البنزين بالبطاقه الزكيه

[totti78ali]

لو انا فهمت الخبر صح يباء الحكايه كلها انهم عوزين يقللو الدعم على البنزين بس من غير ما الناس تاخد بلها

[AhMeD MeTwAlY]

بص يابيه انا عدم المؤخزة مفهمش في الكلام ده اانا افهم ان يكون في سعر ثابت لأي سعلة ... بمعنى اللتر بكزا وصلى الله وبارك اما نظام اللف والدوران وشرائح فده معناها انهم عوزين يعملو عملية نصب ... ودحك على الدقون تماماً زي شركة الكهربا الي لغايت دلوقتي انا مش فاهم ايه هو نظام الحساب عندهم ...

يقلك اول 100 كيلو كهربا مش عارف بكام قرش وبعد ال 1000 كيلو مش عارف بكام وهوبا الاقي الفاتورة في النهاية جايالي قد ككككككدددددده واجي اسئل ابص الاقي المحصل يقلي شرائح ... والي جنني صدقي ليا مفتش في شركة الكهربا بيقلي على شركة الكربا في عجز مش عارف كام مليون بسبب الكهربا غير الموظفين عاوزين زيادة مرتبات فأحنا حطينا على كل فاتورة جنيه أو 2 جنيه من غير ما حد يحس علشان نغطي العجز يا حبيبي يا حبيبي .

ومره تجيلي 30 جنيه ومره تجيلي 650 جنيه ومش عارف أيه حكايتها يمكن القعدة في المنتدى بتستهلك كهربا زياده ولا حاجة هههههههه

فانا بحب الانسان يكون دغري معايه الكيلوو بكذا ... او الليتر بكزاااااا . بس احنا مع الاسف اتعودنا على اللف والدوران زي تيجي تشتري حاجة تمنها 1000 جنيه يقلك تمنها 999 جنيه و 99 قرش .

فنظام حوريني يا تيتة ... ورقصيني يا بطة واللف والدوران ده زهقنا منو خلاص ... وبعدين قدروو لو جه شوية كلونية على الكارت ولا ضاع الكرت ولا نسيتو في البيت ... أقوم أشتري البانزين بالاسعار العالمية .

طب ماهو الحكومة المحترمة بدل ما تفكر أزاي تحتال على المواطن البسيط الغلبان طيب ماتشتغل ولاتعمل مشروع ولا تنمية ولا تعمل اي حاجة تانية وتسيب المواطن وفلوس المواطن ورزق المواطن في حالو .

مش كفاية بياخدو من قوتي ومن رزقي ورزق عيالي فلوس وفي كل حاجة بعملها فلوس فلوس فلوس فلوس ... سيبوني في حالي . وسيبو فلوسي في حالها بأه ... معليش ياجماعه انا اسف أني أتنرفزت بس كل ما اسمع كلمة فلوس بيركبني مليون عفريت هههههههه سامحوني .

ههههههههههه الرد بتاع حضرتك انا بستناه في كل موضوع عشان اضحك بجد بس طبعا ضحك بسبب خف الدم الي بترد بيها
انا بشكر الاستاذ الي قام بنقل الموضوع
وبعدين الموضوع دا يعمل البطااقه وتتحط في العريبه مسجل عليها رقم العربيه والرخصه واذا كانت العربيه مسروقه ولي لا ودا بالتوصيل باجهزة الامن واحط مليون لتر احط اتنين لتر اتعامل بسعر موحد ملوش فيه احط كام
ثانيا موضوع كل واحد يكون ليه عدد معين دا مرفوض تماما هيقولك زي الانابيب كل فرد ليه انبوبه ونص وصف وطابور ما يعلم بيه الا ربنا احنا عمرنا ما شوفنا الحجات دي ولي حتي في اي دوله نامية تانيه
شوية وهيقولك انت تتجوز وتجيب ولاد بس عشان موضوع العنوسه

[Sehsss]

http://www.nilemotors.net/nile/275415-a.html

نقطه البطاقه الذكيه كويسه
انا بشتغل في نظام كروت البطاقات الذكيه smart chip cards
النظام انه كل محطه بنزين حيكون فيها ماكينه نقطه بيع
point of sale
و كل واحد لما ييجي يرخص العربيه حياخد كارت ذكي به شريحه مسجل عليها بيانات السياره الخاصه به و ليه حصه معينه من البنزين او السولار حسب السعه اللتريه للمحرك
و كل شهر حيصرف البنزين بتاعه بواسطه الكارت الذكيه من خلال محطه البنزين
واول كل شهر بينزله الحصه الجديده اوتوماتيك و في حاله رغبته في الحصول على حصته اضافيه بعد نفاذ حصته المدعمه من الوقود و يرغب في شراء كميات اخرى سيتم شراءه بالسعر الحر دون دعم

المشروع ده ليه نقاط مميزه و نقاط سيئه
1 من المعروف ان كل محطه بنزين لها حصه شهريه تقدر باللاف اللترات من الوقود
و بالتالي حتتحاسب الكتروني و نظام فواتير حتمون وقود ب عدد معيه حتاخد فاتوره و تدفع الي مكتوب فيها و كل اخر شهر حيطلع تقرير عن كل لتر وقود سولار كان او بنزين باعه و قبض فلوسه و كده بالتالي حنعرف هوا خد حصه كام و باع قد ايه و حيستعوض بالباقي
يعني حصته كل شهر 20 الف لتر بنزين باع 16.5 الف يبقى عنده 3.5 ياخد الشهر الجديد 16.5 و هكذا
اما النقطه السلبيه ان في ناس بتسافر كتير حسب طبيعه شغلها و فيب ناس بتركن العربيه طوال الشهر كده حتبقى في مبدا عدم تكافؤ وصول الدعم لجميع المواطنين
و الله اعلم حيطبقى النظام ده ولا لأأ
الحصه من المفترض ان تكون

(كل مالك سيارة تعمل بالبنزين سيحصل على كارت ذكي، يتيح له الحصول على ألف لتر سنويا بسعر جنيه واحد لكل لتر، وما زاد على ذلك تتم المحاسبة عليه بقيمة 3 جنيهات للتر
فإن كل سيارة تعمل بالسولار ستحصل على 3200 لتر سنويا، بالسعر المدعوم، وتحصل على أى كميات إضافية بالسعر الحر، وهو 4 جنيهات لكل لتر،)


الفكره دي كانت مطروحه بعض نظام صرف التموين للمواطنين بواسطه البطاقه الذكيه و التي نجح الي حده ما الي تقليل الهادر و توفير السلع بشكل اكبر

+1111111111

[حماده المصري]

فكره فاشله ومشروع فاشل والي طرحه والله شكله ما معاه اعداديه اساسا

يعني دوله يبقى فيها ازمه بنزين وازمه دعم طاقه ويجي واحد المفروض انه دكتور محترم او خبير اقتصادي او ايا يكن يجي في الاخر يطلع بمشروع زي ده يحرق الدم ياخى............

مش تقولي 1000 لتر في السنه يعني تفويله وربع في الشهر اعمل بيهم ايه ده ابيع ام العربيه واركب مواصلات واكبر دماغي


انا كده كده حالف اسيب البلد دي في الصيف وباذن الله لو سبتها مش راجع تاني

[windofchange]

حسبي الله ونعم الوكيل دي ساعتها تبقي ثورة تجيب اللي فوق ان شاء الله

[totti78ali]

حسبي الله ونعم الوكيل دي ساعتها تبقي ثورة تجيب اللي فوق ان شاء الله

ثوره تانى علاشان البنزين ده باء الى هتباء ثوره الى يحيب النبى يزق
ربنا يستر

[Kareem Fawzy]

ناقصة هى اصلها

[Sehsss]

ناقصة هى اصلها

ناقصة ايه بالضبط يا باشمهندس كريم بيه باشا ههههههه

[aboomar22]

الكميى يا جماعة 1500 لتر شهريا للسيارة الملاكى وباقى السيارات حسب طبيعة عملها يعنى الاجرة غير النقل غير بين المحافظات يا جماعة لو الفكرة هتوفر مليارات صحيح تبقى تستحق الدراسة

[yoko]

الكميى يا جماعة 1500 لتر شهريا للسيارة الملاكى وباقى السيارات حسب طبيعة عملها يعنى الاجرة غير النقل غير بين المحافظات يا جماعة لو الفكرة هتوفر مليارات صحيح تبقى تستحق الدراسة

إيه الي شهريا ال1000 لتر سنويا يعني لو بتفول 50 لتر يبقى 20 تفويله في السنه يعني مكملتش تفويلتين في الشهر يعني الي زي بيفول كل 3 أيام يروح ينتحر

[me_medoo]

ههههههههههه الرد بتاع حضرتك انا بستناه في كل موضوع عشان اضحك بجد بس طبعا ضحك بسبب خف الدم الي بترد بيها
انا بشكر الاستاذ الي قام بنقل الموضوع
وبعدين الموضوع دا يعمل البطااقه وتتحط في العريبه مسجل عليها رقم العربيه والرخصه واذا كانت العربيه مسروقه ولي لا ودا بالتوصيل باجهزة الامن واحط مليون لتر احط اتنين لتر اتعامل بسعر موحد ملوش فيه احط كام
ثانيا موضوع كل واحد يكون ليه عدد معين دا مرفوض تماما هيقولك زي الانابيب كل فرد ليه انبوبه ونص وصف وطابور ما يعلم بيه الا ربنا احنا عمرنا ما شوفنا الحجات دي ولي حتي في اي دوله نامية تانيه
شوية وهيقولك انت تتجوز وتجيب ولاد بس عشان موضوع العنوسه

هههههههه. ربنا يخليك ليا ياباشا ، لا واللهِ انا كان نفسي يقترحو ان اجباري لكل مواطن مصري عيل واحد فقط. من اي زوجة. ساعتها يقدر الواحد يتجوز وحدة تانية بقلب جامد ويقول لمراتو ده مش على علشاني ده انا بس نفسي اجيب أخ لابننا عمر علشان يلعب معاه هههههههههه. بلد مايعلم بيها الا ربنا

[grand hand]

شكرا على الخبر

[me_medoo]

انا بس نفسي افهم حاجة وحدة ليه حكومتنا الرشيدة مصر على حاجتين والاتنين افشل من بعض اول هام. تقرطس المواطن. وتاني هام مصرة انها حكومة ذكية في حين انها اغبى حكومة في العالم اجمع. بمعنى عملت فكرت الحكومة الاليكترونية الذكية وفشلت فشل ذريع لان كل ماتروح مصلحة حكومية تلاقي السيستم واقع والكومبيترات مبتستخدمهاش غير علشان تطلع منها ورقة يعني روح اعمل برينت وتستمر تجربت الفشل عملت بطاقات رقم قومي اليكترونية وفي الحقيقة لم تستخدم نهائي. ومازال بيحصل تشابه اسماء وروحو اقسام الشرطة هيقلك هات اسمك رباعي مش رقمك القومي علشان يكشف عليك ، وتستمر سلسلة الفشل عملو موقف وسط البلد بكروت شحن. وفشلت العملية دي ، ومن ضمن انجازات فشل الحكومة. عملت المرتبات تنزل على البنوك علشان ميبقاش في زحمة على موظف الخزنة في الشركة وبقو يطلعو اتوبيسات. توقف طوابير على مكنت الصرافة اليتيمة الي في البنك. وهيا هيا الزحمة اول كل شهر ويبقو واقفين على المكنة. كانهم واقفين على طابور عيش

من ضمن انجزات حكومتنا ايضاً الفاشلة عملت عدادات الكهربا بدل ماهيا بفلوس قال ايه بكارت ذكي الشحن مقدماً يخلص الكارت تقطع الكهرباااا. وايضاً فشلت فشل ذريع. وتستمر تجارب الفشل في بلدنا يا أعزائي انهم هيخلو البانزين ايضاً بالبطاقات الغبية الاليكترونية علشان نكمل سلسلة الفشل والف ليلة وليلة الفشل وليالي حلمية الفشل ايمتى ياربي يجبولنا حكومة مصرية بجد من ولاد وابناء الشعب الكادح الغلبان ده ليه كل مره بيجبولنا حكومة بيروحوا اوروبا وامريكا ويلاقو حاجة جديدة هناك يجوو يجربوها علينا هنا ، وكل ما نيجي نفتح بقنا يقلك ماهو في اوروبا وامريكا والدول المتقدمة بيعملو كده طيب ياخويا متديني مرتبات اروبا وامريكا وتعالة اعمل فيا الي انتا عاوز تعملو انشالله تدفعني دمغة وضريبة على النفس الي بتنفسو ؟!!!! وتحياتي

[AhMeD MeTwAlY]

هههههههه. ربنا يخليك ليا ياباشا ، لا واللهِ انا كان نفسي يقترحو ان اجباري لكل مواطن مصري عيل واحد فقط. من اي زوجة. ساعتها يقدر الواحد يتجوز وحدة تانية بقلب جامد ويقول لمراتو ده مش على علشاني ده انا بس نفسي اجيب أخ لابننا عمر علشان يلعب معاه هههههههههه. بلد مايعلم بيها الا ربنا

هههههههههههههههههه
شوية هتشوف الموضوع دا بيناقش في مجلس الشعب بعد لما يخلصو الازمات

[MaZaGAngeE]

دي قلة ادب و استهبال
كرت ايه و نيلة ايه دي
و لتر السولار هيبقى ب 4 جنيه .... دي وجعة مربربة ... دلوقتي اللتر ب 110 قرش و تكلفة نقل الطن من المنيا للقاهرة 35 جنيه ... احسب كده النسبة و فكر كده سعر كيلو السكر هيزيد كام بسبب فرق النقل بس
أو احسب فرق النقل في :
البقر ( اللحمة )
الطيور
البقالة
الحلويات
الادوية
الملابس
......
.....
كل السلع هيتضاعف سعرها بمجرد تطبيق الكلام ده على الاقل مرتين و نصف و يمكن اكتر