تهييس لمبة الزيت

[المنسي]

من الاخر الميكانيكي غير لى سير كاتينة وقاللى ابقى زود الزيت عشان نقص شوية اروح البنزينة الاقيه يقولى الزيت كويس ومش محتاج تانى اقول له الميكانيكي قاللى زوده يقولى خد له الزيت وهو يبقي مسئول المهم دورت العربية وسيبتها لغاية ماسخنت وبعدين بطلتها واستنيت شوية وبصيت على مقياس الزيت لقيت الزيت عند النص بين max و min وسالت الناس قالولى كده تمام كل ده كويس لغاية امبارح ماشي بالعربية لقيت لمبة الزيت بتنور لما اجى اهدى فى مطب تنور ولما امشي تبقى مطفية قلت خلاص قدام بتطفى وانا ماشي يبقي مفيش مشكلة المهم ركنت والعربية دايرة على السلانسيه الاقى اللمبة منورة ادوس بنزين تطفى بطلت العربية وبصيت على مقياس الزيت لقيته قل شوية صغيرة عن ماكنت شفته قبل كده المهم روحت بيها امبارح وقلت اما اشوف هاعمل ايه نزلت بيها النهاردة الصبح اللمبة منورتش يبقي ده بقي اسمه ايه طيب انا المفروض فاضل حوالى 2000 كيلو وانزل الزيت ده واحط زيت جديد هل ازود زيت دلوقتى على اللى موجود ولا انزله دلوقتى واحط زيت جديد

[حماده المصري]

قياس زيت العربيه بيتقاس والعربيه بارده تماما وانت لسه نازل كده تبص عليها ولازم يبقى قريب اوي من الماكس
في الحاله دي الزيت سليم وعيد القياس كل يوم شوف بينقص ولا لا

لو فضل معاك سليم اعتقد المشكله هتبقى في طرمبه الزيت او ساعه الزيت مش اكتر

[S O P H O S]

متابع ..

[AhMeD MeTwAlY]

حضرتك بتحط زيت 3000 للفليشيا كتير عليها الـ 3000 بعد العمرا دا كله حط 1000 كيلو هيريح معاك الموتور ويظبطه ليك
وبس انا زعلان منك يا ريس تغير سير الكتينه ومش تقول كلفك كام ؟؟؟

[المنسي]

حضرتك بتحط زيت 3000 للفليشيا كتير عليها الـ 3000 بعد العمرا دا كله حط 1000 كيلو هيريح معاك الموتور ويظبطه ليك
وبس انا زعلان منك يا ريس تغير سير الكتينه ومش تقول كلفك كام ؟؟؟

طيب احط لها زيت ايه وبعدين متزعلش ياباشا كل اللى انا عملته فالعربية وغيرته كاتب اسعاره فى موضوع فى قسم الاسكودا مش فاكر اسم الموضوع بس تقريبا رابطة مالكى الفليشيا

[SYD]

يا باشا مشكلتك في طرمبة الزيت مابتقلبش كويس
كدة طرمبة الزيت ضعفت وعايزة تتغير

وممكن يكون الزيت ناقص
اكشف عليه وهي العربية باردة ومستوية
او علي الأقل بعد ماتبطلها بحوالي 10 دقايق يكون الزيت كله نزل في الكرتيرة

والله المستعان
،
،

[المنسي]

يا باشا مشكلتك في طرمبة الزيت مابتقلبش كويس
كدة طرمبة الزيت ضعفت وعايزة تتغير

وممكن يكون الزيت ناقص
اكشف عليه وهي العربية باردة ومستوية
او علي الأقل بعد ماتبطلها بحوالي 10 دقايق يكون الزيت كله نزل في الكرتيرة

والله المستعان
،
،

طيب لو الزيت ناقص ازوده ويبقي كده العيب مش فالطرمبة لان انا بصيت عليه لقيته بعد علامة min بحاجة بسيطة فالسؤال بقى افضل اغيره انا ماشي بيه لغاية دلوقتى 3000 ولا ازوده وامشي نفسي دلوقتى

[Elawany13]

إتأكد من ان الفتر مربوط كويس بإيدك

[SYD]

طيب لو الزيت ناقص ازوده ويبقي كده العيب مش فالطرمبة لان انا بصيت عليه لقيته بعد علامة min بحاجة بسيطة فالسؤال بقى افضل اغيره انا ماشي بيه لغاية دلوقتى 3000 ولا ازوده وامشي نفسي دلوقتى

زود الزيت وشوف اللمبة هتنور ولا لاء
لأن لو نورت بعد ماتزود (كيلو علي الأقل) في خطورة شديدة علي الموتور ولو مشيت بيه والطرمبة مش بتقلب

ان شاء الله بسيطة
وتطلع تسريب زيت او الزيت نوعه وحش وخصوصا الأيام دي
في زيوت كتير اوي مضروبة في السوق وفي المحطات كمان

والله المستعان
،
،

[SYD]

إتأكد من ان الفتر مربوط كويس بإيدك

دة كمان سبب اخر للتسريب ونقص الزيت

كمان التأكد من عدم ترشيح زيت حول جوان وش التاكيهات
زيت حول الكرتيرة (جوان الكرتيرة)
زيت حول البلوكة
زيت اسفل السيارة (طبة كارتيرة الزيت)

الأسباب كتير
بس اهم حاجة المتابعة

ولو العربية وصلت لمرحلة ان اللمبة تنور بسبب نقص الزيت يبقي العربية مافيهاش زيت يكمل حتي كيلو ونص

ربك هو الستار

والله المستعان
،
،

[المنسي]

شكرا لردوكم جميعا انا دورت العربية وبصيت على اللمبة ومنورتش بطلت العربية واستنيت شوية لغابة العربية مابردت وبصيت على مقياس الزيت لقيته بين العلامتين

[mrghost]

خلى بالك ممكن يكون عيب فلتر يكون مكتوم وماثر على دورة الزيت

[mohamed2002]

شوف ميكانيكي تاني لان دة موضوع مهم جدااااااااا

[المنسي]

شكرا لردودكم جميعا ان شاء الله هاغير زيت وفلتر قريب بمشيئة الله

[tarekjwal]

دي مشكلة وش سلندر يا برنس هايعوز يتعمل لعامود التاكيهات برنجي عند الخراط علشان التهريب اللي فية لما بيسخن الزيت وتلاحظ دة في الصبح تلاقي الموتور خشن شوية وفية نفضة بسيطة وبعد دقيقة النفضة تختفي وبعد لما الزيت يسخن تبدأ تنور اللمبة ولما تزود الطرمبة تضخ زيت اكتر فاللمبة تطفي
............................
اسأل ميكانيكي فاهم عن موضوع تهريب الزيت من عامود التاكيهات وعمل برنجي لوش السلندر
شكرا طارق اسيوط