عن المخالفات نحن نتحدث !

[Ashraf_Ibrahim]

اللي انا متأكد منه انه التظلم مش بيشيل المخالفات كلها ! بس بيعمل تخفيض من 300-500 جنيه ! بس عايز حد يفضل وراه كل شوية ! وفيه ناس تبعي ! لو عرفت تثبت ان العربية كانت في مكان معين في يوم المخالفة يبقى احسنلك يعني تذكرة البارك اي حاجة :) بس ده طبعا مستحيل في مصر :)

انا وراهم في المتابعة طبعا هي لعبة دول 1400 جنيه !
اكيد مش بشيل تيكت الباركينج

انا عملت قبل كده ابلكشن تظلم في الدراسه خده 5 جنيه مقابل التظلم ولا حياه لمن تنادي ياباشا انت اكيد في مصر

ممممممممم
الله يبشرك بالخير !

اخوك عمل اية يا اشرف
وبعدين انتا لحقت تروح المنصورة وترجع
ولا عملت التوبيك وروحت المنصورة؟؟

البيه معملش حاجة
مروحتش المنصورة والله يا كيمو اتأخرت عليه فقلي لخاص كنسل المعاد بس كدة !

لسه مجدد الرخصه وعملت تظلم علشان كانت قيمتها 615 نزلت ل315 عملت واحد تانى النتيجه لا شىء وكان موضوع التظلم انه حصلت مشاده بينى وبين امين الشرطه فتعنت ضدى وعمل 3*1 كسر اشاره وتعريض حياة المواطنين للخطر والتعدى على رجل المرور فنصيحه روح اعمل التظلم مش حتخسر حاجه ممكن تكسب واكتب بالصدق وتيجى زى ما تيجى مش كفايه بندفع قد كده فى الترخيص

مممممممممم
ربنا يسترها علينا يا رب

عكس الاتجاه هي المشكله لوحدها ١٠٠٢ وعملت. المستحيل عشان اشيلها قالولي ديه مخالفتها من الف الي ٣ الاف انت واخد كده اقل حاجه والمصيبه تاريخها قال ايه في مارس ٢٠١١١ يعني اصلا في الوقت ده مكنش فيه عسكرري مرور واحد في البلد

مهو فعلا في الوقت دا مفيش عسكري مرور خالص!

العسل بقى
عندى مخالفه سير عكس الإتجاه يناير 2011
العربيه مرخصه زيرو أكتوبر 2011 النمر الجديده
بلد لها العجب

وتستمر المهازل في هذا البلد !

التظلم بينزل قيمه المخالفات فعلا

يارب ينزل فعلا القيمة !

[Ashraf_Ibrahim]

ربنا يستر
قلقتونى كده يا شباب
ان شاء الله هجدد قريب
بس الغريب هو اصلا كان فيه مرور فى البلد معظم السنه ونص اللى فاتوا دول
انا ساعات بشوف العسكرى عمال يكتب فى الدفتر والعربيات ماشيه طبيعي
ربنا يلطف بينا من عدماء الضمير

وحفظ الله تعالى الجميع

يارب يا عزيزي

اقولك على الاجمد عربيه الوالد عندى رحت اجبلها شهاده مخلفات و طول عمرى مش بلاقى عليها حاجه المره دى لقييت عليها 3500 جنييه ازاى متعرفش الاجمد بقى انها من بعد الثوره مباشره كانت فى عمره و قعدت كذا شهر عشان مكنتش فاضلها و خرجت من العمره على الجراج و تقريبا مش بتطلع و المفروض ان كل المخالفات اللى قبل الثوره اتحرقت و حاولت اعرف المخالفات دى ايه قالولى لما تتظلم تبقى تعرف
انا بطبعى مش بحب الواسطه او الرشوه و ده بياخرنى كتيير فى طوابيير ووجع قلب ولا انى ادفع 5 جنييخ مثلا و اخلص بس المره دى قلت انا لو مشفتش واسطه يبقى حرام عليا عشان انا متاكد انها ظلم
المهم كلمت مستشار حبيبنا دخلنى رئيس النيابه و فوجئت انه شال المخلفات كلها و قولت الحمد لله روحت المرور طلعولى واحده من ملف العربيه و قالولى روح بيها النيابه رجعت النيابه رئيس النيابه شالها و انا راجع قولت لنفسى امتى بقى البلد تبقى حقى و حقك يعنى انا لو مخالف فعلا اكييد حدفع او اعمل طلب تخفييض و انا ضميرى مرتاح انما اللى بيحصل ده ظلم و عمل زى تقديير الضرائب الجذافى كده و ربنا يصلح الحال
حاول تعمل التظلم كده و لو معجبكش ادخل لوكيل النيابه و اتفاهم معاه انا سمعت رئيس النيابه بقول لواحد الاوامر اللى من النائب بتقول مقدرش اشيلك اكتر من 1000 جنييه فا يمكن و اهو اللى حيتشال انت اولى بيه من الداخليه

أكيد طبعا انا اولى !
خصوصا اني اساسا بتبع كل اشارات المرور اصلا!
عكس الاتجاه ازاي معرفش دا مستحيييييييييييييييييييييييل !

طب هى قيمة الركن فى الممنوع وتعطيل حركة المرور كام لو سمحت

الركن في الممنوع 20 جنيه
تعطيل حركة المرور تقريبا 150 جنيه

بص ياسيدي عندك كزا حل

المخالفات الي فيها جنايه تقريبا زي التعمد في تعطيل حركه المرور مش بتتشال والعكس مش بيتشال

انما كل المخالفات الي اي كلام بتتشال زي الركن غلط بس متتكتبش تعطيل حركه مرور بتعمد

جالنا 4 الف جنيه مخالفات معرفش جم ازاي نزلنا 2 والباقي منزلش لو عملت ايه لانه كان عكس ومخالفتين تعمد تعطيل سير تقريبا كل وحده 500 جندي مصري عريق
كده كده اعمل تظلم واعمل ولو منزلش كتير اعمل قضيه وفي ناس بتقول هتكسبها

المفروض اني اطمن كدة !
دا معناه اني لبست في المخالفات وهدفعهم غصبن عني بقا واللا ايه؟!

[Ashraf_Ibrahim]

طب يا شباب دلوقتي انا استوعبت الموضوع
مخالفة عكس السير معمولة بتاريخ 4/ 2011
انا اساسا جددت الرخصة بتايخ 12/6/2011
هل يصح ان يكون فيه مخالفات ومتظهرليش في المخالفات اللي عملتها قبل كدة؟!
انا عامل شهادة مخالفات في شهر 6 وكانت لا شيء !
هل ممكن دا واللا دا سبب يشيل المخالفة دي اصلا وتعتبر عشوائية؟!
حد يطمني بس الله يكرمكم!

[M.Ayman]

لو ليك حد هيظبطك جتمد اعرف حد نزلها من 1000 و شويه ل 100 جنيه

[Ashraf_Ibrahim]

لو ليك حد هيظبطك جتمد اعرف حد نزلها من 1000 و شويه ل 100 جنيه

ملناش غير ربنا !
لله الأمر من قبل ومن بعد !

[yoko]

طب هى قيمة الركن فى الممنوع وتعطيل حركة المرور كام لو سمحت

الركن في الممنوع فوري 20 جنيه لو مش فوري بتبقى الضعف تقريبا

[ahmedkhairy]

افضل حل لمشكلتك
اى وكيل نيابة او شرطة يدخل لوكيل النيابة ويتكلم معاه وغالبا ينزلك الغرامة

[eldell]

هو التظلم بياثر فعلا بس مش زى ماكنت فاكر يعنى كنت 1600 نزلونى ل1300 ولما قولت مش دافع ساعتها وجيت دلوقتى قولت عوضى على الله وادفع وخلاص روحت لقيت 3 جداد نزلو وبقى كله 2900 عملت تظلم تانى قولتله انى فعلا مش بخرج بيها خالص وبقيت 2500 ههههههههه فاعمل التظلم وانت وحظك

[tarek_2005]

مش هطول عليكم بصوا علي الموضوع ده

http://www.nilemotors.net/Nile/292783-a.html

وياريت تقولوا رايكم ايه

[Ashraf_Ibrahim]

افضل حل لمشكلتك
اى وكيل نيابة او شرطة يدخل لوكيل النيابة ويتكلم معاه وغالبا ينزلك الغرامة

طب وانا اجيب وكيل النيابة او الشرطة منين طيب؟!
ما اكيد لو اعرف حد كنت دخلته لوكيل النيابة مباشرة بدون ما اسأل يا شباب !

هو التظلم بياثر فعلا بس مش زى ماكنت فاكر يعنى كنت 1600 نزلونى ل1300 ولما قولت مش دافع ساعتها وجيت دلوقتى قولت عوضى على الله وادفع وخلاص روحت لقيت 3 جداد نزلو وبقى كله 2900 عملت تظلم تانى قولتله انى فعلا مش بخرج بيها خالص وبقيت 2500 ههههههههه فاعمل التظلم وانت وحظك

لا حول ولا قوة الا بالله
انا شفت المخالفات فعليا
مخالفة انتظار في الممنوع في المطار اه دي عملتها
انتظار في الممنوع في شبرا دي ممكن لأني على طول في شبرا
انما عكس السير وفي السيدة زينب انا مبروحش هناك خالص ولا بعربية ولا بدون عربية
معرفش حد هناك واساسا معرفش اروح بالعربية اصلا هناك !

مش هطول عليكم بصوا علي الموضوع ده

http://www.nilemotors.net/nile/292783-a.html

وياريت تقولوا رايكم ايه

مش عارف اقلك ايه يا طارق باشا !
ربنا معاك يا صديقي !

[ehab_mansour]

يا تري حضرتك عملت ايه يا أشرف بيه لأني جايلي مخالفات 1563 جنيه فيه منهم سير عكس الاتجاه و تعدي علي رجل المرور !!!!!!!!!!!!!!!!!!!!!!!!!!!!!!!!!!!!!!!
يعني حاجه عجب و كمان في عابدين اللي ماليش حد فيها ولا عمري عملت القصص دي ؟؟؟؟؟؟؟؟؟
اعمل ايه يا جماعه ؟

[Ashraf_Ibrahim]

انا عملت تظلم في الدراسة شالولي 300 جنيه
وبعدها روحت عشان أعمل معارضة في نيابة مرور مدينة نصر اللي انا تبعها فطلع لازم يكون معايا توكيل رسمي بالعربية وانا مش معايا توكيل ولكن معايا تفويض بالعربية فقلت حسبي الله ودفعت الفلوس دفعت 1100 بدلا من 1400
انت اعمل تظلم الاول وبعدين معارضة وانت ونصيبك وربنا يوفقك يا رب

[شريف]

انا عملت تظلم في الدراسة شالولي 300 جنيه
وبعدها روحت عشان أعمل معارضة في نيابة مرور مدينة نصر اللي انا تبعها فطلع لازم يكون معايا توكيل رسمي بالعربية وانا مش معايا توكيل ولكن معايا تفويض بالعربية فقلت حسبي الله ودفعت الفلوس دفعت 1100 بدلا من 1400
انت اعمل تظلم الاول وبعدين معارضة وانت ونصيبك وربنا يوفقك يا رب

هو لازم التظلم يتعمل في مرور الدراسة ؟
مينفعش في مرور مدينه نصر ؟

[Mohamed_Hamada]

التظلم لو فضلت وراه بيجيب نتيجة بس عايز وقت

[mahmoud_anwar]

طيب انا اعمل ايه
رحت اعمل شهاده مخالفات لي الشخص الي بعتله العربيه لقيت
عليا 600 جنيه ليه ياولاد التيت ............ يقوله ليه انتا عامل اتنين مخالفه سرعه
طيب عملتهم فين يقوله ليه علي المحور طيب انا من ساعت ما اشتريت العربيه مفتكرش اني طلعت المحور خالص لي اني ماليش اي مصالح نحيه اكتوبر شغلي في المطار وانا من امبابه وعندي شقه في القاهره الجديده ايه الي هيوديني المحور علل ؟؟؟؟؟؟؟؟؟؟؟؟؟