المفتاح جوة العربية وقفلت العربية اية الحل؟

[mohamed2002]

عربية لادا 1500 وفيها سنتر لوك وزجاج كهرباء
المهم واحد كا بينضفها فقفل العربية وميعرفش ان المفاتيح فيها اية الحل؟
مع العلم مفيش نسخة اخري

[w-m-a]

اى بتاع مفاتيح بيدخل سلك من الزجاج او بين الزجاج والبكتات وبيفتحها ان شاء الله

[S O P H O S]

مش عارف بتاع الستنر يعرف يفتحها ولا لا ؟؟

[mohamed2002]

شكرا لردودكم ومنتظر مزيد من الردود

[AhMeD MeTwAlY]

حصلت معايا اول ما اشتريت العربيه
بص انت هتشيل الحتي البلاستيك الي موجوده جمب الازاز من تحت
وبعدين تجيب صفيحة منشار او تجيب سلك يكون متين كدا وتعمل نهايته علي شكل دايره غير مغلقه ويكون قطرها بتاع 2 سم او 3 سم
وتنزلها جمب الكلون بتاع الباب او قداام المسوجر بظبط ووتنزل ووتشدها لوف اول ما تعلق في حاجه وتلاقي زرار القفل بيتحرك تسحبها لوق وهو يفتح معاك :)) بس لو حد شافك بتعمل كدا وضربك انا مش ليه دعوه

[أحمد الجندى]

أنا حصل معايا موقف زى ده من اسبوعين وعرفت ان القصة دى بتاعة السمكرى فروحت للراجل وقدمتله رخصة العربية ورخصة القيادة فجه معايا وفتح العربية فى خمس دقائق ولهف 50 جنيه
وطريقته هى نفس الطريقة اللى بيستخدمها المرور لما بيقطروا عربية معشقة يدخل حديدة فى اطار الباب علشان يوسع لحتة السلك اللى معاه ويحاول يفتح بيها الباب

[Land_Cruiser]

هات اى حد بتاع مفاتيح هيفتحهالك فى دقيقه بس يا ريت ما يبقاش قريب من بيتك او المكان اللى بتركن العربيه كتير فيه و بعد كده ابقى اعمل نسخه من المفاتيح

[abu_soheib]

فيه طريقة استعملتها مع عربيتي اللادا بردوا بس مكانتش إزاز كهربا
جبت مفك و عند باب السواق حطيت فوق من عند أخر الإزاز و نزلت بيه الإزاز نزل معايا في ثانية :(

[MOK3336]

هات اى حد بتاع مفاتيح هيفتحهالك فى دقيقه بس يا ريت ما يبقاش قريب من بيتك او المكان اللى بتركن العربيه كتير فيه و بعد كده ابقى اعمل نسخه من المفاتيح

[Dr_Mido]

انجز حل هات حد بتاع ماتيح ووريله رخصتك ورخصه العربيه وهو هيفتحالك حصلت معايا مرتين

[exact]

الوقاية خير من العلاج
اقترح ان كل واحد يعمل نسخة من المفتاح من غير فبر اسود وتتحط فالمحفظة لأنها أنقذتني كذا مرة

[A7MED_PHARMA]

طيب لو عربية من العربيات الجديدة ..
عادي برضو بتاع المفاتيح يفتحها؟

[michohat]

موقف رخم
حصل لى من اسبوع ان مفاتيح العربية وقعت من ايدي فى شنطه العربية وانا بحط شنطه اللاب توب فى شنطه العربية وقفلت شنطه العربية و الف حوالين العربية ادور على المفاتيح اللى كانت لسه فى ايدي لحد ما قولت انها فى الشنطه و لولا ستر ربنا كان فى مفاتيح احتياطية فى بيت الحاجه امي
و من ساعتها عملت والله 4 نسخ كامله و وزعتها على الاماكن اللى ببقى فيها

انسب حل هو السمكري او بتاع الكوالين

الحل للمستقبل هو نسخه مفتاح فى المحفظة

[mOuStaFa_ERTU]

أنا حصل معايا موقف زى ده من اسبوعين وعرفت ان القصة دى بتاعة السمكرى فروحت للراجل وقدمتله رخصة العربية ورخصة القيادة فجه معايا وفتح العربية فى خمس دقائق ولهف 50 جنيه
وطريقته هى نفس الطريقة اللى بيستخدمها المرور لما بيقطروا عربية معشقة يدخل حديدة فى اطار الباب علشان يوسع لحتة السلك اللى معاه ويحاول يفتح بيها الباب

يا باشا ولا حد يشتغلك ولا تدفع 50ج ولا تبوظ فبر استغنى عن الهواية اللى ورا واكسرها وافتح الباب وابقى خلى بتاع الازاز يعملك واحد ب 15ج انا عن نفسى عملت كده عشان العربية كانت واقفه فى عرب الطوايه وقلت 15ج احسن ما العربية تتسرق
برده انت وشوئك

[alaamousa]

اعتقد ان الردود اللي فات كافية يا باشا وزمان حضرتك فتحت العربية ياريت تطمنا