تجربتى فى شراء كاوتش من ممدوح غطاطى

[houras1010]

الخميس اللى فات سألت عند غطاطى على كاوتش ميشلان يكون انتاج 2012 ومقولتش انتاج حديث عشان ممكن يكون الأنتاج الحديث فى رأيهم من 3 سنين مثلا قالى اه موجود انتاج السنه دى قالى ايوة
ماشي روحت تانى يوم لاقيت موظف تانى اعدت عليه نفس الكلام قالى ايوة
ماشي دفعت الفنى جاب الكاوتش بصيت على التاريخ لقيته انتاج نص 2011 قولتله ده مش انتاج السنه دى لسه هيقول حكايات لقى ايدى على التاريخ قلى ما اعرفش طلعت فوق ملقتش الموظف لاقيت واحد تانى حكى فى قصه متعرضتش من الأول مفيش كاوتش انتاج السنه خالص ده بيقعد 6 شهور فى البحر مع انه اسبانى يعنى عدى الناحيه التانيه بس
وكنت سألته عن نوع البطاريات اللى عندهم المتقفله اللى بيتقال عليها لا تحتاج صيانه ولا الجافه فعلا زى بطاريات القلم قالى اه جافه فعلا
النتيجه
ريح الزبون وقوله اه محدش فاهم حاجه

[HAITHAM1985]

إدى ضهرك للحيط وخد نفس وخليك رويح ......... عزيزى العميل إستمتع بمسلسل النصب والهمبكة المستمر مع تحيات أى حد بيشتغل فى العربيات إلا من رحم الله

[AhMeD MeTwAlY]

إدى ضهرك للحيط وخد نفس وخليك رويح ......... عزيزى العميل إستمتع بمسلسل النصب والهمبكة المستمر مع تحيات أى حد بيشتغل فى العربيات إلا من رحم الله

فعلا خليك رويح

[Ahmed_Ramadan]

ده أى فرع فيهم ؟؟

[المنسي]

ده أى فرع فيهم ؟؟

متهيألى مش هتفرق اى فرع المهم انه حكى اللى حصل عشان الناس تاخد بالها وشكرا لصاحب الموضوع على التنبيه

[Ahmed_Ramadan]

متهيألى مش هتفرق اى فرع المهم انه حكى اللى حصل عشان الناس تاخد بالها وشكرا لصاحب الموضوع على التنبيه

حضرتك أنا بسأل علشان انا ليا موقف معاهم و كنت عاوز أعرف ديه مشكلة فرع و لا هو كده عموما

[houras1010]

فيصل المريوطيه

[Sehsss]

غطاطي ده أنا ما بستريحلوش، وواحد صديقي كان ليه تجربة سيئة معاه

[Dr_Smart]

هو ايه المشكله انه انتاج نص 2011 يعتبر جديد برضو مافرقتش كتير .. ولا ايه ؟

انا طبعا معاك في المبدا انه المفروض يلتزم بكلمته

[mazagngi2010]

اسعار غطاطى نصب
هو بيضحك عليك بجو الاستقبال والخصم يافندم هيكون كذا واتفضل استريح
كلام كله فى الهجايص
اشترى دماغك وهات من بيومى

[Sehsss]

اسعار غطاطى نصب
هو بيضحك عليك بجو الاستقبال والخصم يافندم هيكون كذا واتفضل استريح
كلام كله فى الهجايص
اشترى دماغك وهات من بيومى

+1111111111 بيومي فعلا أسعاره أقل

[S O P H O S]

في غيره علي طول

[SYD]

بيومي مين ؟؟؟

انا اتعاملت مع غطاطي قبل كدة اكثر من مرة
الصراحة هو غالي
بس عنده ضمان يعني ضمان

يعني انا مرة رجعتله ببطارية فيها شهر (عدي 11 شهر من الضمان) وكمان ماكنتش ملتزم اوي بالزيارة الشهرية
ومع ذلك غيرهالي
صحيح خصم استهلاكي لل11 شهر
بس دفعني مبلغ صغيور وجابلي بطارية غيرها

ومرة تانية كان عندي مشكلة في بطاريتي وكانت من عندهم بردو
ادالي بطارية تانية وخد بطاريتي وبعد يومين روحتله خدت بطاريتي مشحونة و10/10

معاملتهم مش وحشة
واحسن ضغط كاوتش من عندهم - دايما بحب اضبط الضغط عندهم

هما كل ماهونالك سعرهم عالي شوية

لكن كاوتشهم - بيبقي كويس ومعمر
انا اشتريت من عندهم كاوتش اسمه كورسا
كان طري جدا وخلي العربية ناعمة اوي في المطبات
وحسيت ان العربية فراملها احسن وسحبها ناعم

انا أؤيدك الرأي في نقطة
انك تسمع كلام من واحد وتروح لواحد تاني تسمع كلام تاني خالص
كأن الأتنين مش شغالين في نفس المكان

ودة فعلا من باب
مش الزبون من قدامك بأي كلام

بس المهم
انت أشتريت ولا لاء؟؟

مبروك الكاوتش لو كنت اشتريت
والتاريخ مش مشكلة اوي لو ماكنتش اشتريت - بردو نص 2011 مش بعيدة اوي - يادوب سنة من 5 سنين صلاحية

تحياتي

والله المستعان
،
،

[houras1010]

الكدب يا جدعاااااااااااااااااااااان
ويكبيدا
'الكذب' هو أن يخبر الإنسان عن شيء بخلاف الحقيقة، ويكون إما بتزييف الحقائق جزئيا أو كليا أو خلق روايات وأحداث جديدة، بنية وقصد الخداع لتحقيق هدف معين وقد يكون ماديا ونفسي واجتماعي وهو عكس الصدق، والكذب فعل محرم في جميع الأديان. الكذب قد يكون بسيطا ولكن إذا تطور ولازم الفرد فعند ذاك يكون الفرد مصاب بالكذب المرضي. وقد يقترن بعدد من الجرائم مثل الغش والنصب والسرقة. .

[aboo_aead]

دايما الكاوتش لو الى بيشتريه معندوش خبره يتنصب عليه فيه