لمعرفة مخالفات السيارات

[khaledrezk]

السلام عليكم ورحمة الله وبركاتة
اخوانى فى المنتدى انا دخلت على سايت الحكومة المصرية ودورت على المخالفات وبصراحة موقع جميل جدا فقولت اجيب ليكة اللنك بتاعة للافادة

الموقع : بوابة الحكومة المصرية - أشخاص

[el_nahal2004]

طيب انا دلوقت مكتوبلى مخالفات ب 2380
بس لما دخلت الرقم القومى وعرفت وقائع وتاريخ المخالفات لقيت تواريخها
قبل مااجدد الرخصة وساعة ماجددتها مكنش عليا مخالفات
ايه ده باه الموقع بيخرف ولا دول هيترحلولى ولا ايه النظاااام حد يعرف؟؟؟

[المنسي]

طيب انا بدخل على الموقع وادخل بيانات الرخصة بيطلعلى كده

هذه الرخصة غير مسجلة بالنظام ، للإستفادة من الخدمات الأخرى المتاحة لنيابات المرور عبر شبكة الإنترنت مثل:

• سداد الغرامات
• استلام شهادة وفاء بالغرامات
• التظلمات

الرجاء التوجه لاقرب نيابة مرور واستكمال البيانات الخاصة بكم من خلال تقديم المستندات الاتية :

• أصل الرخصة
  
• أصل إثبات الشخصية
  
• بيان صرف اللوحات من وحدة التراخيص المختصة

[ahmedfd]

طيب انا بدخل على الموقع وادخل بيانات الرخصة بيطلعلى كده

نفس الموضوع مع إن سابقاً كانت بتظهر عادي!!

[koshary]

شكرا على اللينك

[man1968]

الف شكر

الف شكر يا باشا على الموقع

[mohamednagib]

للناس اللي ما بتظهرش المخالفات بتاعتها ... اعتقد اللينك دا مخصص للقاهرة و الجيزة و اسماعيلية و اسيوط فقط

[husseinthemaster]

يا جماعة انا كتبت رقم العربية القديم طلع علية مخالفات ازاي وانا مجدد ومرخص كذا سنة ازاي

[أبو إياد]

11/01/ 2012 * رادار مصور * تجاوز السرعة المقررة

عربيتى اتسرقت 10/01/2012 ياعنى المخالفه دى بعد ما اتسرقت العربيه ومكان المخالفه مكتوب رادار مصور اقدر اعرف المكان ازاى ؟

[mohamed_selim]

طيب انا بدخل على الموقع وادخل بيانات الرخصة بيطلعلى كده

و انا كمان ... هل ده معناه ان مفيش مخالفات؟
العربيه مترخصه من 2010 زيرو ... انت عربيتك نظامها ايه؟

[samooh2010]

هو انا اعرف ازاى تفاصيل المخالفات ؟؟؟؟؟

[khaledrezk]

للناس اللي ما بتظهرش المخالفات بتاعتها ... اعتقد اللينك دا مخصص للقاهرة و الجيزة و اسماعيلية و اسيوط فقط

شكرا ليك يا باشا على استكمال المعلومة انا نسيت بالفعل النقطة دى

[hazemhassan]

انا عايز اعرف التفاصيل ازاى

[Ahmod]

هو انا اعرف ازاى تفاصيل المخالفات ؟؟؟؟؟

انا طلعلي 1450 جنيه مخالفات !! وعايز اعرف التفاصيل ازاي ؟

[المنسي]

للناس اللي ما بتظهرش المخالفات بتاعتها ... اعتقد اللينك دا مخصص للقاهرة و الجيزة و اسماعيلية و اسيوط فقط

طيب انا من الجيزة ومظهرتش يبقي ده معناه ايه بقي

و انا كمان ... هل ده معناه ان مفيش مخالفات؟
العربيه مترخصه من 2010 زيرو ... انت عربيتك نظامها ايه؟

انا مرخص من 2011 شهر 8 اللى فات تبع مرور قوات مسلحة وبرده يقولى بيانات الرخصة غير مسجلة ده معناه ايه