إعـــــــلان

Collapse

.

,
See more
See less

أنا إتعرضت لحادث بلطجة فى محطة بنزين بترومين قبل دمنهور فى اتجاه القاهرة

Collapse
X
 
  • Filter
  • الوقت
  • Show
Clear All
new posts

  • أنا إتعرضت لحادث بلطجة فى محطة بنزين بترومين قبل دمنهور فى اتجاه القاهرة



    يوم الأحد الماضى الموافق 10-6-2012
    كنت راجع من الإسكندرية على الطريق الزراعى متجها إلى طنطا
    قبل دمنهور بحوالى 20 كم
    وفى حوالى الساعة السادسة والنصف صباح اليوم
    دخلت محطة بنزين بترومين لقيتها خاويه على عروشها وشكلها معفن قوى
    وكل حاجه فيها شكلها قديم ومتهالك


    ضربت كلاكس لاقيت عامل طالعلى بيتاوب على آخره وعنيه معمصة سألته هل يوجد بنزين 80 ؟
    أجاب بنعم
    قولتله فول العربية
    وجدت ان عدادات طرمبة البنزين التى تحسب كمية الفلوس المطلوبة لا تعمل
    واللى شغال فقط عداد الليترات .... مفيش اى مشكلة
    تم تزويد السيارة بـ 36.6 لتر بالتمام والكمال سعر الليتر 90 قرشا
    يبقى الحساب 33 جنيه
    أنا دائما بدى بقشيش جنيه
    بس أنا إتكسفت من العامل ده علشان صحيته من النوم والوقت لسه بدرى
    6.5 صباحاً
    قولت زى بعضه اديت العامل 35 جنيه وقولتله الـ 2 جنيه بقشيش علشانك
    فوجئت ان العامل مش عاجبه وبيقولى الليتر بـ 1 جنيه يا أستاذ
    احنا لا نبيع بـ 90 قرشا وحسابك كده يبقى 37 جنيه !!!
    قولتله ازاى ياعنى ديه سلعة مسعره اجبارياً ومينفعش تبيع بمزاجك وأنا مديك اكتر من حقك كمان
    قالى ياعنى مش كتر خيرى انى حطيتلك بنزين !!!!!
    قولتله لو محطتش بنزين هعملك محضر امتناع
    قالى اعمل محضر براحتك بس لازم تدفع على الليتر 1 جنيه
    أصريت على موقفى وقولتله أنا مديك 2 جنيه بقشيش ومش عاجبك كمان ... هات الـ 2 جنيه الزيادة دول
    قالى فلوسك أهيه يا أستاذ ورماها على العربية
    دخل فى الوقت ده سيارة فيرنا وتوكتوك قالهم الليتر بجنيه واللى مش عاجبه يمشى
    المهم روحت شايل جنيه من الحساب وبقى 34 جنيه علشان أحرق دمه
    كده يبقى واخد بقشيش 1 جنيه بدلاً من 2 جنيه
    سيبتله الفلوس فوق طرمبة البنزين كان مشغول بقى دلوقتى مع الفيرنا
    وركبت عربيتى بسرعة وشغلتها ومشيت
    لقيته بيجرى ورايا روحت بسرعة قافل السنتر لاقيته بيحاول يفتح الباب الخلفى ومعرفش يفتحه...
    بدأ يشتم وحاول تهشيم الزجاج الخلفى للسيارة
    لحظة لما خبط جامد على الزجاج أنا إتجننت وبرج فى نافوخى طار ....
    ورغم انى مش من دعاة العنف وأخذ الحق بالدراع بس ساعتها
    الدم غلى فى نافوخى ووقفت فجأة بالعربية
    وقررت إن أخبطه
    نقلت الفتيس على المارشدير وبدأت أرجع للخلف علشان اخبطه واكسر رجله
    ساعتها المدام والعيال انتابهم الخوف وقعدوا يزعقوا ....
    فأستعذت بالله من الشيطان الرجيم ونقلت الفتيس على الغيار الأول وأنطلقت إلى الأمام وأنا متغاظ جدا
    وعمال اشتم فيه وفى اللى جابوه وفى اللى شغلوه

    كان بيبقى فيه كمين على أول دمنهور قولت أروح أبلغ هناك
    وأسأل على القسم علشان أعمل محضر ملاقيتش حد من المرور على المرور خالص

    لما روحت طنطا بحثت عن تليفون مباحث التموين بالبحيرة
    علشان أبلغهم مش لاقى نمرتهم خالص
    إتصلت بوزارة التموين والتجارة رد عليا شخص مهذب وحكيتله كل حاجه
    وقالى هنتخذ اللازم يافندم وهنبلغ عن المحطة ديه

    إتصلت بديوان محافظة البحيرة لاقيت الموظف اللى رد عليا قرفان من البلد وسنينها والبلطجة المنتشرة وبيقولى فيما معناها
    ان احنا بقينا قليلى الحيلة وبعد مناقشات معاه وميصحش السلبية ديه قالى هبلغ مباحث التموين
    إتصلت بشركة بترومين مصر وسألت عن مسئول المحطات ..
    بصراحة راجل محترم جداً ومهذب جدا واعتذرلى كتير وقالى ان المحطة مش تبع الشركة مباشرة انما بنظام الوكيل ..
    وديه مش من سياسة الشركة وتصرفك صحيح وعداك العيب
    وقالى المفروض يكون عداد الليترات شغال وعداد الفلوس شغال
    وديه سلعة مسعره اجبارياً من الحكومة وقالى انا هتصل حالاً بصاحب المحطة ولازم العامل ده يتقطع عيشه لإن اللى حصل ده مينفعش

    كلنا شوفنا مشاركات كتير هنا بتدعوا الى العطف على هؤلاء العمال والأسطوانه المشروخة بتاعت هما غلابة وملهومش مرتبات
    وعايشين على البقشيش واحنا المفروض نساعدهم علشان ميتحولوش لبلطجية
    واضح ان احنا اللى عملناهم بلطجيه وطمعناهم فينا
    حسبى الله ونعم الوكيل


    المكان محطة بترومين - قبل دمنهور بحوالى 20 كم - فى الاتجاه من الاسكندرية الى طنطا

    [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

    [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

  • #2
    كل ده عشان 2 جنيه

    الطمممممممممممم
    م/ احمـد عـزت

    Comment


    • #3
      الواحد لما بيتعرض للمواقف دى بيقول



      حلااااااااااااااااااال فى اللى خلفوهم شفيق واعوانة عالم رمة
      اللى حيضيع بلدنا : الفهلوة و كلمة باشا و معلش و أصل


      [SIGPIC][/SIGPIC]

      Comment


      • #4
        المشاركة الأصلية كتبت بواسطة ahmed_nubira مشاهدة المشاركة
        كل ده عشان 2 جنيه

        الطمممممممممممم

        بص ياباشا
        حقه ياخد 33 جنيه
        وهوه عاوز بالبلطجة 37 جنيه
        ياعنى عاوز 4 جنيه زيادة
        !!!!

        أنا عملت تليفونات وموبايلات بأكثر من الـ 4 جنيه اللى هوه عاوزهم بالبلطجة
        ومستعد أخليهم 100 أو 1000 جنيه

        الحكاية مش حكاية 2 جنيه ولا 4 جنيه
        أنا برفض الإستهبال بكافة أشكالة
        البقشيش بدفعه بمزاجى وأنا اللى بحدده
        وأنا اللى بأختار ادفع بقشيش ولا مدفعش

        انما لما يحددوا هما السعر بمزاجهم يبقى ده اسمه استهبال واستعباط
        وبلطجه وقلة أدب


        حضرتك شايف انى غلطان ؟
        [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

        [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

        Comment


        • #5
          الحمد لله حمد الله علي السلامه
          م/ احمـد عـزت

          Comment


          • #6
            المشاركة الأصلية كتبت بواسطة ashouhdy مشاهدة المشاركة
            الواحد لما بيتعرض للمواقف دى بيقول



            حلااااااااااااااااااال فى اللى خلفوهم شفيق واعوانة عالم رمة

            ايه اللى دخل شفيق فى الموضوع دلوقتى
            بالعكس
            ده العامل الكلب ده فاهم الثورة غلط
            زى غيره من الحرامية والبلطجية اللى انتشروا
            وعاشوا حياتهم بعد الثورة
            الثورة بالنسبة ليهم تعنى حرية نهب وسلب الناس أموالهم بالباطل
            قبل الثورة كانوا كلاب بيتذللوا قبل كده علشان تديله نص جنيه
            ويمسح ويغسل الإزاز
            وكانوا بيفرحوا بأى مبلغ تدفعه
            دلوقتى بيحطلك تسعيره بمزاجه
            بيسرق زى اللى بيسرقوا
            وبيبلطج زى اللى بيبلطجوا
            على فكرة أنا مش مؤيد لشفيق
            وهنتخب محمد مرسى إن شاء الله

            [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

            [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

            Comment


            • #7
              المشاركة الأصلية كتبت بواسطة ahmed_nubira مشاهدة المشاركة
              الحمد لله حمد الله علي السلامه
              الحمد لله عدت على خير
              الله يسلمك ياباشا
              [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

              [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

              Comment


              • #8
                أنا غلطان ياااااااااااااااجماعة
                فى تصرفى وتمسكى بحقى سواء كان قليل أو كتير ؟؟؟
                [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

                [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

                Comment


                • #9
                  ربنا يبارك فيك ياباشا احب اقول لحضرتك ان لتر البنزين ال80 عندى فى كفرالشيخ وصل 1.75 قرش فى بعض الاماكن 20 لتر ب 35 سعر ال 90
                  [rmade]http://www6.0zz0.com/2011/01/10/09/232862406.jpg[/rmade]

                  Comment


                  • #10
                    اخيرا صدقتني لما اقولك لازم تاخد حقك بايدك
                    كنت دايما تهاجم اي حد بياخد حقه بأيده وتقول البلد فيها قانون
                    فين القانون دلوقتي؟
                    انا لو مكانك مكانش هيهمني مراتي ولا عيالي وبردو كنت هعمل اللي في دماغي
                    معلش اعذرني دمي محروق عشانك
                    eng f3lix سابقا

                    Comment


                    • #11
                      والله يا باشا انت صح 100 فى 100 وانا لو مكانك اكيد كنت عملت اكتر من كده بس لما الواحد بيهدى ويفكر بهدوء يلاقى ان الموضوع مايستهلشى انه يعرض نفسه واسرته و خاصة وان معاك المدام والابناء لهذا الموقف واحمد ربنا انها جت على كده
                      :Y_hi_3[1]:

                      Comment


                      • #12
                        هو طبعا انت صح فى انك تدافع عن حقك .. بس انا الوم حضرتك ان انت على طريق سريع وفى وقت مبكر
                        وبسبب ال 2 جنيه دول اولاد حضرتك والمدام اتفجعوا بسبب اللى العامل الزبالة دة عمله
                        انت لو كنت لوحدك كان ماشى لكن فى موقف حضرتك صوت العقل بيقول انك كنت اعطيته ال 2 جنيه حار ونار فيه
                        وكنت اول ما توصل البيت تشتكى المحطة زى ما حضرتك عملت .. معلش انا عارف انى بطلب منك انك تكون سلبى
                        فى جزء من الموقف بس مافيش حاجة تساوى فاجعة الطفل ... وحمدا لله على سلامة حضرتك والاسرة الكريمة
                        [RIGHT]سبحان الله وبحمده سبحان الله العظيم
                        [/RIGHT]

                        Comment


                        • #13
                          المشاركة الأصلية كتبت بواسطة ahmed_nubira مشاهدة المشاركة
                          كل ده عشان 2 جنيه

                          الطمممممممممممم
                          الموضوع مش 2 جنيه أو غيرو..إذا كان الرجل دفع ال 2 جنيه دول تيبس.الموضوع الحق و عدم الإستغلال

                          Comment


                          • #14
                            بجد انا احيك علي موقفك وبجد احترمت تصرفك واصرارك علي متابعه الموقف مع المسئوليين رغم كم السلبيه اللي هيقابلك وكتيير جدا مكانك مش هيعملو كده منهم اللي هيديه الفلوس ومنهم اللي هيرفض ومش هيفكر يعمل محضر او يبلغ المسئوليين يا ريت كلنا نقف ايد واحده ضد الاستغلال اي نعم هيطلع عينا في الاول وهنحس اننا في عالم لوحدنا ومنبوذيين بس يكفينا احترامنا لنفسنا وكمان بعد فتره هتلاقي ان ناس كتير هتبقي زيك وهتحس انك كنت بشكل معين قائد في ثوره تغيير لقيم واخلاق ... برافو عليك وبجد كويس ان اولادك يشوفوا شيء زي ده ويشوفوا باباهم اتعامل ازاي في الموضوع للاخر
                            [CENTER][FONT=Comic Sans MS][SIZE=2]تفتكر مصر محتاجه ايه ؟
                            مصر محتاجه أخلاق
                            [/SIZE][/FONT][SIZE=2][B]دعوه للحفاظ علي أخلاق المصريين التي اختفت[/B][/SIZE]
                            [/CENTER]

                            Comment


                            • #15
                              عااااااش جدا و احيك على موقفك و حضرتك مفيش منك كتير اليومين دول لا قلبك جامد بجد فى الحق اعلم ان ربنا عمر ما كان هيسيبك او يخذلك فى موقف انتا معاك الحق فية زى دة و اوعى فى يوم تانى حد يسكت على الناس دية بدل ما ياكلونا بكرة و بعدة عالم متنفعهاش الا الدراع مع انى مسالم و مش بحب بس بقيت لازم برضة ابقى زى حضرتك كدة و عملت نفس الكلام فى بنزينة فى العبور الا ياخد جنية بس العربية اتكسرت و ربنا جابلى حقى و اللى كسر العربية لقيت رجلة مكسورة بعدها بشهر لما بعت واحد صاحبى للبنزينة و عربيتى اتصلحت ببلاش الحمد لله
                              انا وقفتى كنت اصعب كتير مانتا عملت وقفت للراجل و نزلت و قلتلة لو اخر يوم فى عمرى انهاردة مش دافع غير 90 قرش شدينا فى بعض و كانت اول خناقة ليا فى حياتى

                              Comment

                              Working...
                              X