حد يفيدنى يا جماعة انا فى ورطة كبيرة

[dr_taher1985]

كان عندنا واحد صاحبى معاق بسيارته وحدث ظرف طارئ واخذتها منه مشوار ولسوء الحظ اتمسكت وانا فى العربية فى كمين وتمت مصادرة السيارة وعمل محضر وقالولى هتدفع غرامة وحولونى على جمرك اسكندرية ورحت عشان ادفع الغرامة قالولى هتدفع الغرامة وكمان فك الحظر المحصلة 12000 جنيه
والسيارة باقى فيها شهرين اصلا على فك حظرها مجانا ودى اول مرة حد غير سائقا يكون فيها
يعنى ماتمسكتش قبل كدا
مش المفروض اول مرة بيندفعلها غرامة بس ولا ايه
بالله عليكم افيدونى مش عارف اجيب الفلوس دى كلها منين وحرام ادفع كل المبلغ دا

[Ahmedhussein007]

ربنا يفك كربك ياااااااااااااااااااااارب ااااااااامين

[dolly13]

فعلا سوء حظ غريب
ربنا يوفقك لما فيه الخير

[dr_taher1985]

اللهم آمين
بس يا ريت لو حد عنده فكرة عن الموضوع يعرفنى

[Mo.Kareem]

طيب حضرتك بتقول فاضل فيها شهرين ويتفق الحظر سبها عندهم الشهرين دول وخليه يفك حظرها ، مش عارف هو حل منطقى ولا لاء ، بس هو تجربه وياراحت يا جت

[dr_taher1985]

بيقولى دا اجبارى حتى لو وقتها جه بدفع الفلوس برضه وكمان كل يوم ليها فى الجمرك ب 40 جنيه
دا غير انهم هيقلبوها وكمان صاحب العربية مش هيوافق بالحل دا
اللى اعرفه ان اول مرة تتمسك بتكون غرامة بس ولا ايه

[shaddadfalcon1]

خال مراتي اتمسك برده بعربيه نوبيرا كان جايبها علي اسم معاق وكان دايما بيركنها ويمشي مواصلات وفي يوم قرر انه يروح بيها المدينة وبعدين طلع كوبري لقي لجنه قام راجع بضهره لقي الظابط واقفله تحت :)

بعد اللف والدوخه دفع حوالي 15 الف

[S O P H O S]

يارب تتحل بجد المبلغ كتير اوي

[Hobgoblin]

حلين واقعيين لا ثالث لهما

واسطة
أو
رشوة

[alaamousa]

ربنا يفك كربك ان شاء الله وتتحل باذن الله

[hugan]

حلين واقعيين لا ثالث لهما

واسطة
أو
رشوة

+1111111111

[pro_samir]

هي ليها حل ان انت تدفع غرامه فقط قيمتها 2400 جنيه علي ما أذكر ، حصلت مع واحد صاحبي وده اللي تم

لكن لازم يكون في واسطه كويسه علشان يوافقو يدفعوك الغرامه فقط بدون رسوم فك الحظر

[moh19227]

ربنا معاك

[ahmedkhairy]

ربنا معاك

[amdd]

واحد جارى اخد 20متر عكسى مسكه الظابط ودفعه مخالفة المعاكس كاملة ومن ساعتها وهى معلمه فى دماغه وكل فتره يكلمنى فى ال20متر دول ويقولى دول علمونى الادب والسواقة بعد كده
لا يصح الا الصحيح ...