اضحك مع سواق توك توك موقف حصل معايا النهاردة

[bam8572]

السلام عليكم ورحمة الله وبركاته
--

الموقف دا حصل معايا شخصياً النهاردة

المكان : المحلة الكبرى

الزمان : 3 العصر تقريباً

وصف الطريق : طريق يسع لـ 4 عربيات ,, متقسم 2 رايح و2 جاى وفى حواجز بلاستيكية فى الارض كدا زى اللى موجودة فى اسكندرية ع الكورنيش اللى بتفصل بين العربيات المكملة طوالى والعربيات اللى هتلف

انا ماشى فى امان الله جالى تليفون ,,

عملت اشارة يمين واخدت يمينى بهدوء ومفيش اى حد جه ,, وبعد ما بقيت فى اليمين رسمى خلاص , رحت مشغل الانتظار وهديت سرعة العربية لحد ماوقفت

بطلع التليفون من جيبى لقيت توك توك واقف جنبى وسواق التوك توك دماغه تقريباً داخلة لى جوا العربية ,, بيقولى يابيه حد بيقيد الاشارتين مع بعض ؟؟؟ حرام عليك يابيه ,, وقال راكبين ملاكى بس

انا بصراحة مستوعبتش

اشارتين مع بعض ؟؟ قولت يمكن دراع النور عندى علق ولاحاجة ولا يقصد انى داخل يمين وعامل شمال ,, مكنتش مستوعب بصراحة

ابص فى الطبلوه الاقينى آيد الإنتظار

إذاً الإنتظار فى نظر سواقين التكاتك غباء من سواقين الملاكى وانهم قايدين الاشارتين مع بعض :)



دمتم سالمين

[Eng.Geo]

كان بيهز أو شارب

[mostafa mahmod]

هههههههههههههههههههههههههههههههههههههههههههههههههه ه

هم يضحك

[M.belal]

يا ولاد اللعيبه
وانا اقول هما بيفجئونى ليه :d

[bam8572]

كان بيهز أو شارب

وحياتك لا دا ولادا ,, دا كان بيتكلم بزعيق اوى وكان هاين عليه يسيب التوك توك وينشل يتخانق معايا :)

هههههههههههههههههههههههههههههههههههههههههههههههههه ه

هم يضحك

اه والله ,, منه لله جيمى واعوانه اللى دخلوا لنا التكاتك دى البلد

يا ولاد اللعيبه
وانا اقول هما بيفجئونى ليه :d

واى مفاجئات يابرنس

هما مبيغلطوش اصلاً

انما احنا ؟؟........................* ,, احنا بنضايق سواقين التكاتك وبنعكنن عليهم :)


برجاء مراعاه الالفاظ علي صفحات المنتدي
مشرف عام 1

[Eng.Geo]

وحياتك لا دا ولادا ,, دا كان بيتكلم بزعيق اوى وكان هاين عليه يسيب التوك توك وينشل يتخانق معايا :)


واى مفاجئات يابرنس

هما مبيغلطوش اصلاً

انما احنا ؟؟ احنا ولاد كلب ,, احنا بنضايق سواقين التكاتك وبنعكنن عليهم :)

ههههههههههههههههههههههههههههههههههههههههههه

[K.LOTFY]

كويس انه مقلكش انت حيرتنى معاك ما تحدد حتخش يمين ولا شمال !!!!!

[mazeen]

بقالى 10 دقايق مش عارف اقولك ايه

[zangry]

ههههههههههه ده في انهى شارع ده ؟؟

[Mohamed_Nafie]

مش سواين التكاتك بس .. حتى بتوع الفزب والموتوسكلات ... .. ريح واحد منهم عالعربية ... فبقوله حاسب .. ماتاخد بالك ... ام رد عالية وقال لي ... "ما أنا بروح يمين بلاقي عربيات .. بروح شمال بلاقي عربيات " ... فـا طنش .. وفك دماغك ...

[exact]

ههههههههههههههههههههههههههههههههههههههه

فين ده في شكري القوتلي وللا ايه؟؟

[hugan]

طبيعي معاه حق
هو مايعرفش ان في حاجه اسمها اشارات المرور
بيمشي في اي وقت واي شارع واي اتجاه زي ماعايز
فالانتظار بالنسبه له من كماليات اي عربيه علشان شكلها يبقي حلو

[bam8572]

اه والله فى شكرى القوتلى فعلاً

كنت موازى لكنتاكى بالظبظ , يعنى انا حتى لما ركنت كانت مقدمة العربية موازية للصنية الى ادام كنتاكى بالظبط

--

مش عارف اقولكم ايه والله التكاتك دى بجد عمر ماكانت حل للبطالة

بصوا فى وشو الناس اللى سايقنها وانتم تعرفوا ,, اسمعوا اخبار التكاتك وانتم تعرفوا

منه لله جمال مبارك وشركاه اللى دخلوا التكاتك دى البلد

[misoalex]

80% من سواقين التكاتك كانو عربجيه (سواقين عربيه بحمار ) وربنا فتح عليهم من وسع وبقو سواقين توكتوك

منتظرين منهم ايه ههههههههههههههههههههه

[Ahmed_Rahem]

80% من سواقين التكاتك كانو عربجيه (سواقين عربيه بحمار ) وربنا فتح عليهم من وسع وبقو سواقين توكتوك

منتظرين منهم ايه ههههههههههههههههههههه

اوجزت فانجزت