الحمد لله عملت حادثة و دى قصتى مع التوكيل و الجمعية المصرية

[okky222]

الحمد لله عملت حادثة بسيطة - و الحمد لله جت سليمة يعنى يا دوب الشبكة الأمامية و الريداتير فضى المية اللى فيه . يعنى كان لازم انقلها على سيارة اسعاف السيارات . و بالفعل نقلتها الى مصر من عند بوابة الأسكندرية لمركز الكويت و البلاد العربية اللى فى الدقى و لكنى وصلت بعد انتهاء المواعيد .فقال لى الأمن ان اركن السيارة امام الباب و غطيتها . و فى الصباح الباكر ذهبت و قابلت المنهدس خالد محمود الذى اعتقد انه اهم شخصية جاذبة للتعامل مع هذا المركز و ذلك لما فعله معى من حسن الأستقبال و المواساه لية فى الحادثة و خرج معى و كشف على السيارة و طمنى و قاللى لا تقلق احنا هانستلمها و قاللى انت مأمن تبع ايه فقلت له الجمعية و كمان لاقيت على الحائط صورة من احدى صفحات منتدى نايل تورز و كمان لاقيت اسمى و كان الموضوع عن التأمين . ففعلا اهتم اكثر بى و قاللى لا تقلق امشى معايا خطوة خطوة و ان شاء الله خير و اعطانى تيليفونه الخاص . فعلا حالتى كانت وحشة لما اسمعه دايما عن معاملات شركات التأمين . و لكن الحمد لله الأمور مشيت سريعة جدا و تقريبا تانى يوم ذهب مندوب الجمعية لمركز الكويت . و اتصلت بالمهندس خالد محمود اطمن فقال لى الحمد لله التصليح بدأ بالفعل بعد ما المندوب و صل و تمت المعاينة و الموافقة . شكرا لله الذى وهبنا المهندس خالد محمود ووهبنا منتدى نايل تورز و شكرا للجمعية المصرية للتأمين التعاونى على سرعة استجابتها و حسن الأستقبال والتعاون من مدام عبير عادل .بأدارة الأنتاج .

[Ahmad Allawy]

الحمد لله علي سلامة سعاتك..
واضج من كلامك ان العربية فولفو.. هل هي اس 40 ولا ايه..؟؟
عموما ربنا يباركلك فيها.. و يباركلنا في نايل موتورز..

[okky222]

الله يسللمك يا اخى الفاضل - السيارة هى دايو لانوس 2008

[Powert]

حمد لله على السلامة بس انت ليه دوتيها مركز البلاد العربية ليه مش موديها عند ابو الفتوح

[hogo_9i]

الحمد لله انها جت سليمة وى ربنا يسترها معانا جميعن

[Ahmad Allawy]

ايوة صحيح..
اشمعني الشركة دي يعني..؟؟

[Casio2000]

الحمد لله على السلامة - ربنا يعوضك خير ان شاء الله

[hazem_khidr]

حمد الله علي سلامتك
:) جميل اوي انك بتقول الحمد لله و مش زعلان
يا ريت نبقي كلنا كده:)

[Akram]

احياناً أسمع ناس بتشتكي من الشركة دي و ناس بتشكر فيها و ناس بتقول الموضوع إجراءات لازم تستحملها ,

المهم سلامتك انت اهم حاجة و شكراً لكل من ساهم في انهاء الإجراءات بسرعة و بدأ العمل بإصلاحها, و ان شاء الله ترجع زي الأول .

[okky222]

شكرا لكم جميعا اخوانى الأعزاء . و انا ودتها للشركة دى بناء على كلام الشركة اللى اشتريت منها السيارة و هى شركة العقاد موتورز اللى خلف جامع رابعة العدوية . و كمان اللى شجعنى هو توجيهات منتدانا لما قال انه عمل اتفاقية معاهم على تخفيضات لنايل موتورز . و انا بقول الحمد لله لأن الحادثة كانت ممكن تكون اكبر من كده و كمان احنا سالمين . دانا صحيت تانى يوم و لاقيت حادثة تحت البيت و الخسائر كأنها عالطريق السريع مع ان شارعنا لا تستطع ان تسيير عليه بسرعة 40 كم . و اللى حصل ان سيارة نقل بدون فرامل دهثت 3 سيارة منهم سيارة شاهين اصبحت بدون شنطة . يبقى الحمد لله . و ربنا يحفظنا جميعا .

[Ashraf A.Kader]

ألف سلامة عليك وان شاء الله خير

[okky222]

الله يسللمكم جميعا يا احلى اخوان فالدنيا