدون ما اطلع بحق ولا باطل طبعا ..

دلوقتي انا مامن من كونتاكت كارز هل هيطلبوا مني حاجة وهل هيغيروا لي علطول بدون مطالبة باي حاجة .. وان شاء الله مش ناوي اعملها دلوقتي لاني رايح بكرا الجيش فلما ارجع وسبتها في الجراج :(

[Elawany13]

حسبى الله ونعم الوكيل فى البهايم
حمد الله على سلامتك
قدر الله وماشاء فعل

[Ahmod]

لا حول ولا قوة الا بالله

الله يحرق التكاتك على اللى نزلها البلد !

بيحصل الموقف ده كتير وياريت على التكاتك وبس ! والله العظيم وعلى الطرق السريعة وسعات بنلاقي عربيات نص نقل / نقل ماشية عكس ! طب انا مرة شفت ترلا بمقطورة

على طريق اكتوبر وفاته الفتحة بتاعة الدايري وراجع بضهره ! لاء وايه كمان كان ماشي على الشمال

التسيب بقى في كل حتة وفي كل مكان !

الحمد لله انها جت على قد كدة واكيد ربنا فداك بحاجة اكبر

الحمد لله

[Sehsss]

الحمد لله.. قدر الله وما شاء فعل

[Nistelrooy]

حسبى الله ونعم الوكيل فى البهايم
حمد الله على سلامتك
قدر الله وماشاء فعل

الحمدلله علي كل شيء :)

الله يسلمك ..

لا حول ولا قوة الا بالله

الله يحرق التكاتك على اللى نزلها البلد !

بيحصل الموقف ده كتير وياريت على التكاتك وبس ! والله العظيم وعلى الطرق السريعة وسعات بنلاقي عربيات نص نقل / نقل ماشية عكس ! طب انا مرة شفت ترلا بمقطورة

على طريق اكتوبر وفاته الفتحة بتاعة الدايري وراجع بضهره ! لاء وايه كمان كان ماشي على الشمال

التسيب بقى في كل حتة وفي كل مكان !

الحمد لله انها جت على قد كدة واكيد ربنا فداك بحاجة اكبر

الحمد لله

ماهو المرور في غيبوبة :(
الحمدلله ع كل شيء ..

الحمد لله.. قدر الله وما شاء فعل

الحمدلله وشكرا يا جماعة ..

[abo_lamar]

بلد مالهاش صاحب

[eng.m7md.ali]

معلش ياسامح الحمد لله انك بخير والايرباجز مضربتش
ربنا يحرقهم بجاز معفن

[me_medoo]

معلش يافندم قدر الله ومشاء فعل ... ولسه والله كنا بنتكلم في الموضوع ده امبارح على التكاتك والامتسيكلات الصيني ...
ودخلو شباب يدافعوا عن اصحابها وعم الموتسيكلات ذات نفسها

http://www.nilemotors.net/Nile/281250-a-3.html

فعلاً هيا بلالالالالاء أبتلينه فبيه زي الفلونزا الخنازير والطيور والحمى القلاعية في مصر وعدوى التكاتك وطاعون الموتسيكلات الصيني .

[Nistelrooy]

بلد مالهاش صاحب

معلش ياسامح الحمد لله انك بخير والايرباجز مضربتش
ربنا يحرقهم بجاز معفن

معلش يافندم قدر الله ومشاء فعل ... ولسه والله كنا بنتكلم في الموضوع ده امبارح على التكاتك والامتسيكلات الصيني ...
ودخلو شباب يدافعوا عن اصحابها وعم الموتسيكلات ذات نفسها

http://www.nilemotors.net/nile/281250-a-3.html

فعلاً هيا بلالالالالاء أبتلينه فبيه زي الفلونزا الخنازير والطيور والحمى القلاعية في مصر وعدوى التكاتك وطاعون الموتسيكلات الصيني .

الحمدلله ... وحسبي الله ونعم الوكيل .. فعلا بلاء التكاتيك دي .. قبل كدا برضوا في حالي بمون الاقي توك توك داخل البنزينة وماشي عكس برضوا ويحك لي في العربية وانا واقف ؟؟

[Amrgamal1]

قدر الله وماشاء فعل
مشكله بلدنا بتتلخص في كلمه ( التخلف )
لما بتبقي بتعمل يوتيرن وتلاقي كل اللي جاي واخد شماله وبيقلب نور ومش مديك فرصه تعدي
طيب يا ولاد ال..... دا مكان يوتيرن المفروض تاخدو يمين
والمفروض قبل كل يوتيرن فيه مطب ولافته
احنا اقسم بالله بلد متخلفه والتكاتك دي تاكيد علي تخلفنا
قليل لما بلاقي واحد محترم وفاهم سواقه ببقي عايز انزل من عربيتي واسلم عليه واقوله انت راجل محترم

[S O P H O S]

معلش
قدر الله وما شاء فعل
الحمد الله علي كل شئ

[dr.hazem]

طب انت بتقول جي عكسي

انا كنت راكن عربيتي وواقف جنبها وفاتح الكبوت بعمل حاجه فيها
جه توكتوك وفوشه عربية واصر انه يرمي بوزه الاول فاتحشر وكان بينه وبين عربيتي مليمترات
قلتله حاسب
حاسب هتحك العربية وبصلي وراح باصص للجنب وبقى على يقين انه هيحك العربية
وراح زي ال())*%....%$$#$# راح داس بنزين ولسان حاله بيقول انا هحكهالك يعني هحكهالك
وبعد اما حكها وواخد الاكصدام وطالع
قلتله يبني حرام عليك قلتلك ووريتهالك وبصيت عليها
لقيته بيرجع لورا قال يعني خلاص اقتنع انه فعلا هيحكها يخربيت دي دماغ وسخه
قلتله يابهيمه امشي امشي خلاص روح غور من وشي الله يلعنك خد الاكصدام وامشيييييييييييييييييييييييييي


راح ماشي والحمد لله انها جت على قد كده وحسبي الله ونعم الوكيل

[me_medoo]

قدر الله وماشاء فعل
مشكله بلدنا بتتلخص في كلمه ( التخلف )
لما بتبقي بتعمل يوتيرن وتلاقي كل اللي جاي واخد شماله وبيقلب نور ومش مديك فرصه تعدي
طيب يا ولاد ال..... دا مكان يوتيرن المفروض تاخدو يمين
والمفروض قبل كل يوتيرن فيه مطب ولافته
احنا اقسم بالله بلد متخلفه والتكاتك دي تاكيد علي تخلفنا
قليل لما بلاقي واحد محترم وفاهم سواقه ببقي عايز انزل من عربيتي واسلم عليه واقوله انت راجل محترم

فعلا ً والمشكلة عندنا كمية جهل وفقر وتخلف كبيرة جداً ، وشوف كمية الخسائر الي اتسبب فيها التوك توك في العربية بتاعت الراجل ... هتلقيها بلاوي ... في حين التوك توك 40 جنية يصلحولوا التوك توك ويرجعهولوا زي الفل .

وسيبك حتى لو صاحب العربية مئمن عليها شوف العطلة ياعيني الي هيتعطلها صاحب العربية ووقف الحال علشان انسان مهمل ومستهتر

يعني علشان بسلامتو بتاع التوك توك يوفر ربع جنية بانزين يقوم يخش عكس ويعرض ارواح الناس للخطر ويخسرهم ممتلكاتهم ...

وكافية انهم يكسروا فرحت صاحب العربية بعربيتو ... بسبب استهتارهم ولا مبالتهم ...

ياترى فرحت صاحب العربية بعربيتو ياترى التأمين هيصلحلوا الفرحة الي اتسكرت ... ولا هتلاقي صاحبها ياعيني جوه قلبو قهر ومرار وحسرة من حال البلد الي مبتخليش الواحد ينبسط ولا يتهنى بحاجتو ... وتحياتي ... وقلبي معاك ياريس .

[mido_soliman]

سلامات يا سامح والحمد لله انها جت على قد كدة
انا رائى توديها التوكيل طالما انت رايح الجيش وخلال ال 45 يوم الاولانيين حتكون خلصت وتروح فى اجازتك تستلمها وطبعا التامين حيشيلها من غير اى طلبات ولا اى حاجة

[me_medoo]

كمان المشكلة ان العيال دي بتبقى عيال شمامة ... وحشاشة وضريبة ... وتلاقيهم مسلحين مبقاش في توك توك فيكي يا مصر ... غير ومركب طقم سيستم ساوند يزعج بيه أمة لا أله الا الله ، أو انو يمشي من غير مطوة أو أليكترك .

يعني لو صاحب التوك توك غلطان وصاحب العربية نزل يكلمو ممكن يغزوو مطوتين او يكهرب صاحب العربية ياعيني ... حسبي الله ونعم الوكيل فيهم بشر عاوزة الحرق .