اول مره اشوف كده فى الغردقه

[abokoko]

اول مره اشوف الطوابير الممتده امام البنزينات
وبكل الانواع سولار + بنزين بانواعه
دايما الغردقه الزحام فيها محدود ومش بيكون طول اليوم
المره دى ازمه ازمه ازمه
ورحت اقف فى الطابور وسالت اللى قبلى فى بنزين 80 وكان سواق بيجو
وقال انه مش عارف لكنه هيمون اى بنزين يلاقيه
؟؟؟؟؟؟؟
وبكره بفكر فى حاجه من الاتنين اما اصحا بدرى على الفجر وادور على بنزين
او اروح الشغل من غير العربيه

[beeronasr]

أنا برضو شغال فى الغردقة - الازمة فعلا مستمرة و انت و حظك - زمايلى فى الشغل منهم اللى حط بنزين 95 و اللة مع انة اغلى جنية لمجرد انة مش لاقى حاجة - انا حطيت 92 اول امبارح من ....l اللى ادام المطار و جرب برضو اللى عند صينية سنزو senzo mall وان شاء اللة تلاقى

[abokoko]

عند سينزو كان فى طابور للعربيات النقل والمكروباص اللى بتمون سولار ممتد لاول الدوران
وجنبه طابور تانى للملاكى والعربيات اللى بتمون بنزين - وده اللى وقفت فيه شويه
وسالت الراجل اللى قبلى بتاع البيجو الاجره عن البنزين الموجود - وقال اى نوع هيمون منه

ووطنيه اللى جنب مستشفى النيل الطابور كان واصل لاول الدوران عند الصينيه
حاجه اول مره اشوفها

[abokoko]

R.N.N | شبكة رصد
#رصد | #البحر_الأحمر | تخفيض حصة المحافظة من البنزين والسولار وتفاقم الأزمة

متابعة: خالد الجهني

استمرت أزمة اختفاء السولار والبنزين من محطات التموين بمختلف مدن البحر الأحمر مما أدي إلى قيام عدد من أصحاب هذه المحطات بإغلاقها ووضع حواجز معدنية علي مداخلها لمنع تكدس السيارات أمامها.

وأكد أحد المسؤلين بمحافظة البحر الأحمر أن السبب في تفاقم الأزمة قيام الهيئة العامة للبترول بتخفيض حصة مدن البحر الأحمر اليومية من المواد البترولية بنسبة تصل إلى 50%.

من جانب آخر فإن محطة الرفع الرئيسية لمياه الشرب المغذية للغردقة بمنطقة جمشه مهددة بالتوقف عن العمل بسبب نقص السولار مطالبين هيئة البترول بصرف حصة البحر الأحمر كاملة من المواد البترولية.

وقد شهدت شوارع الغردقة تكدس مئات السيارات أمام عدد من المحطات في انتظار وصول شاحنات المواد البترولية من معامل التكرير بالسويس، واضطر عدد من السائقين والمواطنين للمبيت داخل سياراتهم في انتظار الحصول على السولار والبنزين وفي مدينة سفاجا توقفت عشرات الشاحنات المحملة بمواد البناء والمواد الحجرية عن السير لعدم وجود السولار والغي عدد من اصحاب شركات السياحة الرحلات اليومية للاتوبيسات السياحية مابين الغردقة والاقصر كما أكدت التموين أن هناك عجز شديد في المواد البترولية بصل إلى نحو 80% حيث خلا عدد من المحطات من أي مواد بترولية.
See Translation

[abokoko]

مين اللى خفض الحصه ؟؟؟
ولمصلحة من ؟؟؟

[Sehsss]

هي دي مصر

[abokoko]

الفكره انى الغردقه بلده هاديه وسكانها قليلين والازمات بتكون محدوده فيها
وكمان بيتعمل حساب للاجانب الموجودين واللى عايشين فيها
فدى اول مره تازم فيها بالشكل ده

[ahmed_h_g]

تعالوا مونوا من غارب وأرجعوا

[abokoko]

انا فى ازمة فى سفاجا زيها زى الغردقه
لكن معرفش حاجة عن الاوضاع فى غارب
بس عموما غارب بلد البترول من زمان

[ahmed_h_g]

غارب فيها بنزين بس مضروب
العربيه بتسقف علي ال92

[ahmedkhairy]

ربنا يسترها على مصر

[misoalex]

غارب فيها بنزين بس مضروب
العربيه بتسقف علي ال92

تصدق انا لقيت بنزينه فاضيه هنا فى اسكندريه موبيل

دخلت حطبيت بنزين وطلعت كملت مشوارى جيت اركن العربيه لقيت ال rpm عالى على السلانسيه والعربيه مخنوقه وبتبطل

تقريبا ابتدو يغشو البنزين تانى