اريد راى الخبراء فى شراء سيارة زيرو

[mohamedpsd]

السادة الاعضاء
تحية طيبة

برجاء المساعد حيث اننى اريد شراء سيارة زيرو و دى اول مرة

السعر فى حدود 125 الى 135 الف
المنشاء اوروبى او يابانى
اوتومتيك
عالية الثبات فى الطرق السريعة و السفر
تكون واسعة
توفر بها عوامل الامان اللازمة (ABS , air bag,.........)

الرجاء من السادة الخبراء الافادة لانى بجد فى حيرة شديدة جدا و مش عارف اختار حاجة

[merosss]

بالمبلغ دة يبقى الانسب لانسر بومة صحيح شكلها قديم بس عربية ممتازة ومواصفتها وسعرها كويس جدا ويابانى

[farfora20082008]

أولا انا مش خبير وعلي قدي
ولكن لو عايز عربيه اوروبي او يباني وفيها وسائل الامان دي وطبعا انا استحرم ادفع مبلغ زي ده في عربيه مثلا زي النترا الجديده لمجرد انها شكلها حلو ومفيهاش اي وسائل امان

وطبعا مدفعشي المبلغ ده في عربيه لانسر شكلها بقي قديم وبقت ماليه البلد يعني لو اتربت او لا قدر الله خدت حكه يبقي انت حاسس انك راكب عربيه قديمه انا عقليتي بتقولي كده اجيب عربيه شكل ثوري متجدد بس برضه عربيه تحترم عقلي وامكانياتي وتحافظ علي وكل واحد وتفكيره

المبلغ ده مظنش يجيب حاجه زيرو اوروبي او يباني الا لو عليته مثلا شويه بس برضه مش هنجيب اي اوروبي او يباني !! لان في عربيات كتيره اوروبي كويسه بس ليس لها اي اهتمام في مصر من مراكز خدمه وقطع غيار

وطبعا انت ناوي ان شاء الله العربيه تقعد قد ايه معاك عشان تبدأ تفكر في سعر اعاده البيع والاعتماديه

لو حابب تاخد نصيحتي لو مش هينفع تعلي المبلغ يبقي تجيب عربيه استعمال نضيف وهتكون عربيه روعه زي : اوكتافيا - هوندا سيفيك - تويوتا كورولا - فورد فوكس - او حتي رينو فلونس الفئه العاليه

انا معاك ان الزيرو جميل واحساس اجمل ولكن لما تلاقي نفسك ممكن تركب عربيه سعرها زيرو فوق ال 170 الف ونضيفه وركوبه تجنن وبسعر اقل من سعرها زيروا بفرق كبير يبقي لازم تفكر اركب زيرو بامكانيات قليله ولا اركب مستعمل بامكانيات اعلي !!!

وربنا يوفقك لما في الخير ويباركلك

[Mohab555]

فى اختيارات كتير :
---------------
- رينو فلوانس
- لانسر شارك
- نيسان تيدا

[merosss]

اللانسر الشارك اغلى من المبلغ دة اول فئة 140 تقريبا
والفلوانس اعتمادية رينو انا شايفها ضعيفة (وحهة نظر) دة غير ظهور مشكلة فى الفتيس عند بعض الناس انا متاكد من دة
التيدا انا سمعت ان الموديلات الى موجودة دلوقتى مش يابانى مش فاكر بلد التقفيل اية

[ahma8]

مش اقدر افيدك
بس خلى بالك اركب العربية و سوقها ( جربها يعنى ) يعنى قبل ما تدفع مليم
حتى لو تركب اى واحدة نفس الفئة

[wael_power]

كمل شويه لو حتى بالقسط وجيب اوكتافيا فانتازيا او سيات التيا ..دول الافضل في الاوروبي كاسعر واداء
وكذلك في اليابانى التويوتا كورولا ..

[Sehsss]

رينو فلوانس.. ولولا إنك محتاج عربية ثابته كنت رشحتلك التيدا

[MARTINDALE]

رينو قلونس وان شاء الله مش هتندم.

[S O P H O S]

رينو فلوانس

[romiobek2000]

Mazda 3

[blazer]

سوبارو امبريزا

[alaamousa]

حاسس ان السيراتو مناسبة لحضرتك او كيا سووول

[Youssef.Awad]

اللانسر الشارك اغلى من المبلغ دة اول فئة 140 تقريبا
والفلوانس اعتمادية رينو انا شايفها ضعيفة (وحهة نظر) دة غير ظهور مشكلة فى الفتيس عند بعض الناس انا متاكد من دة
التيدا انا سمعت ان الموديلات الى موجودة دلوقتى مش يابانى مش فاكر بلد التقفيل اية

التيدا يابانى تقفيل مكسيكى
والفلوانس دلوقت اتغيرت عن زمان بعد استخدام مكونات نيسان الاعتمادية من تكييف وفتيس وغيرها من المكونات
نيسان ورينو شركة واحدة من 1999

[mohamedpsd]

بالمبلغ دة يبقى الانسب لانسر بومة صحيح شكلها قديم بس عربية ممتازة ومواصفتها وسعرها كويس جدا ويابانى

اولا اود اشكر حضرتك على المشاركة
انا فعلا فكرت فى العربية دى بس زى ما حضرتك قولت ان شكلها قديم وهوه هوة من 2003