عمي عايز يشتري عربيه مضاده للرصاص !!!

[Screenplays]

عمي ده عضو كان عضو مجلس شعب سنه 2009

المهم كان مسافر لحاجه في الشغل تقريبا

و هو راجع طلع عليه شويه عيال بسلاح و كانوا سايقين نص نقل

حاولوا يوقفوه مرضاش يقف

قاموا ضاربين نار فقام مطلع مسدسه و رد عليهم

انا معرفش التفاصيل بالظبط

بس اللي اعرفه ان صاب واحد فيهم و عربيته اكلت كام رصاصه

بعد ابلاغ البوليس الظريف و و و متوصلناش لحاجه مهمه

المهم فلتله اهرام السيارات

اتلاقيت حته مرسيدس مضاده للرصاص تبع سفاره مدغشقر باين

السؤال هنا

هل اي مواطن عادي ممكن يشتري عربيه من النوع ده ؟

و هل في اجراءات غريبه او فلوس زياده بتتدفع في المرور ؟

[Elawany13]

لازم مرسيدس ؟؟
مينفعش رولزرويس
شوف آخر مشاركة فى الموضوع

http://www.nilemotors.net/Nile/234587-a-2.html

[ahmedelzeeny]

بيتهيألى انه عادى لان العربيه المضاده للرصاص بتيبقى زى العاديه الفرق ان الزجاج مقوى ضد الرصاص والبودى اقوى يعنى سمك الصاج بيكون اكبر من العادى
انما اللى مش قانونى وبيتعمل عليه مشاكل فى المرور البروز زى الديفندر
ولمعلوماتك ان الرصاص العادى حتى لو اخترق الصاج الرصاصه بتقع بعدها اللى ممكن تعمل مشكله لو رصاصه كبيرة زى بتاعه القناصه او لو العربيه بتتغربل بالالى (المعلومه دى شفتها ع الوثائقيه)

[hugan]

سؤال خارج الموضوع ياسكرين
عمك كان عضو مجلس شعب سابق
عن ايه
وطني
ولا احزاب اخري
ولا مستقل
انا واثق فيك انك هاتقول الحقيقه

[Screenplays]

عمي كان حزب وطني بس استقال بعد مهزله 2010 و هو اصلا راجل ملتحي و كان عايز ينتخب ابو اسماعيل و كمان كان عامل بوسترات و بانرات علي حسابه بس بعد استبعاد ابو اسماعيل انتخب مرسي في الجوله الاولي و في التانيه برضه

متستغربش لان انا زيك برضه مستغرب و عمره ما رد علي تساؤلاتي ابدا

علي فكره انا اعرف ناس كتير من الحزب الوطني و ناس محترمه جدا و مكنش عاجبهم اللي حاصل في البلد و انا شخصيا كنت بظبط اني اخد عضويه في الحزب و لكن قامت الثوره و كله راح في الكلاتش

[mdogs1979]

عمي كان حزب وطني بس استقال بعد مهزله 2010 و هو اصلا راجل ملتحي و كان عايز ينتخب ابو اسماعيل و كمان كان عامل بوسترات و بانرات علي حسابه بس بعد استبعاد ابو اسماعيل انتخب مرسي في الجوله الاولي و في التانيه برضه

متستغربش لان انا زيك برضه مستغرب و عمره ما رد علي تساؤلاتي ابدا

علي فكره انا اعرف ناس كتير من الحزب الوطني و ناس محترمه جدا و مكنش عاجبهم اللي حاصل في البلد و انا شخصيا كنت بظبط اني اخد عضويه في الحزب و لكن قامت الثوره و كله راح في الكلاتش

تمام ,,نتقابل على خير بقى فى ,,منتدى أحـــــوال الشــــارع المصـــري

لا حول ولا قوه الا بالله

[Screenplays]

لازم مرسيدس ؟؟
مينفعش رولزرويس

هو انا بقولك عمي ده يبقي بيل جيتس ؟

تمام ,,نتقابل على خير بقى فى ,,منتدى أحـــــوال الشــــارع المصـــري
لا حول ولا قوه الا بالله

بتقول كده ليه ؟

[ramyhekal]

اولا واخيرا الستر من عند ربنا لو تخيلت حتى ان عربيته مضاده للرصاص وهم عايزين يوقفوه برضو هايوقفوه ب 100 طريقه حاول متخليهوش يكبر الموضوع ويجيب عربيه ضد الرصاص والكلام ده معاه سلاحه فى جيبه وعربيته مقفوله وما يقفش لحد وربنا يستر طريق الجميع

[Screenplays]

لا هو مصمم و انا مشجعه الصراحه لان نفسي اشوف حوار ضد الرصاص ده بعيني

[Land_Cruiser]

لو عايز يجيبها عادى و هتبقى استعمال سفارات او رجال اعمال و احتمال كبير يكون فيها اوبشنز ازيد من الموديل العادى منها و اكيد اغلى بكتير بس فى الاغلب الناس بتجيب معاها عربيات حراسه لانها اقوى من العربيات العاديه لكن لحد معين انما مش دبابه يعنى

[fourseasons]

بص يا برنس انا شوفت حوار كده ان فى ورق لزق شفاف ذى العازل الحرارى كده ضد الرصاص كان فى ناس عارضينه على ال facebook من قترة كده وكانو حاطين فيديوهات للزق ده و كمان لو كاوتش runflat يبقى كده تمام وفى الأول وفى الأخر الأمن عند الله ده اللينك بتاعهم

https://www.facebook.com/911suez?ref=ts

[Screenplays]

فى ورق لزق شفاف ذى العازل الحرارى كده ضد الرصاص

ازاي ورق و ضد الرصاص ؟

[hexll]

فعلا الواحد بقى يخاف يمشي فى الطرق المقطوع ليل ونهار
حاجة بقت تقرف
وبلد بقت تقرف
نفس الى حصل مع خالك حصل معاية بس من غير ضرب رصاص والعربية كانت حتتسرق بس ربك سترها
انا مش عارف الحال حيبقى كويس ولا حتفضل كدة
لان العيب فينا احنا
شعب 25 % منة بلطجية !

[Screenplays]

25 % بس ؟ قول 95 % و ال 5 % الباقيين بيفكروا يبقوا بلطجيه تماشيا مع الذوق العام ههههههههههههههه

[cvt2008]

قصدك تماشيا مع الموضة



فينك يا سكرين مفيش مرة تغلط وتسأل عليا