تحذير مهم من بعض سواقين التاكسي

[K_E]

مش سواقين التاكسي ولا المكروباص بس
ده اي حد دلوقتي بتتعامل معاه بيكون كل همه ازاي ينصب عليك ويطلع منك بمصلحة الا من رحم ربي
البلد خلاص مبقاش يتعاش فيها الواحد قرف والله ونفسيته تعبت

[SYD]

انا حصلت معايا بس في ميكروباص

اداني الباقي فيه 10 صاغ علي انها نص جنيه

لا دة التباس بيحصل لينا كلنا
مش مقصودة

[SYD]

للأسف سواقين التاكسي اكثر من طماع بكثير

يعني ايام التاكسي الأسود كان لا يمكن يقف لما تقوله علي مشوار صغير وعارف انك هتديله 3 او 4 او حتي 5 جنيه
هو عايز مشوار من المطار لحد مثلا القرية الذكية وهيمشي بيك فيصل كمان عشان يقعد نص اليوم فيه ويلسعك في 100000000000000 جنيه

فدلوقتي بقي عنده عداد طب انصب ازاي ؟؟؟؟
العب في قرايات العداد ودي ناس كتير هنا حذروا من الموضوع دة
او انصب نصباية عبيطة في الغش مابين ال5 جنيه والربع جنيه

ولكني اعاتب علي صاحب الموضوع
لما انت متأكد انك مش معاك ربع جنيه ورق (الي اساسا اصبح عملة نادرة) ازاي تطاوعه وتديله 5 جنيه اضافية ؟؟؟

اعتقد كل واحد فينا بيبقي عارف علي الأقل الفئات الي معاه مش لازم يكون عارف كام بالظبط ولكن اقل ما فيها انت متأكد انك مش معاك مثلا ورقة ب200 او 50 قرش ورقية او 25 قرش مخرومة وهكذا

ولكن علي كل الأحوال
شكرا لحضرتك علي التنبيه
وكل واحد يخلي باله من فلوسه لأننا بقينا بنتعب فيها اوي

ربنا يحفظنا في مالنا وعيالنا كلنا اجمعين

والله المستعان
،
،

[Imhotep]

ما هو من هنا تيجى فايدة العملات المعدنية للمشاوير تحت الخمسة جنيه.....انا السواق اللى بيبقى خنيق باخنقه اكتر و بحاسبه بالسحتوت و مبسبش بواقى خالص عشان احرق دمه..... و برضه اللى بلاحظ ان عداده مش مظبوط يا بقولهاله فى وشه انت عدادك شمال يا اما بحرق دمه بالكسور

[Ghamrawy]

سحت
و النار اولى بيه

[gade2]

ولسه اللى جاى ا....