عاوز اغير المرور التابعه ليه العربيه .. اعمل ايه ؟

[El-Malaky]

دلوقتي انا العربيه بتاعتي مترخصه في مرور وبطاقتي تبع مدينه تانيه فعاوز اجيب العربيه كمان لنفس البلد اللي انا فيها دلوقتي
علما بان المرورين ( البلدين ) تبع نفس المحافظه
الرخصه فاضل فيها سنتين ونص

ياريت تقولولي ايه اللي هعمله بالظبط ؟
والحوارات دي هتاخد كام يوم ؟

[Forever.Leo]

المفروض انك تقدم طلب نقل الملف .. بس ماعرفش اذا كان ينفع النقل لنفس المالك و لا لاء

[semi]

لما تيجي تجدد كده كده لازم تتعامل مع المرور التابع لك في البطاقة
فبتروح هناك لمرورك الجديد وهما بيجيبوا الملف
لكن قبل التجديد معرفش ممكن تعمل ايه
بس انت ليه توجع رأسك طالما لسه ميعاد التجديد؟!!

[dr.hazem]

انا عربيتي كانت مرور م نصر
لما جيت اجدد بطاقتي تبع مصر الجديده
رحت م نصر طلعت شهادة بيانات ومخالفات وطلعت بيهم لمرور مصر الجديده وفحصت عندهم وطلعت الرخصه تبعهم


تحياتي

[exact]

عنوان بطاقتك بيديك عنوان رخصة قيادتك يديك عنوان رخصة سيارتك

[oshy]

مدام فيها رخصه سنتين و نص استفيد بيها و انتا بترخص ابقي اعمل عقد مسجل و رخص في مرورك اللي تبع البطاقه

[Sehsss]

انا عربيتي كانت مرور م نصر
لما جيت اجدد بطاقتي تبع مصر الجديده
رحت م نصر طلعت شهادة بيانات ومخالفات وطلعت بيهم لمرور مصر الجديده وفحصت عندهم وطلعت الرخصه تبعهم


تحياتي

+11111111111

[A7MED_PHARMA]

اهو الدكتور جاب نهاية القصة

[El-Malaky]

بس انت ليه توجع رأسك طالما لسه ميعاد التجديد؟!!

مدام فيها رخصه سنتين و نص استفيد بيها و انتا بترخص ابقي اعمل عقد مسجل و رخص في مرورك اللي تبع البطاقه

انا عارف اني اجلا او عاجلا هنقلها من مرورها للمرور اللي انا فيه دلوقتي
والدنيا دلوقتي رايقه وسايبه وانا كمان فاضي دلوقتي موراييش حاجه
الله اعلم كمان سنتين هيبقي ايه اللي حاصل وانا هكون مشغول ولا هكون فين ؟ و المرور ساعتها والموظفين هيرجعوا لقرفهم تاني ولا ايه ؟ فعلشان كده قلت اتم الحوار ده دلوقتي الله اعلم بكره فيه ايه

[El-Malaky]

عنوان بطاقتك بيديك عنوان رخصة قيادتك يديك عنوان رخصة سيارتك

انا دلوقتي رخصه العربيه ورخصتي في بلد وبطاقتي في بلد تانيه
ناوي انقل رخصه العربيه واسيب رخصتي الشخصيه لان لسه فيها 7 سنين يارب اكون هجيت بره مصر فيهم

[El-Malaky]

انا عربيتي كانت مرور م نصر
لما جيت اجدد بطاقتي تبع مصر الجديده
رحت م نصر طلعت شهادة بيانات ومخالفات وطلعت بيهم لمرور مصر الجديده وفحصت عندهم وطلعت الرخصه تبعهم


تحياتي

انا كانوا قالولي اني لما هنقل المرور الجديد هيدوني رخصه مؤقته لمده 3 شهور لحد ما يجيبوا الملف بتاعي ؟ هل الكلام ده صحيح ؟
وكمان كنت عاوز اعرف السنتين ونص اللي فاضلين دول مش هيضيعوا عليا صح ؟
الحوار ده كله يا باشا هياخد وقت اد ايه من اول ما ابدا في الاجراءات لحد ما اخلص خالص ؟

[El-Malaky]

ايه يا جماعه محدش رد عليا في حوار الرخصه المؤقته ده صحيح ولا ايه ؟

[m_adeleid]

حيدوك فعلا رخصه مؤقته لحد لما الملف ييجي و بيكون اسمه(تصريح تسيير ملاكي)
ولازم تعمل مطابقه بصمه الاول في المرور اللي انت تابع ليه علشان حيطلبوها منك في المرور الجديد
ودي من الحركات الجديده بعد حوادث السرقه الكتيره علشان يتأكدو ان السياره لها ملف