إعـــــــلان

Collapse

.

,
See more
See less

الساعة 10 مساء وعند ميدان الحصرى وعلى عينك يا تاجر

Collapse
X
 
  • Filter
  • الوقت
  • Show
Clear All
new posts

  • الساعة 10 مساء وعند ميدان الحصرى وعلى عينك يا تاجر

    السلام عليكم ورحمة الله وبركاتة

    كنت نازل بلف بالعربية شوية (زهقان) المهم وقفت قدام سوبر ماركت جنب البيت اشترى طلبات قبل ما انسى ببص لقيت فردة العربية الخلفية مريحة شوية
    قلت اروح ابص على بريدجستون قبل ما يقفلوا يبصلى عليها وقد كان

    للى ميعرفش اكتوبر بريدجستون fit&fix بعد مسجد الحصرى مباشرة فى حارة بطىء بس على نفس الشارع الرئيسى ومعروف اوى ان الميدان دة هوة ازحم حتة واكثر منطقة حيوية فى اكتوبر
    المهم الوصف بالتفصيل الممل للمشهد الجلل الحالى

    انا واقف عند بريدجستون مستنى دورى والراجل قالى انا بقفل 10 وانا من الصبح على رجلى انا حزودهالك ولو فيها حاجة تعالالى بكرة وبتاع

    المهم مفيش مشاكل انا كدة كدة نازل اضيع وقت واقف ومدى ضهرى للشارع وسمعت صوت زعيق واستغاثات وفرك عجلة عربية ودخاااااااااااااان بتلفت لقيت عربية فيرنا بيحاولوا يوقفوها وجواها اتنين وعمالين يحرقوا يجروا بس العربية بتجرى بس مش بسرعتها فى حاجة اعاقة الحركة الطبيعية ليها وعاملة علامة فى الارض والعربية بتجرى والريحة اللى طالعة سواء من العربية ككل او الكاوتش والدخان

    كل دة وانا مش فاهم حاجة لحد ما العربية فعلا قدرت تجرى وتكتسب شوية سرعة والناس بدات تتحرك وراها علشان تلحقها

    مبدأيا طبعا اللى فهمتة وعرفتة بعد كدة لانى اخدت العربية وجربت بردة وراه زى الناس وكنت متاكد انة حيتمسك لان اولا المكان زحمة جدا وثانيا ودى باة فعلا اللى يتقال عليها قدرة ربنا سبحانة وتعالى فى ان العربية دى متتسرقش
    الباشا الحرامى دخل العربية ازاى مش عارف المهم دخل هوة والبرنس التانى وكسروا تقريبا الفبر اللى حوالين الدريكسيون والكونتاكت وعروا السلوك وهما فى طريقهم للتدوير شافهم راجل معدى لا يعرفهم ولا يعرف صاحب العربية ولا اى حاجة ولكن المنظر باين اوى لاى حد حيبص بصة عليهم بس المهم الراجل بدا يستغيث بالمارة اللى افتكروة بالمناسبة صاحب العربية

    المهم الباشا الحرامى دور العربية وهوووووب بيرجع مرشدير (الحمد لله الحمد لله) العربية راحت طالعة فوق الرصيف وهى جاية تنزل كانت وهى طالعة كسرت حتة من الرصيف(حتة مستطيلة من الرصيف الحلوة الكبيرة دى ) وراحت نازلة تحت العربية وحلفت ايمانات المسلمين ماهى متحركة من مكانها

    فما كان من البية الحرامى الا انة يحرق على قد ما يقدر ويطلع بالعربية والعربية تقريبا ماشية على العجلتين الاماميتين وجرة الباقى وكان الحجر رافع الفردتين الخلفيتين شوية من على الارض

    الحرامى مكنش فاهم فى اى او اية اللى تحت العربية وطول ما هوة ماشى ودى حاجة كمان اولا سرعتة بطيءة جدا مقارنة للحالة الطبيعية يعنى حيتجاب حتيجاب
    وثانيا الحجر اللى تحت العربية طول ماهوة ماشى عامل خط ابيض عريـــــــــــــــــَض تحتة وبالتالى لو مشى من هنا لحد اسوان حتشوف خط سيرة بوضوح كمان (مش بقولكوا سبحان الخالق انا فعلا كنت مستغرب جدا العربية مش حتتسرق لو اية حصل :) )

    طبعا انا على بال ما استوعبت الموقف ودورت وطلعت كان البرنس اتمسك عند التوحيد والنور (بعد المكان اللى اتحرك منة ب 200 متر تقريبا)

    انا روحت لقيت الشباب عاملين احلى واجب ممكن يتعمل لدرجة انة معدوم العافية بكل معنى للكلمة والناس ماسكينة ومستنين الراجل صاحب العربية يجى يشوف حيعمل فية اية

    طبعا فى شوية حجات انا كتبت الموضوع دة علشانها

    اولهم ان عند الحصرى فى مدرعة جيش لم تحرك ساكنا (الناس راحولهم وتقريبا متحركوش معاهم علشان ياخدوا الواد لدرجة ان الناس كان تقريبا واخدين قرار انهم يموتوة )
    عند ميدان الحصرى فى عدد 4 عساكر مرور لتسهيل الحركة للميدان لم يحركوا ساكنا
    المكان زحمة جدا وازاى جالة قلب انة يسرق فى المكان دة وبالطريقة دى (ياخوانا كلة يخلى بالة بجد لانهم بيسرقوا فى اى وقت واى مكان )

    الحرامى دة غالبا حيموت من الضرب بجد انتوا مش متخيلين الكبت اللى موجود عند الناس والرعب والفزع من موضوع سرقة العربيات اللى بتحصل يوميا بالاضافة لاحوال البلد السيئة جدا

    الغريب باة ان اليوم قفل معايا انا شخصيا كدة قفلة ما شاء الله :( لان انا الصبح اساسا صاحى الساعة 7.20 على صوت انفجارات البرق والرعد وبالمناسبة اللى من اكتوبر بس حيعرف انا بتكلم فى اية النهاردة الصبح كان البرق والرعد كانة قنابل بتترمى من طيارات فى السما(دة اللى جة فى بالى اول ما صحيت على الصوت ) وطبعا من ساعتها وانا قاطع الخلف تقريبا

    ربنا يستر طريقنا وياخد كل حرامى قادر يا كريم
    [sor2]http://img534.imageshack.us/img534/7595/resize63.jpg[/sor2]

  • #2
    احسن يستاهل بس انته كان لازم تشارك معاهم يعني كنت تسيب اي حاجه للذكرى كده ..... الناس توقف صف وكل واحد يعمل اللي نفسو يعملو فيه
    شويه ......... عايزين الحرق
    الحمد لله انو اتمسك عقبال الباقي

    Comment


    • #3
      هههههههههه. انا كمان صحيت على نفس الصوت ده الصبح. بس ده لايمكن يكون برق او رعد ده انفجار. .... دي صحت اكتوبر كلهااااااااااا

      انا في حياتي. ما سمعت برق او رعد بالقوووووووة دي انا قلت مصنع من المصانع انفجررررررر

      بس بجد بجد هاين عليا. اروح ابهدل المدرعة الي واقفه منظر عند بانزينة كالتيكس. اومال هما فايدتهم ايه موقفينها منظر وكاتبين عليه الجيش والشعب ايد وحدة يافرحتي والله لا انا النهرده هنام مطمن واحط بطيخة وجبنة بيضة في بطني
      me_medoo

      Comment


      • #4
        ده يتعاقب بتهمة الغباء ههههههههههههه.... لاء وايه في خط مبين ماشي ازاي وفين ههههههههههههه..

        المهم ظبطت العجلة المريحة ولا الراجل قفل ؟؟؟؟؟؟؟؟؟؟؟؟؟؟؟؟؟

        Comment


        • #5
          هههههههههههههههههه
          يستاهل بصراحة
          و دلوقتى الناس ما بتصدق تمسك حرامى و
          بس هيحصل ايه لو كانت العربية دفع خلفى !!!!!

          Comment


          • #6
            الله يرحم الحرامي

            Comment


            • #7
              المشاركة الأصلية كتبت بواسطة mohamed_e36 مشاهدة المشاركة
              احسن يستاهل بس انته كان لازم تشارك معاهم يعني كنت تسيب اي حاجه للذكرى كده ..... الناس توقف صف وكل واحد يعمل اللي نفسو يعملو فيه
              شويه ......... عايزين الحرق
              الحمد لله انو اتمسك عقبال الباقي

              هوة انا مرضتش بصراحة اصل مكنش حيحتاج القلم ولا البونية بتاعتى :) دة كان مترووووووق بجد ملامحة بدات تطمس ههههههههه



              المشاركة الأصلية كتبت بواسطة me_medoo مشاهدة المشاركة
              هههههههههه. انا كمان صحيت على نفس الصوت ده الصبح. بس ده لايمكن يكون برق او رعد ده انفجار. .... دي صحت اكتوبر كلهااااااااااا

              انا في حياتي. ما سمعت برق او رعد بالقوووووووة دي انا قلت مصنع من المصانع انفجررررررر

              بس بجد بجد هاين عليا. اروح ابهدل المدرعة الي واقفه منظر عند بانزينة كالتيكس. اومال هما فايدتهم ايه موقفينها منظر وكاتبين عليه الجيش والشعب ايد وحدة يافرحتي والله لا انا النهرده هنام مطمن واحط بطيخة وجبنة بيضة في بطني

              اثلجت صدرى انك سمعت وحسيت بالصوت بتاع الصبح دة انا تخيلت انى حلاقى حد عامل علية موضوع ياراجل

              المشاركة الأصلية كتبت بواسطة mr_vampire مشاهدة المشاركة
              ده يتعاقب بتهمة الغباء ههههههههههههه.... لاء وايه في خط مبين ماشي ازاي وفين ههههههههههههه..

              المهم ظبطت العجلة المريحة ولا الراجل قفل ؟؟؟؟؟؟؟؟؟؟؟؟؟؟؟؟؟
              لا زودهالى بس وقالى لو ريحت تعالى بكرة :)

              المشاركة الأصلية كتبت بواسطة omar61995 مشاهدة المشاركة
              هههههههههههههههههه
              يستاهل بصراحة
              و دلوقتى الناس ما بتصدق تمسك حرامى و
              بس هيحصل ايه لو كانت العربية دفع خلفى !!!!!
              بيتهيالى مكنتش حتتحرك من مكانها
              [sor2]http://img534.imageshack.us/img534/7595/resize63.jpg[/sor2]

              Comment


              • #8
                المشاركة الأصلية كتبت بواسطة mido_soliman مشاهدة المشاركة

                وثانيا الحجر اللى تحت العربية طول ماهوة ماشى عامل خط ابيض عريـــــــــــــــــَض تحتة وبالتالى لو مشى من هنا لحد اسوان حتشوف خط سيرة بوضوح كمان
                هههههههههههههههههه
                أنا حاسس من كلامك أنه حتي لو سرقها كان هيعلق عليها من ورا يافطة مكتوب أنا سارقها ....
                فعلا ساعة القدر يعمي البصر ... ربنا مقدرله أنه يتمسك ... خلاص عمرها ماهتسلك معاه ..
                [CENTER][U][all1=#88ff00][U][OVERLINE][U](((سبحان الله وبحمده .... سبحان الله العظيم )))[/U][/OVERLINE][/U][/all1][/U][/CENTER]

                Comment


                • #9
                  سبحان الله مش مكتوب لصاحبها انو يفقدها
                  وبالنسبة للصوت شكلا كدة لناس كلها صحيت من النوم الصبح على الرعد عشن انا كمان قمت ووقفت فى البلكونة عشان اغسل وشى
                  [img3]http://www10.0zz0.com/2012/05/27/20/121831504.jpg[/img3]
                  يا رب عديها على خيرر وينصلح حالها

                  Comment


                  • #10
                    سبحان الله
                    ربك وشأنه لما يريد يفعل مايريد
                    طب صاحب العربية جى والا لا
                    ده بالتأكيد ولى من أولياء الله الصالحين

                    Comment


                    • #11
                      ربنا يسترها علينا وعلي الناس كلها
                      ويكفينا شر الحرميه

                      Comment


                      • #12
                        ان الله علي كل شئ قدير
                        و مها فعل هذا الحرامي لن يستطيع ان يفعل شئ الا و هو مكتوب عند الله لحكمه يعلمها سبحانه
                        و كل التحية للرجل الذي لم يخاف ان يخرج له الحرامي مطواه او مسدس و استغاث بالناس
                        و كل التحية للي روقوه و اعطوه مما يستحق
                        و شكرا لحضرتك انك نقلت لنا الحكاية
                        تحياتي اليك اخي الكريم


                        م.حاتم السباعي
                        HAGAN سابقا

                        Comment


                        • #13
                          حسبنا الله ونعم الوكيل فيهم
                          ربنا ينتقم منهم

                          Comment


                          • #14
                            اكيد كان نازل ونيته مش خير
                            هو لو بينزل من بيتهم ويتوكل علي الله مكنتوش هتعرفوا تمسكوه

                            تلاقيه وهو نازل ادي شحات جنيه ولا كان في قشرة موزة واقعة علي الأرض راح شايلها لحسن حد يتزحلق فيها

                            بس بجد
                            سبحان الله الواحد الأحد الفرد الصمد

                            فعلا قل لن يصيبنا الا ما كتب الله لنا
                            اكيد صاحب العربية فرح فرحة كبيرة اوي ان ربنا نجاه وحفظ عربيته

                            تلاقيه كان بيصلي العشاء !!!
                            الساعة 10 ؟
                            أقصد كان بيصلي العشاء والجلالة خدته

                            هههههههههههههههه
                            [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                            [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                            [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                            [CENTER]
                            [COLOR=DarkRed]صفحة القسم علي الفيس بوك[/COLOR]
                            [/CENTER]
                            [CENTER][URL]http://www.facebook.com/SeatNileMotors[/URL]

                            [COLOR=Navy]صفحتي الشخصية
                            [url]https://www.facebook.com/ITNetworksWay[/url]
                            [/COLOR] [/CENTER]

                            Comment


                            • #15
                              الحمد الله انه اتروق

                              Comment

                              Working...
                              X