يعني ايه ثبات؟؟

[eng.m7md.ali]

انا عارف ان الموضوع متكرر
بس بستغرب من الناس اللي بتتكلم عن عربية ويقولوا انها ثابتة جداً على سرعة عالية والكلام ده
واتفاجأ ان مفهومهم للثبات غلط خالص
انا بحب السرعة وبحب العربيات الثابتة على السرعات العالي
عشان كدة لازم نوضح مفهوم الثبات الحقيقي للناس
مينفعش تمشي في طريق مستقيم وتقول ان العربية ثابتة
كمان مينفعش تجيب سرعة 180 وتفضل ماشي علطول وتجي تقول العربية ثابتة جداً وكان ممكن تجيب اكتر .. يعني ايه كان ممكن تجيب اكتر؟ ماكل العربيات سرعتها بتزيد عادي

مقياس الثبات في العربية تقدر تحدده من خلال تحكمك للعربية على السرعات العالية

يعني تقدر تتفاده فجأة حاجة قدامك .. تقدر تاخد ملف حاد على سرعة كبيرة .. تقدر تاخد غرزة ديقة على سرعة كبيرة .. من الاخر تقدر تتحكم بطريقة كاملة في عربيتك

طبعا الكلام ده مش في اغلب عربياتنا اللي بتتباع غالي بسبب الجمارك الكتير

الكلام على العربيات المحترمة زي كل الاوروبي والامريكي تقريبا . على شوية من اليابان
ندي مثال صغير ومحدش يزعل مني :
مينفعش نيجي عند عربية زي اكسنت rb مثلا او الانترا ونقول العربيات دي ثابتة
بالعكس
جرب تاخد غرزة جامدة او تتفادة حاجة قدامك فجأة شوف هيحصل ايه
كمان العفشة الخلفية عليها عامل مهم جداً وبتفرق من متصلة او منفصلة

كمان في عربية بهرتني بثباتها بصراحة ومكنتش متوقع منها كدة وهيا اسبرانزا m 11

العربية دي فيها حاجة مش طبيعية بسم الله ماشاء الله ثباتها حلو بس كل حاجة وليها حدود

عشان كدة مش عايزين حد يتغر في عربيته ويقول عليها ثابتة غير بالتجربة العملية

وربنا يسترها عليا جميعاً

[ahmad--ezzat]

انت ذكرت كل حاجه كده

مستني ردود ايه بقي هههههه

[AhMeD MeTwAlY]

واللهي كلام زي الفل يا ريت الناس كلها تشوفه عشان انا بشوف حجات غريبه عن العربيات الكوري

[semi]

مفيش احسن من الالماني في موضوع الثبات
العربيات اللي بتنزلنا بتبقى على ادها عشان الفلوس والجمارك ووجع القلب ده
فبيقبى الثبات بتاعها لحد سرعة معينة
واحنا مش طماعين بصراحة لان اصل طرقنا على ادها
بس وصل الموضوع دلوقتي لحد اننا بقى ينزل لنا زبالة العربيات
مع انها ماركات محترمة ومعروفة لكن تقفيل معفن من دول لسه جديدة في صناعة العربيات
فموضوع الثبات ده بقى اخر حاجه يبصله واحد بيشتري عربية

[alaamousa]

عندك حق تسلم على المعلومات الجامدة دي

[Egyzizo]

شكراً على المعلومات :

طيب، ما هو اللفظ الذى نطلقه لنعبر عن الحالة الآتية:

في عربية لما تركبها وتجيب بيها 100 كم/ ساعة تحس انك راكب مرجيحة وعمال تتهزهز لدرجة ان اللى راكبين معاك من غير ما يشوفوا عداد السرعة، يتخضوا ويقولوا لك هدى شوية.

وفيه عربية تانية تجيب بيها 150 كم/ ساعة من غير ما تحس من كتر هدوء العربية واستقرارها ، واللى معاك مايحسوش بالسرعة.

لو عاوز أوصف الميزة اللى فى العربية التانية أقدر أقول عليها ايه؟

[Hobgoblin]

مفيش احسن من الالماني في موضوع الثبات
العربيات اللي بتنزلنا بتبقى على ادها عشان الفلوس والجمارك ووجع القلب ده
فبيقبى الثبات بتاعها لحد سرعة معينة
واحنا مش طماعين بصراحة لان اصل طرقنا على ادها
بس وصل الموضوع دلوقتي لحد اننا بقى ينزل لنا زبالة العربيات
مع انها ماركات محترمة ومعروفة لكن تقفيل معفن من دول لسه جديدة في صناعة العربيات
فموضوع الثبات ده بقى اخر حاجه يبصله واحد بيشتري عربية

أنا متفق معاك في موضوع ثبات الأوروبي والامريكي.

بختلف مع حضرتك في موضوع التقفيل دة...دة تصميم عربية هو اللي بيحدد ثباتها على السرعات وفي مختلف الظروف.

ولعلم حضرتك احنا هنا في أمريكا فيه كل الكوري KIA و-HYUNDAI فيه ال-elantra والاوبتيما وال-rio و-forte إلي هي cerato و-accent وحتى ال-chevrolet aveo و-optra بأسامي ثانية.

كل اللي بيفرق هو مواتير أكبر شوية وكماليات. لكن وسائل الأمان والثبات هي هي بصفة عامة...طبعاً فيه إستثناءت.

وزي ما فيه الكوري فيه بردو حاجات عالية...وكل برغوت على قد دمه.


تحياتي يا باشا

[hugan]

الاسبرانزا بجميع فئاتها
عدا 1300
ممتازه جدا في ثباتها

[S O P H O S]

كلام 10/10

[semi]

الاسبرانزا بجميع فئاتها
عدا 1300
ممتازه جدا في ثباتها

اعرف واحد من سبرانزا بيقول ان شركة شيري بتنزل عربيات وهمية
عربيات بتنافس فعلا بيقول حاجات خيالية في بيجي منها بمصر عشان العرض بس مش للبيع
وان العلامة اللي بتنزل باسم سبرانزا في منها عربيات كويسة جدا
وفي عربيات اي كلام عشان التلكفة تقل

أنا متفق معاك في موضوع ثبات الأوروبي والامريكي.

بختلف مع حضرتك في موضوع التقفيل دة...دة تصميم عربية هو اللي بيحدد ثباتها على السرعات وفي مختلف الظروف.

ولعلم حضرتك احنا هنا في أمريكا فيه كل الكوري kia و-hyundai فيه ال-elantra والاوبتيما وال-rio و-forte إلي هي cerato و-accent وحتى ال-chevrolet aveo و-optra بأسامي ثانية.

كل اللي بيفرق هو مواتير أكبر شوية وكماليات. لكن وسائل الأمان والثبات هي هي بصفة عامة...طبعاً فيه إستثناءت.

وزي ما فيه الكوري فيه بردو حاجات عالية...وكل برغوت على قد دمه.


تحياتي يا باشا

كلامك جميل جدا اكيد طبعا حتى في امريكا في عربيات ممتازة وعربيات اقل
لكن مينفعش تلاقي مثلا عربية نازلة امريكا بتقفيل اقل جودة من نفس الماركة في المانيا مثلا
قيس بنفس المقياس بقى على الفيرنا مثلا شوف تقفيل الفيرنا الخليجي وتقفيل الفيرنا بتاعة مصر
فرق شااااااااسع ولما تحسبها حتى بعد اضافة الجمارك تلاقي نفس السعر بمصر
ده كل ده ومش اتكلمت على عوامل الامان بس هي لا موجودة في الخليج ولا عندنا
ونفس الكلام ينطبق على الصني مثلا او اللوجان وعربيات كتير كده
حتى ان العدوى انتقلت دلوقت لموديلات محترمة زي بتاعة اللانسر

[sniperwolf]

فعلا ياباشا موضوع الثبات بيفرق جداااا وخصوصا كل الالمانى والامريكى ثباتة عالى انا مش بعرف اسوق عربيات كورى و يابانى بسبب الموضوع دة وربنا يكفينا شر الطريق بقى

[Eng.Geo]

slalom test
هو ده اللي يجيب من الأخر
انت كلامك سليم جدا

[eng.m7md.ali]

شكراً على المعلومات :

طيب، ما هو اللفظ الذى نطلقه لنعبر عن الحالة الآتية:

في عربية لما تركبها وتجيب بيها 100 كم/ ساعة تحس انك راكب مرجيحة وعمال تتهزهز لدرجة ان اللى راكبين معاك من غير ما يشوفوا عداد السرعة، يتخضوا ويقولوا لك هدى شوية.

وفيه عربية تانية تجيب بيها 150 كم/ ساعة من غير ما تحس من كتر هدوء العربية واستقرارها ، واللى معاك مايحسوش بالسرعة.

لو عاوز أوصف الميزة اللى فى العربية التانية أقدر أقول عليها ايه؟

بالنسبة للحالة التانية
ده ممكن يكون الهوا في صالحك وممكن كمان يكون مش جاي في جنب العربية عشان كدة مش بتحس بمراجيح
كمان حالة العفشة وحالة الكوتش والجنوط عليها عامل مهم بالنسبة للكلام ده
انا شخصيا في عربيتي ثباتها كويس بردو بس مينفعش تتقارن بجولف او باسات مثلا بس بحس بالامان في حالة التفادي المفاجأ او الغرز
بس كاعربية عندي لما اجيب 150 احس ان في عواصف برة العربية وصوت الموتور عالي وكمان صوت الهوا يعني مفيش حاجة اسمها اني امشي بالعربية 60 مثلا واسرح الاقي نفسي 160 من غير مااحس .. الاصوات دي هتحسسك بالسرعة مفيش كلام في كدة طبعا
كل اللي يقول كدة للاسف بيوهم نفسه
الا لو كانت العربية خارقة وعزلها ممتاز جداً بحيث متحسش بصوت الموتور ده يبقى فيها كلام تاني

[El Prince]

أعتقد أن عوامل ثبات السيارة كثيرة و هى :
* وزن العربيه و توزيعه
* نوع العفشه
* الكاوتش ( مقاس + ترصيص + زوايا + حالة )
* تصميم السياره و ديناميكيه مقاومة الهواء

[Formulator]

مفهومى الشخصى للثبات:
لو هنتكلم بس عـ السرعات العالية 120/160-180 ولحد الـ200 كم/س..

- لما أدخل الملفات المتوسطة على 120 مثلا مع تثبيت زاوية الدركسيون.. العربية ماتخرجش من الحارة بتاعتها.
(ونفس الكلام لو خدت ملف حاد شوية على 80-100، عـ الأقل الظهر/الشنطة ماتلعبش منى.. ولا العربية تـUndersteer)،
ولا البودى يـRoll أو يعمل Lean عكس زاوية الملف.. ماتميلش منى فـ الملفات.

- لما أخد غرزتين-3 (مش قطم يعنى) على سرعات 140/150.. ماتعومش ولا أسمع صرخة العجل عـ الأسفلت والعربية تميل منى..؟!!
(أو حتى غرز وManoeuvres قطم أو غرزة ضيقة إفترا يمين-فـ-شمال على السرعات دى.. وعومت سنة منى، أقدر ألمها وماتعرضش منى وأفضل متحكم فيها دركسيون وفرامل).

- لما آخد مطبات الهواء على سرعات 120-160 العربية ماتنطش منى والظهر يلعب.. وتروح منى كده أو الإتزان يتغير..؟؟!!!
(يعنى الدامبرت-المساعدين تـCompress وماتعملش Rebound إلا لما مطب الهواء يعدى.. يعنى العربية تنزل مطب الهواء ماتطلعش بسرعة)؟!!

- لازم الدركسيون يثقل كل ما أزود السرعة وإستجابته تقل، وأحس إنى محتاج أبذل باور أكثر عشان أعمل Steering..
(وأحب أوى العربيات اللى توطى عـ الأرض وعفشتها تنشف كل ما السرعة تعلى.. يعنى ثباتها يزيد وتكلبش فـ الأسفلت، تحس ان فيه حاجة بتشدها لتحت.. ممغنطة كده).

- ولما أتفاجىء بحاجة قدامى مرة واحدة.. وأضرب فرملة Lock من على سرعة عالية.. لازم سرعتى تنزل بسرعة وأحس ان الفرامل بتشدنى لورا،
(وكمان الدركسيون يفضل ثابت.. والعربية تكمل Straight track ماتحدفش منى يمين أو شمال مع الفرامل)؟؟!!!



Rgds،