تنصحوني ب إيه في إني أجيب اوتوماتيك (زيرووووووو )

[khattab_89]

أنا ببيع ريجاتي حبيبتي دلوقتي و هجيب اوبترا إن شاء الله زيرو
وعايز اجيب اوتوماتيك ... يعني راحة و سهولة
بس ليا كام سؤال كده
1- الأوتوماتيك بيتغيرلو تيل فرامل كل قد إية ؟؟؟
2- هل فيه مشكلة في الوتوماتيك بالنسبة للمطالع و بالنسبة لحمولة العربية ؟؟
3- الأوبترا الأوتوماتيك فيها نظام حارات يعني مش زي الانسر مثلا ولا الكورولا فا ياريت حد يشرحلي لو فيه فرق و هل هو صعب في الإستخدام ولا سلس ؟؟؟

**** ملحوظة: أنا سواقتي معتدلة يعني مش هادي و مش بقرص وأحرق والحاجات دي (ساعات بتطلب بس قليل أوي) و مش بحب أزود عن ال 130

[hazem_khidr]

هو عموما مش مستحب الاتوماتيك في عربيه كوري
بس لو سواقتك نعتدله و حتاخد بالك من الزيت و مش حتبقي عنيف علي الفتيس توكل علي الله.
بالنسبه لميعاد تغيير تيل الفرامل فبيرجع لاستعمالك الشخصي و محدش يقدر يحكم عليها غيرك انت و بس.
بالنسبه للمطالع و الحموله ما تقلقش الاوبترا موتورها قوي و عزمها حلو مش حتحسسك بحاجه.
موضوع الحارات ما اقدرش افيدك فيه :)

[Hassan Khalil]

حازم افاد و اجاد .........
بالنسبة للحارات .. مفيهوش اي مشكلة غير التعود لو حضرتك كنت سايق اوتوماتيك عادي قبل كده ..اما لو مكنتش يبقي مفيش مشكلة ..
غلاسته كلها تحريك الفتيس يمين و شمال .. لكن طبعا ده مش بيحصل طول ما انت سايق .. لو بصيت للموضوع كويس حتلاقينا احنا اللي بقينا كسلانين اوي ..
الاوتوماتيك الحارات تم فيه استبدال الزر ( زر الامان )اللي بيسمح لك بالتنقل بين النقلات بالحارات ... و هي حارات معرجة ذات زوايا قائمة من الجهة اليسري علشان تمنع حركة الفتيس من نقلة لنقلة اخري ..
و ده في معظم العربيات الحديثة .. اللانسر الشكل الجديد .. الكورولا الجديدة .. و الياريس كمان .
و مبروك مقدما

[khattab_89]

http://www.nilemotors.net/Nile/showthread.php?p=316357#post316357

[mohamed2002]

ما تشوف حاجة ياباني افضل طالما عاوز اوتوماتيك

[Nistelrooy]

مبروك مقدماً :)

[Karim_Monir]

وانا رغم ما سالاقية من كلام مالوش لازمة في نظري
لا افضل اتوماتيك في سيارة كوري
يعني مع حازم
وعارف اني هالاقي كمان شوية يقوللي ايه اثباتك وحاجات من دي وبيصنعو 4 مليون عربية كوري و2 مليون منهم اتوماتيك
برضه الصناعة الكورية بكل تقدمها ما وصلتش انه تعمل فتيس اتومتيك ناعم
لانهم ماقدروش يعملو موتور ناعم لغاية دلوقتي
المهم لو اتوماتيك يا تخليك في لانسر 1600 او صني 1600 وبلاش اوبترا

[som3aa]

هو عموما مش مستحب الاتوماتيك في عربيه كوري

قعلا الكلمة دى بتعصبنى اوى :boxing_smiley:

طب ليه؟:)

[som3aa]

برضه الصناعة الكورية بكل تقدمها ما وصلتش انه تعمل فتيس اتومتيك ناعم
لانهم ماقدروش يعملو موتور ناعم لغاية دلوقتي

يعنى ايه ناعم؟
يعنى ايه فتيس ناعم و يعنى ايه موتور ناعم؟
معلش اشرحلى بشويش علشان اقدر افهم وجهة نظرك

[hazem_khidr]

قعلا الكلمة دى بتعصبنى اوى :boxing_smiley:

طب ليه؟:)

يعنى ايه ناعم؟
يعنى ايه فتيس ناعم و يعنى ايه موتور ناعم؟
معلش اشرحلى بشويش علشان اقدر افهم وجهة نظرك

اركب عربيه زي الكورولا اوتوماتيك و انزل منها اركب النترا اتوماتيك و انت تعرف ايه المقصود من الكلام:)

[Ramy.Gamal]

فعلا الاوتو مش مستحب فى الكورى حتى المعارض اللى بتبيع مستعمل وتجار المستعمل بيقولوا كورى اوتوماتيك بنشتريه ارخص من الكورى المانيوال .يعنى حضرتك لما تشترى عربيه كورى اوتو زيرو اغلى من المانيوال ب 5000 وتيجى تبيعها تلاقيك بايعها ارخص من المانيوال .وعموما لازم زيت الفيتيس يتغير فى الاوتوماتيك كل 40000 سواء يابانى او كورى او المانى.خلى بال حضرتك الاوبترا من العربيات اللى بتحرق بنزين كتير فى المانيوال فأكيد هتلاقيها فى الاوتوماتيك حوت بنزين

[Mohamed Bander]

خلى بال حضرتك الاوبترا من العربيات اللى بتحرق بنزين كتير فى المانيوال فأكيد هتلاقيها فى الاوتوماتيك حوت بنزين

على فكرة يااستاذ رامى انا معايا اوبترا اوتوماتك لسه مكملتش 800 كيلو والحمد لله حسبت استهلاكها لقيته 9.8 لتر فى ال 100 كيلو فهى مش حوت بنزين قوى ممكن تكون قرموط :)

[som3aa]

فعلا الاوتو مش مستحب فى الكورى حتى المعارض اللى بتبيع مستعمل وتجار المستعمل بيقولوا كورى اوتوماتيك بنشتريه ارخص من الكورى المانيوال .يعنى حضرتك لما تشترى عربيه كورى اوتو زيرو اغلى من المانيوال ب 5000 وتيجى تبيعها تلاقيك بايعها ارخص من المانيوال

الصراحة اول مرة اسمع الكلام الغريب دا , اول مرة اسمع اساسا ان الكورى مش ناعم فى الاوتوماتيك و الكلام دا؟
امال ازاى بيبيعوا عربيات زى الالنترا و السوناتا و الازيرا و الveracruz و السانتا فى و الtucson و ال cerato و ال carnival و ال Entourage و ال opirus و ال sorento و ال sportage و ال optima و ال epica و الlumina ( دى مش متاكد اوى انها كورى).
كل الكلام دا ازاى بيتباع بره مصر علما ان فيه منافسة جامدة اوى مع عربيات فى نفس فئاتهم و اصغر مثال الالنترا اللى بتتباع بنفس سعر الكورولا و اغلى سنة صغيرة من اللانسر الجديدة و لو كان الكلام دا صح كان مفروض اساسا متنزلش بنفس سعرهم يعنى عربية كورى و الباقى يابانى و كمان مش ناعمة يبقى حد يفسرلى لو سمحتم.

اهى الاسعار و قارن الامكانيات كمان بالسعر يعنى الفاضية بالفاضية و الكاملة بالكاملة و كدا

http://autos.yahoo.com/newcars/comparison/results.html?pagetitle=overview&search_type=all&make=toyota&model=5710%3Atoyota_corolla_2009&trim=23834&carid0=22842&carid1=21654&carid2=23836

يا ريت يا جماعة تبصوا كويس على السعر و المكانيات و كل حاجة , على فكرة دا سعر اعلى حاجة فى الالنترا مانيوال (لو اونوماتيك السعر بيزيد بس مش مكتوب كام) و دا سعر اعلى حاجة فى اللانسر مانيوال برده (نفس الكلام + فى موتور تانى 2400 ملناش دعوة بيه لان الالنترا بتنزل اخرها 2000) , التيوتوا تانى اعلى حاجة (اعلى حاجة xle و اعتقد دا زيادة اوى فى الامكانيات و عومام اغلى 500$ و برده فى موتور تانى اقوى)

و الصراحة انا مقتنع براى توت هنا ان و نفس الكلام بالنسبة لليابانى و الكورى
اليابانى حتى لو العربية فتيسها زى بتاع الكورولا الجديد كدا زى العسل و الكورى يعععع بدون اسباب علشان كورى.

http://www.nilemotors.net/Nile/showpost.php?p=306900&postcount=33

توت كان بيتكلم على التقفيل المصرى و المستورد و انا رايى الفرق بين الكورى و اليابانى نفس الكلام برده.

[som3aa]

للعلم اللانسر اقوى واحدة فيهم من حيث قوة الموتور و فى نفس الوقت ارخصهم

[Ghamrawy]

http://www.nilemotors.net/Nile/showt...357#post316357

ياريت تبصوا على اللينك ده زى ما قال خطاب