ترخيص السيارة بالزجاج الملون .. هاام يا رجالة

[كوباية شاى]

السلام عليكم

انا ان شاء الله نويت اشترى عربية زيرو بس للاسف العربية مش نازلة بزجاج ملون .. بس انا لازم افيم الزجاج اللى ورا على الاقل علشان والدتى و اختى منقبات و مش معقولة يفضلوا حاطين النقاب فى الحر دة و احنا مسافرين او حتى فى مشاوير طويلة جوا القاهرة .. الموضوع دة مهم للاسرة لدرجة انى فكرت اجيب عربية مش مقتنع بيها علشان نازلة بالزجاج دة بس .. واحد قالى لو دخلت ترخص و انت مفيم الزجاج بردة مش هيكتبهولك ملون فى الرخصة الا لو اديتة 200 جنية ولا حاجة فى ايدة ,, بس انا مستحيل ادى حد رشوة و لو على حثتى ,, ... و النبى يا رجالة حد يفيدنى فى الموضوع دة ربنا يكرمكم و يجازيكم كل خير علشان انا خلاص هتجنن

[AhMeD MeTwAlY]

الحل الوحيد ان ورق العربيه الي بيروح المرور يكون مكتوب عليه زجاج ملون
ممكن حضرتك تشتري ستاير للعربيه في لجنه هوب شيل الستاير عديت من اللجنه ركب الستاير وعادي جدا
في حل مش متأكد منه بس صحبي كان عمله
راح دفع 2500 جنيه في دكتور جريشا وعمل زجاج ملون وبعد كدا راح قدم الفاتوره وهو بيرخص العربيه بالزجاج الملون وفعلا اترخصت زجاج ملون بس صحبي دا يعني وسايط وكدا
وبعدين المفروض في درجه مسموح بيها في الفاميه الي هو اليت الخفيف

[احمد نور الدين]

طبعا علشان حضرتك ترخص زجاج ملون لازم شهادة المنشا بتاعة العربيه اللي هيه الفاتوره او الافراج الجمركي يمون مثبت فيهم انها زجاج ملون فابريقه وده مش محتاج رشاوي ولا حاجه ده حقك القانوني ومحدش يقدر يقولك تلت التلاته كام

ممكن اسال حضرتك انت ناوي تشتري ايه؟

[كوباية شاى]

انا ناوى اشترى لوجان اوتوماتيك بلاك لين ,, طب مفيش حل انى اتفق مع المعرض انة يكتبها ملون حتى بزيادة فى السعر ؟؟

شكرا يا رجالة و الله على الاهتمام :)

[mo7a_mo7a]

مش ممكن لان اللوجان مستوردة وليها شهادة منشأ
ثم دي تبقي رشوة بردو ... ولا ايه!

[كوباية شاى]

لا يا فندم مش قصدى رشوة انا قصدى مادام دة اوبشن زيادة يبقى اتفق معاة بنزلة فى العربية مع زيادة التمن .. زى ما شفت فى احدى الموضوعات ان فيرنا نازلة زيادة الف جنية لو زجاج ملون !! يارب الاقى حل علشان ممكن اجيب فيرنا مع انى مش مقتنع بيها زى اللوجان علشان الموضوع دة بس :(

[Land_Cruiser]

كان فى نيسان صنى هايلاين الشكل القديم نزلت سنه ٢٠١١ بزجاج ملون فابريكه و اعتقد انك لو لقيت واحده مستعمله كسر زيرو هتبقى فى الرينج اللى حضرتك بتدور عليه او بقى تضطر تطلع بالرينج بتاع السعر و تدور على حاجه زى الكارينز و هى الزجاج الخلفى بتاعها ملون برضه و ممكن تلاقى فيها كسر زيرو كتير لان العربيه دى منتشره. انا باحاول أساعد حضرتك لحل المشكله و ان كنت مقدر اهميه الزجاج الملون ليك و لكن للامانه انا مش حاسس ان اهميته تصل لدرجه انك تضطر تغير ماركه او موديل العربيه علشانه. المواصفات التانيه زى الموتور و العفشه و الصاج و استهلاك البنزين و سعر قطع الغيار ووسائل الامان و التوكيل و نوع الغيار و حتى سعر اعاده البيع كل ده اهم بكتير من الزجاج الملون

[mrghost]

الافيو واللانوس ممكن تجيب حاجه منهم اوتوماتيك فاميه فبريكة

[MohammedAladel]

موضوع بسيط الستاير حل عملى اللى بتبقى فى العربية وبعدين النقاب بيمنع الشمس الحارقة فى الصيف لكن تغير ماركة العربية عشان مفيهاش زجاج ملون دى اللى غريبة جدا

[ahmedaglan]

الموضوع بسيط جدا
حضرتك تجيب شيفورليه افيو كوري 2012 بالزجاج الملون اتو وهتبقي مبسوط منها جدا
وزيها زى اللوجان

[saadelden]

الستاير الكبس بتترخص من غير اي حاجه و بيكتب في الرخصه ستاير خلفيه و جانبيه غير حاجبه للرؤيه
دا حل افضل و احسن بكتير من الفاميه

[bHa2]

انت مشكلتك مع الشمس"الحراره"
ولا مش عاوز حد يشوف اللي ف العربيه
لو ع الحراره ممكن تجيب العربيه اللي انت عاوزها
وتركب فبها عازل حراري وتركب معاه كمان ستاير مزيكا

[أحمد كمال]

انا ناوى اشترى لوجان اوتوماتيك بلاك لين ,, طب مفيش حل انى اتفق مع المعرض انة يكتبها ملون حتى بزيادة فى السعر ؟؟

شكرا يا رجالة و الله على الاهتمام :)

مش في ايد المعرض هي .......


بتبقى في شهادة البيانات ........ اللي بتطلع من المرور برضه ...... بناءا على مواصفات السيارة

[LACOSTE]

و عندك البرليانس زجاج خلفي وبابين ورا فاميه فبريكا

[_hema]

طبعا علشان حضرتك ترخص زجاج ملون لازم شهادة المنشا بتاعة العربيه اللي هيه الفاتوره او الافراج الجمركي يمون مثبت فيهم انها زجاج ملون فابريقه وده مش محتاج رشاوي ولا حاجه ده حقك القانوني ومحدش يقدر يقولك تلت التلاته كام

ممكن اسال حضرتك انت ناوي تشتري ايه؟