اعمل اية مع tedata

[zizo50001]

انا مش عارف اعمل اية عندى مشكلة بقالها اكترمن سنة
المهم وصلنا اخر حاجة انى قررت قرار نهائى انى اقطع المهم مع المداولات مع tedata تم الاتفاق على ان اجرب شهرين و هاخد روتر ويرلس و السرعة هتيبقى ممتازة المهم جربت اول يوم ممتازة وتانى يوم ممتازة بعد كدة النت زفت زفت زفت لا يطاق كلمتهم قالى نفس العطل اللى كان بيقول علية من السنة قولتلة بص ادينى المدير كلمتة قلتلة بص انا مليش دعوة انا مش عايز النت و رجعولى الشهرين قلى معلش استحملنى لحد يوم الاربعاء و هيكلمك قسم الشكوى يتابع قولتلة ماشى بس برضة هقطع النت
و انا ناوى اقدم شكوى فى الوزارة عن tedata فى حل تانى ولا اية

[osama.m]

لو مشكلة في السنترال اللي حضرتك تبعة يبقى مش هينفع تعمل حاجة
انما لو المشكلة من الشركة يبقى الغي التعاقد و شوف شركة تانية يكون حد جمبك مجربها

[cheetos_892005]

طيب ايه المشكلة فهمنا ؟

الفكرة انك لو فصلت و عايز تجيب شركة تانية لازم تروح السنترال تشيل الشركة الحالية

و موال طويل اعتقد و مقرف

و مش هتعرف قيمة نت البيت الا لو جربت نت ال usb

[zizo50001]

طيب ايه المشكلة فهمنا ؟

الفكرة انك لو فصلت و عايز تجيب شركة تانية لازم تروح السنترال تشيل الشركة الحالية

و موال طويل اعتقد و مقرف

و مش هتعرف قيمة نت البيت الا لو جربت نت ال usb

المشكلة مش فى السنترال المشكلة فى اجهزة tedata اللى فى السنترال نفسة يعنى العيب من عندهم تمام
جربت usb وزيفت بس سرعة رهيبة البيت ممكن استحمل الشهر و عندى تليفون تانى ممكن ادخل عليه

[rompo10]

دي شركه بنت تيت نصااااابين انا مشترك معاهم وطول النهار ينصبوا عليا

[SASA3]

المرة الى اتصلت بيهم علشان كان عندى مشكله زنيت عليهم و فى الاخر بعد 2 او 3 اسابيع بعتوا واحد فنى جه ضبط الدنيا و كانت المشكله فى الكابينه الى انا متوصل منها


طب هل انت موصل نت عن طريق التفريعه الى بتيجى مع الراوتر

؟

علشان انا كنت عامل كده لحد ما قالى لا هات سلك للراوتر لوحده من الكابينه تحت لحد الراوتر مخصوص

[wama00]

مع العلم ,مع كل الشكاوى اللى بتقولوا عليها مازالت تى داتا احسن من غيرها بكتييييييييييييييييييييييير انا عارف ان خدمتهم مش حلوة خالص والسرعة غير اللى متعاقدين عليهم بس هنعمل ايه

[mshmshm3]

اتأكد ان السلك من البوكس لحد السبليتر مفيش فيه لحامات و يخرج من السبليتر طرفين واحد للتليفون و التاني في الراوتر
الشركة لو عندها مشكلة هاتحلها لكن المشكلة في السنترال و تي اي داتا احسن من اي شركة علي الحال ده

[cheetos_892005]

المشكلة مش فى السنترال المشكلة فى اجهزة tedata اللى فى السنترال نفسة يعنى العيب من عندهم تمام
جربت usb وزيفت بس سرعة رهيبة البيت ممكن استحمل الشهر و عندى تليفون تانى ممكن ادخل عليه

بيحصل ايه طيب ؟؟ عشان لو انا اللي متوقعة نحلهالك بسرعة

[cheetos_892005]

اتأكد ان السلك من البوكس لحد السبليتر مفيش فيه لحامات و يخرج من السبليتر طرفين واحد للتليفون و التاني في الراوتر
الشركة لو عندها مشكلة هاتحلها لكن المشكلة في السنترال و تي اي داتا احسن من اي شركة علي الحال ده

هو ده اللي ف بالي

هات وصلة من البوكس على طول على سبليتر علراوتر و فكك من وصلات الحيطة

و لاحظ الفرق الرهيب ولا تقطيع و لا اي بتاع

[nicegypt]

المشكلة مش فى السنترال المشكلة فى اجهزة tedata اللى فى السنترال نفسة يعنى العيب من عندهم تمام
جربت usb وزيفت بس سرعة رهيبة البيت ممكن استحمل الشهر و عندى تليفون تانى ممكن ادخل عليه

حضرتك من العبور .. احنا اتكلمنا كتيييير ف الموضوع وكنا بندور علي اي حد عندة نفس المشكلة
المشكلة تحديداَ استاذى العزيز من اجهزة تي اي داتا القديمة ف السنترال
واللى مفيش ميزانية لتغييرها لدي الشركة
حتى الفرع بتاعهم اللى في جولف سيتى مول اغلق ابوابة لان النت عندة دايما واقع !!!!!!!!!!!
تخيل تبقى رايح تدفع فاتورة النت يقولك النت واقع !!!!!!!!! تيييييييت
تروح تدفع عن طريق خدمة فوري .. يقولك فية مشكلة ف خطوط تي اي داتا استخدم خدمة او فرع اخر
تييييييييييييت
اول حاجة حضرتك تعملها تقطع الخدمة بشكل كامل وتطلب ما يفيد بأنها انقطعت بعد مرور شهر زي ما هيقولو لحضرتك .. لان حرام ندفع تمن خدمة وناخد داونلود 10 ك لسرعة واحد ميجا !!! يا فرحتى

[nicegypt]

ابحث عن الجروب المخصص للمدينة فى الفيس بوك وتابعنا :)

[merosss]

انا عندى نفس المشكلة و كل شوية يقولوا عندنا مشكلة فى الاجهزة فى السنترال (حلوان ) والاول كان بيقولوا اسبوعين ودلوقتى بيقولوا منعرفش هتتحل امتى وعشان الغى واشترط تانى لازم استنى 15 يوم وللأسف مش هينفع

[MOK3336]

مع إحترامي للجميع
شركة تي داتا أكبر شركة نت في مصر
المشكلة ممكن تكون من السنترال نفسة مش من الأجهزة بتاعتهم
لأن لو من الأجهزة هتبقي فيه شكاوى كتير ولازم يتصرفوا
ممكن حضرتك تطلب تغير البورت بتاعك ايلي في السنترال
و تعمل زى ما الناس قالت
تاخد من البوكس إلي الإسبليتر مباشر
هقولك بس موقف حصلي
كان النت عندي قاطع اتصلت بخدمة العملاء اداني تيكت نمبر و قالي بعد 48 ساعة
مكملش سعتين و الفرع بتاعهم الرئيسي اتصل بيا و قالي إحنا أسفين جدا و المشكة اتحلت
يعني لما بيكون عندهم المشكلة بيحلوها
لكن لو فعلا المشكلة من عندهم و مش عايزين يتصرفوا افصل الخدمة و قدم مع شركة تانية

[mem]

انا كن عندى مشكلة تقريب زيك كده النت فجاءه يبقى بطى وكان بيفصل كتيير وكلمت الشركة كذا مره بس ده كانت
لينك يقولولى 24 ساعة وشوية المشكلة من السنترال وشية يشككونى فى نفسى ويقولولى المشكلة من عندك
المهم عذبونى قلتلهم عايز الغى الخدمة ما كنوش عايزيين يدولى رقم الكنسليشن علشان اقدمه للشركة الجديده
فقمت كلمت ( الجهاز القومى لتنظيم الاتصالات ntra ) رقمهم 155 وقلتلهم شكوتى وقلتلهم خلاص انا عايز
الغى العقد معاهم وعايز رقم الكنسليشن لانهم مش عايزيين يدهولى عايز اقولك خلال ساعة الرقم جالى
بعد مدوخونى عليه حوالى شهر كانوا كل يوم بحجه شكل فانت عليك وعلى الجهاز القومى لتنظيم الاتصالات ntra كلمهم وقلهم مشكلتك اللى مش بتتحل
ودلوقتى انا مع تى اى داتا والحمد لله زى الفل