بعد أزمات البنزين المتكررة هل ينصح بالتحويل إلى الغاز؟

[hesham7777]

نرجو الافادة بشكل سريع
وشكرا

[mem]

لااااااااااااااااااااااااااااااااااااااااااااااااا اااااااااااااااااااااااااااااااااااااااااااا

[hesham7777]

ارجو الرد بالأسباب الموضوعية مع العلم أن سعر البنزين سيرتفع

[totti78ali]

الى اعرفو ان الغاز بيقصر عمر الموتور شويه و فى السحب مش بيكون زى البنزين
بس شكلها كد التحويل هيكون هو الحل لناس كتير و ربنا يستر و الغاز كمان ميغلاش

[Ashraf_Ibrahim]

انا كمان بفكر في الموضوع دا
ياريت حد يفيدنا بصورة علمية واضحة

[totti78ali]

http://www.nilemotors.net/Nile/283335-a.html

كان فى عضو عامل الموضوع ده من فتره اعتقد فى معلومات كتير ممكن تساعد لو حد عاوز يحول لغاز

[khalid_adel]

انا عن نفسي لو البنزين غلي حاحول على ال 85 الجديد ده وش بس يارب الاقية ساعتها ميبقاش زي ال80 دلوقتي واعتقد ده ارحم من الغاز (بس لسه حافكر في الحلين برده مش اكيد) لحد ما البنزين يغلي ده طبعا بعد ماانزل التحرير ساعتها حتكون اول مره انزل التحرير حيكون بسبب غلو البنزين
اصل مشواري 120 كيلو يوميا والعربيه بتاكل بنزين اصلا فمش ناقصه خاااااااااااالض :(

[S O P H O S]

لا مش هفكر
لاني هيجي يوم والغاز هيغلي هو كمان
مفيش حاجة مضمونة فمصر ..

[alu]

متابع

[alaamousa]

السلام عليكم ورحمة الله وبركاته انا اخويا معاه فيرنا غاز من الزيرو والحمد لله بقالها معاه 3 سنين زي الفل هي الفكرة كلها ان الغاز بياكل في البساتم على بعد فترة ولكن عملي جدااا وبيفول ب 6 جنيه بس طبعا بيدور على بنزين الصبح وفي الشتا بيمشي بنزين شوية عشان الغاز بيبقى متجمد وبعدين الاسطوانة مشكلتها انها بتخلص بسرعة

[alaamousa]

بمعنى انك اذا كنت على طريق اسكندرية الصحراوي الغاز مش هيكفيك فمضطر تكمل بنزين وهكذا
ان شاء الله هسأله على اي ملاحظات وهاحطهالكوا في الموضوع بامر الله

[alaamousa]

أرادت امرأة أن تتصدق ..

فأخرجت من حقيبتها ثلاث ورقات من فئة"خمسون جنيه"

ثم تأملت فيها لحظات ! واختارت إحداها ودفعتها للسائلة ..
...
فسألها ابنها: لماذا تأملت فيها وكلها سواء ؟

فقالت : اخترت أحسنها والجديدة منها لتكون لله ،

فإن الله تعالى يقول :{ لن تنالوا البر حتى تنفقوا مما تحبون} ..

وقد كانت السيدة عائشة رضي الله عنها تعطر النقود قبل ان تتصدق بها و تقول ان الصدقة تقع في يد الله قبل ان تقع في يد السائل

هل فكرنا يوماً بالاحتساب كهذه!

[A7MED_PHARMA]

الأزمة هتروح إن شاء الله بعد إستقرار الأوضاع
.
الغاز الطبيعي مشكلة لما بياكل البساتم
غير كده .. لما الكل يحول .. الطوابير على محطات الغاز هتزيد هي كمان

[IronHead]

مشكله الغاز برضو ان الاسطوانه بتبلع مكان كبير فى الشنطه

[MohammedAladel]

ابحث هنا فى المنتدى هتلاقى مواضيع بتتكلم عن الغاز وبالفعل قرأت ان ليه تأثير على عمر المحرك غير انه بيشغل جزء من الشنطة طبعا رخيص وفى نفس الوقت العربية هتشتغل بنزين لو عايز مع الغاز وقرأت ان سحبه ضعيف وطبعا لو عندى عربية حديثة عمرى ما هفكر أحولها غاز حتى لو البنزين غلى أكتر من كدا لكن لو عربية قديمة وتمنها رخيص هحولها غاز