رخص القياده بمرور مدينه نصر

[m_adeleid]

السلام عليكم ،
عاوز اجدد رخصه القياده بتاعتي علشان منتهيه و انا مرور مدينه نصر
سمعت ان رخص القياده اتنقلت مرور التجمع , هل ده صحيح و لا لأ؟
و ممكن اعرف ايه المطلوب مني و انا رايح علشان ابقي جاهز

[mohamed_selim]

شهادتين باطنه و نظر و تروح المرور فى مدينة نصر تجيب براءة ذمه للرخصه الخاصه و تطلع على التجمع .. بالتوفيق

[mohabelnegm]

كنت لسه هناك يوم السبت فى مرور مدينة نصر.....طابور رهيب علشان شهادات المخالفات, لشهادات المخالفات لرخص السيارات كان فيه شباكين و لرخص القيادة شباك واحد و ماكنش فيه زحمة جامدة عليه. بس عاملين حركة من بتوع زمان علشان يحصلوا فلوس من الهوا أنه بيجبر الناس تروح لمكتب تصوير الورق علشان يشترى بجنيه "نص ورقة" مطبوعة بتملاها ألأول و بعدين توديها لموظف ألأستعلامات يدبسها فى الرخصة و يختمها و بعدين يرجعهالك تانى و تقف بيها فى الطابور تسلمها فى الشباك و بعدين تستنى لما يندهوا عليك يسلموك شهادة المخالفات...ودنك منين يا جحا!
بس أنا مش متأكد من رخص القيادة الخاصة أنهم لازم يشتروا الورقة ديه و يملوها ولا لأ أبقى أتأكد لما توصل علشان ماتقفش فى طابور على الفاضى

[htkamal]

تجديد الرخصة

باشا انا لسه مجدد رخصة القيادة من اسبوعين شوف حضرتك حتطلع مرور مدينه نصر حتقف فى اى شباك بتوع النيابه وحتديه الرخصه وحتستنى لغاية ماينادى عليك حتدفع خمسه جنيه وحيديك شهادة المخالفات
حتطلع من عندهم حتمشى شويه حتلاقى مركز رابعة الطبى على شمالك حتخش تعمل شهادتين نظر وباطنه كل واحدة 25جنيه وحتزل تحت فى مدخل المركز علشان تختم الشهادتين وطبعا يبقى معاك 3صور شخصيه 2على الشهادتين وواحد لوحدها مختومه من المركز
بعد كدة حتطع على الدائرى من طريق مصر السويس وتفضل ماشى حتعدى اول نفق وثانى نفق تطلع من فوقه وتخش شمالى فى اتجاة التجمع الخامس وتمشى وتخش فى اول شارع يمين وتفضل ماشى فيه على طوال حتلاقى فى اخر مدرسه الشويفات على يمينك وفى تقاطع قدامك حتعدى التقاطع وتخش شمال حتلاقى سور على يمينك لغايه اخرة حتلاقى يافطه مكتوب عليها وحدة التراخيص تروح داخل يمين وعلى طوال لاخر الشارع فى شمال على طوال لاخر الشارع فى يمين لاخر الشارع حتلاقى وحدة المرور فى وشك
اول ماتخش على اليمين حتلاقى كشك بيبع الاوراق حتقوله ملف تجديد بحوالى 7جنيه ونص حتملى الطلب وتطلع الوحدة تانى مكتب على الشمال حتخش حتديهم الملف والشهادات والرخصه القديمه حيعمل ليك ورقه بالضربيه وتروح تدفع فى الخزينه ومن عند الراجل حتجيب استمارة تجديد وتملها وبعدين ترجع للراجل اللى عمل ليكى الضربيه حيديك ملفك تروح جنبه على طوال التصوير حتتصور وربع ساعة تطلع الرخصة وعلى فكرة ابعد عن يوم السبت والاحد لانهم بيبقوا زحمه موت

[m_adeleid]

شهادتين باطنه و نظر و تروح المرور فى مدينة نصر تجيب براءة ذمه للرخصه الخاصه و تطلع على التجمع .. بالتوفيق

متشكر يا باشا

[m_adeleid]

كنت لسه هناك يوم السبت فى مرور مدينة نصر.....طابور رهيب علشان شهادات المخالفات, لشهادات المخالفات لرخص السيارات كان فيه شباكين و لرخص القيادة شباك واحد و ماكنش فيه زحمة جامدة عليه. بس عاملين حركة من بتوع زمان علشان يحصلوا فلوس من الهوا أنه بيجبر الناس تروح لمكتب تصوير الورق علشان يشترى بجنيه "نص ورقة" مطبوعة بتملاها ألأول و بعدين توديها لموظف ألأستعلامات يدبسها فى الرخصة و يختمها و بعدين يرجعهالك تانى و تقف بيها فى الطابور تسلمها فى الشباك و بعدين تستنى لما يندهوا عليك يسلموك شهادة المخالفات...ودنك منين يا جحا!
بس أنا مش متأكد من رخص القيادة الخاصة أنهم لازم يشتروا الورقة ديه و يملوها ولا لأ أبقى أتأكد لما توصل علشان ماتقفش فى طابور على الفاضى

الف شكر

[m_adeleid]

باشا انا لسه مجدد رخصة القيادة من اسبوعين شوف حضرتك حتطلع مرور مدينه نصر حتقف فى اى شباك بتوع النيابه وحتديه الرخصه وحتستنى لغاية ماينادى عليك حتدفع خمسه جنيه وحيديك شهادة المخالفات
حتطلع من عندهم حتمشى شويه حتلاقى مركز رابعة الطبى على شمالك حتخش تعمل شهادتين نظر وباطنه كل واحدة 25جنيه وحتزل تحت فى مدخل المركز علشان تختم الشهادتين وطبعا يبقى معاك 3صور شخصيه 2على الشهادتين وواحد لوحدها مختومه من المركز
بعد كدة حتطع على الدائرى من طريق مصر السويس وتفضل ماشى حتعدى اول نفق وثانى نفق تطلع من فوقه وتخش شمالى فى اتجاة التجمع الخامس وتمشى وتخش فى اول شارع يمين وتفضل ماشى فيه على طوال حتلاقى فى اخر مدرسه الشويفات على يمينك وفى تقاطع قدامك حتعدى التقاطع وتخش شمال حتلاقى سور على يمينك لغايه اخرة حتلاقى يافطه مكتوب عليها وحدة التراخيص تروح داخل يمين وعلى طوال لاخر الشارع فى شمال على طوال لاخر الشارع فى يمين لاخر الشارع حتلاقى وحدة المرور فى وشك
اول ماتخش على اليمين حتلاقى كشك بيبع الاوراق حتقوله ملف تجديد بحوالى 7جنيه ونص حتملى الطلب وتطلع الوحدة تانى مكتب على الشمال حتخش حتديهم الملف والشهادات والرخصه القديمه حيعمل ليك ورقه بالضربيه وتروح تدفع فى الخزينه ومن عند الراجل حتجيب استمارة تجديد وتملها وبعدين ترجع للراجل اللى عمل ليكى الضربيه حيديك ملفك تروح جنبه على طوال التصوير حتتصور وربع ساعة تطلع الرخصة وعلى فكرة ابعد عن يوم السبت والاحد لانهم بيبقوا زحمه موت

يا باشا مش عارف اقول لحضرتك ايه انت شرحتلي كل اللي انا عاوزه و اكتر بس معلش ليا سؤالين
كده الصوره المختومه لوحدها ملهاش استخدام؟
لو عاوز اغير لمرور تاني حيكون من مدينه نصر ولا لازم برضو اروح التجمع؟

[semi]

مرور مدينة نصر اتحسد ولا ايه ياجماعة :)
ده كان بينضرب به المثل
الورق من حته والرخص من حتى تانية خالص
ربنا يرحمنا بقى من وجع القلب ده
ويوصل للبعدى الاختراع العجيب اللي اسمه الكمبيوتر