الطرق من بعد الثورة بدون صيانة

[semi]

السلام عليكم ورحمة الله

انا ملاخظ من بعد الثورة الطرق والكباري بدون اي صيانة تماماً
الطرق في مصر وصلت لمرحلة الانفجار
مفيش طريق الان الا ومليان حفر ومطبات واذا مكنش تلاقي معوج حته طالعه وحته نازلة
انا بيصعب علي العربية من المطبات اللي بتاخدها وكل اللي بقدر عليه اني احسبن عليهم
غير الحفر اللي ممكن تقضي على العربية لتجيب مقص او بطاحة تطلع
والحفر بتقعد بالشهور ويكاد يكون بالسنين لحد ما تصلح وتبقى حفرة صغيرة
واللي بيعمله المصريين دلوقت انهم بيحفظوا الحفر في الطرق عشان يعرفوا يمشوا
ده غير المطبات الزبالة اللي بتتعمل ده غير الاضاءة اللي مش موجودة ده غير الحفر على الطرق السريعة
اللي ممكن تجيب اجل حد
فحرام بجد اللي بيحصل ده ياجماعة
والمساعدين اللي عايزة تتغير كل سنة بسبب الطرق
امال فلوس التأمين الاجباري اللي بندفعها بتروح فين
واللي ميعرفش التأمين الاجباري ده بعض الناس فاكرة انه تأمين للعربية
لا ده تأمين للطرق عشان لو حد اتخبط على الطريق والحكومة تتفشخر وتقول دفعناله تعويض
فده من فلوسنا وعشان كمان اللي بيمشي يطير عمود او اي حاجه تحصل بالطريق تصلح من الفلوس دي

ياريت تشاركوني في الحوار هل الطريق طول عمره كده او من بعد الثورة فعلا الموضوع ده زاد
وايه الحل عشان نوصل صوتنا للعالم اللي مش بتحس ولا نكتفي بحسبي الله ونعم الوكيل

[tutankhamoun]

أنا هاعلق على موضوع التأمين الأجباري

التأمين الأجباري بيروح لشركة التأمين اللي أنت بتأمن معاها مش الحكومة .

و بيم الصرف منه في حالات التعويضات البشرية (حالات الوفاه - حالات العلاج بسبب حوادث الطرق )

إنما التلف اللي على الطريق بيكون على مسبب الحادث و لازم النيابة تحكم بكدا بعد وجود لجنة لتحديد من الحي لتحديد قيمة التالف

أما مووضوع الطرق ......... فده من زمان ....... ثانيا البلد فيها عجز موازنة

[Sehsss]

فعلا الحفر في الفترة الأخيرة زادت، وفي منها موجود من سنين...... حاجة تقرف

[أحمد الجندى]

ده اللى فى الشوارع كوم والفواصل بتاعة كوبرى اكتوبر كوم تانى خالص

[grand hand]

دلوقت الطرق الزراعية كل كيلو مطب ويمكن اكتر

[M.Ayman]

شكلك لسه واكل كام مطب على حفره من الحاجات الهنا اللى بنشوفها فى الشارع ,,,,بس يعنى بتسأل على التأمين الاجبارى اللى هو مبلغ تافه بتدفعه مع الترخيص ,,,, اومال تقول ايه فى دخل قناة السويس اللى يأكل الشعب كله سنين قدام و لا الجمارك اللى بتعصر المأسوف على امره اللى قرر يسيب البلد الحلوه اللى هو فيها و قرر ينتحر فى مصر طب سيبك من ده فين فلوس الضرائب اللى فى الاخر بقت على الهوا اللى بنتنفسه و فين الفلوس اللى بياخدوها من اى واحد معاه قرشين مهاجر بره البلد بيقشطوه و يسيبوله شوية ملاليم .... يا سيدى لقد وقعنا فى الفخ :)

[semi]

شكلك لسه واكل كام مطب على حفره من الحاجات الهنا اللى بنشوفها فى الشارع ,,,,بس يعنى بتسأل على التأمين الاجبارى اللى هو مبلغ تافه بتدفعه مع الترخيص ,,,, اومال تقول ايه فى دخل قناة السويس اللى يأكل الشعب كله سنين قدام و لا الجمارك اللى بتعصر المأسوف على امره اللى قرر يسيب البلد الحلوه اللى هو فيها و قرر ينتحر فى مصر طب سيبك من ده فين فلوس الضرائب اللى فى الاخر بقت على الهوا اللى بنتنفسه و فين الفلوس اللى بياخدوها من اى واحد معاه قرشين مهاجر بره البلد بيقشطوه و يسيبوله شوية ملاليم .... يا سيدى لقد وقعنا فى الفخ :)

يافندم ده يومياً الموضوع ده بيحصل مفيش في مره امشي بالعربية الا لما اسلم على مطبات الشارع
وبصراحة لو اتكلمت عن الضرايب والفلوس اللي رايحة في الهوا والله الواحد مش هيخلص
بس اهو على الاقل الامل اتجدد دلوقت والواحد بقى عنده امل الامور ترجع سليمة
لما نشوف اخرتها مع الناس دي لاحسن الواحد خلاص قرب يطفش من بلده

أنا هاعلق على موضوع التأمين الأجباري

التأمين الأجباري بيروح لشركة التأمين اللي أنت بتأمن معاها مش الحكومة .

و بيم الصرف منه في حالات التعويضات البشرية (حالات الوفاه - حالات العلاج بسبب حوادث الطرق )

إنما التلف اللي على الطريق بيكون على مسبب الحادث و لازم النيابة تحكم بكدا بعد وجود لجنة لتحديد من الحي لتحديد قيمة التالف

أما مووضوع الطرق ......... فده من زمان ....... ثانيا البلد فيها عجز موازنة

يعني ايه البلد فيها عجز موازنة هل ده معناه نمشي في شوارع متكسرة وخطر
نموت يعني عشان البلد فيها عجز موازنة
وهل هيئة الطرق مش بيدخلها اي فلوس من موازنة الدولة
وهو عجز الموازنة بقاله 5 سنين
لا طبعا ده مش سبب ابدا للي بيحصل فينا بالطرق
وبخصوص التأمين الاجباري انت عندك حق ده لحوادث الافراد فقط مع ان مفيش حد بياخد حاجه

[semi]

فعلا الحفر في الفترة الأخيرة زادت، وفي منها موجود من سنين...... حاجة تقرف

انا لاحظت الموضوع ده برضه بس مش متاكد اذا كان فعلا الموضوع زاد مؤخرا او لا

ده اللى فى الشوارع كوم والفواصل بتاعة كوبرى اكتوبر كوم تانى خالص

الكباري دي بالذات كارثة يكفي ان الاسفلت بتاعها بقى مش يجدد وكباري كتير بطلعها بلاقيها بقت
على الحديد غير المطبات اللي بقت عالية في اول كل كوبري بسبب هبوط بيحصل عند مفاصل الكوبري
وكله كوم لما تلاقي حفرة في نهاية كوبري وانت نازل بسرعتك !!!
وفي كارثة اسمها الدائري انا بكره حياتي لما باخد الطريق ده

دلوقت الطرق الزراعية كل كيلو مطب ويمكن اكتر

المطبات دي رحمة شوية وممكن تتشاف عن النقر او الحفر
بس لما تلاقي مطب على طريق سريع بتبقى كارثة

[AhMeD MeTwAlY]

هي الحكومه بتعمل كدا ليه عشان تقولك امشي برحتك لما تشوف نقره ولي حفره وانت ماشي علي 60 تعرف تهدي وتتفاداها يا جدعان الحكومه مصلحتك اولا

[S O P H O S]

ربنا يحسن الامور والطرق يارب ...

[mohamed_selim]

طبعا كلامكو صح بس مش فى كل المناطق ... طريق اسماعيليه كان فى منطقه من بعد البوابات حوالى 20-30 كيلو زباله و الاسفلت معوج فى الاتجاهين ... اخر مره مسافر من اسبوع لقيتهم اشتغلو عليه و سفلتوه حرير و تخطيط و عيون قطط ... اظن المشكله مش مشكلة فلوس هى مشكلة اداره و خوف من الصرف و مش عايز اقول سرقه عشان ماخدش ذنوب ...

[_hema]

البلد كلها محتاجه صيانه

مش الطرق بس