المرايات فاميه

[SYD]

انا بعتبر نفسي من اكثر الناس الي عينيها بتتعب من النور
واللهم صلي علي النبي اليومين دول علي اللمبات وقوة الأضاءة للعربيات سواء جديد او قديم او ملاكي او نص نقل

فكرت في فكرة

ينفع افيم مراية الصالون ومرايات الأجناب ؟؟؟

طب لو فيمت - افيم انهي درجة ؟؟

طب هل هتعوق الرؤية ؟؟ ولا مجرد هتشتت الأضاءة ؟؟

ياريت تساعدوني

والله المستعان
،
،

[OMAR61995]

فى العربيات الجديدة فى مرايات بتغمق تلقائياً مع الضوء
بس المشكلة أنك لو فيمتها هتفضل غامقة على طول

[S O P H O S]

بس هل ده مش هيأثر علي الروئة خصوصا بالليل ؟؟

[sheko_2000eg]

هتائر علي الرؤية الليلية

[K.LOTFY]

احسن حل لما يجى فيها نور قوى اقلب الزرار اللى بيغمق المرايه

[koshary]

مش هتحس بفرق فى النهار انما بالليل هتعوقك انا اخدت فتره على ما اتعودت على تفييم الازاز الخلفى

[Land_Cruiser]

الموضوع ده اللى يحله مرايات تعتيم . لو فيمتها قوى مش هتشوف منها حاجه و لو عملته درجه قليله هيبقى مش مفيد قوى

[me_medoo]

كان زمان في نضرات شمسية اسمها اتوماتيك داخل الغرفة تشوف بيها عادي وبره في الشمس تلاقيها اغنقت لوحدها وعلى ما اسمع في العربيات الغاليه فيها الميزة دي انا بجد بدايق جداً لمن الاقي واحد حيوان ورايا وناسي الاخ النور العالي واحس ان اقفايا وقفا العيال منور كده حتى وانا مركب سيتارة خلفية
فبطر ادوس فرامل بوشو واطلع ايدي اقولوا اطفي النور يابني ادم عيب عليك مش كده ابص الاقيه طفى نورو خالص اقول يا سبحان الله هو يا اسود يا ابيض مفيش حل وسط يامنور الدنيا يا طافي النور خالص

[Amrgamal1]

باشمهندس محمد ازيك
انا عندي في الفيكترا مرايه الصالون فيها تعتيم
بستخدمها بالليل لأني زيك كدا مش بستحمل الاضاءه بالليل
بشغلها بالنهار عادي وبالليل بقلبها تعتيم
ممكن تشتري بتاعت الاوبل ب 60 او 70 جنيه استيراد وتركبها عندك بس مش عارف مرايات التعتيم فيه منها جديد ولا لأ

وبالنسبه للمرايات الجانبيه انا مفيم الازاز تالت درجه في الفاميه وبشوف منها كويس بالليل وبتحجب شويه من الاضاءه فـ بتريح العين
ولو مش عايز تفيم الازاز جرب تفيم المرايات بس

[me_medoo]

طيب يا فندم الله يباركلك. هيا مريات التنعيم محتاجة وصلت كهربا ولا عادي
والنقطة التانيه اجيبها بتاعت اي موديل للفيكتر
وياريت لو ترفعلنا صورة ليها علشان انا بجد تعبت واتعميت من الناس وخصوصاً الي مركبين زينون ده يا راجل يا مؤمن حتى التوتوك والموتسيكلات مركبين زينون وبيعمو السواقين وتحياتي

[Amrgamal1]

طيب يا فندم الله يباركلك. هيا مريات التنعيم محتاجة وصلت كهربا ولا عادي
والنقطة التانيه اجيبها بتاعت اي موديل للفيكتر
وياريت لو ترفعلنا صورة ليها علشان انا بجد تعبت واتعميت من الناس وخصوصاً الي مركبين زينون ده يا راجل يا مؤمن حتى التوتوك والموتسيكلات مركبين زينون وبيعمو السواقين وتحياتي

لا يا باشا مش كهربا
دا بيبقي فيها زرار من تحت كدا بيقلب زاويه المرايه ف بتغمق وتبقي تعتيم
اللي عندي فيكترا b بتاعت العربيه الاصليه
بص علي المرايه اللي عندك لو لقيت فيها زرار من تحت يبقي فيها تعتيم

[me_medoo]

تمام والمقصود بالتعتيم تعيتم مش رفع لفوق صح كده

[Amrgamal1]

بتبقي غامقه كأنها متفيمه بتخليك تشوف نور العربيات اللي وراك بسيط من غير ما يضايقك

[me_medoo]

طيب مفيش حاجة للمرايات الجانبيه لان يا مشاء الله. تحس المرايا الي على اليمين او الي على شمال كشفات ضربة في عنيك

[Elawany13]

لا يا باشا مش كهربا
دا بيبقي فيها زرار من تحت كدا بيقلب زاويه المرايه ف بتغمق وتبقي تعتيم
اللي عندي فيكترا b بتاعت العربيه الاصليه
بص علي المرايه اللي عندك لو لقيت فيها زرار من تحت يبقي فيها تعتيم

ياباشا كل العربيات تقريبا فى الزرار اللى بتقول عليه
موجود عندى فى مراية الشاهين وممتاز فعلاً لما بيكون حد ورايا وضارب النور عليا
بدوس على الزرار بتتقلب تعتيم بتغيير زاوية الرؤية