خلاص..ماحدش بيلبس الحزام في مصر غيري انا

[ecybrarian]

هو في ايه؟؟؟ خلاص ماحدش بيلبس الحزام في مصر خالص ولا ايه!!!! ولا في داخل المدينة ولا في طرق السفر..هو القانون اتلغى ولا ماحدش اصبح ملتزم..طيب لو مش قانون، خليها علشان الامان..وخليك في الامان يا مان والبس الحزام

[Screenplays]

انا مبعرفش اسوق بسببه نهائيا

[mem]

هو فعلا امان بس كثيرا منا لا يقوم باستخدامه
على الرغم من اهميتة الكبيره اذا حدث حادث يا قدر الله
اشكرك على التنبية والنصيحة

[chato_eg]

أنا لسه بألبسه .. أصبحت عادة ...

[mahmoud_afifi]

انا مبعرفش اسوق بسببه نهائيا

انا مابعرفش اسوق من غيره نهائيا.
حتى لو مشوار 100 متر

[mody3on]

انا بقيت متعود عليه لو همشي بسرعة فوق 40 لازم اربطه
خصوصا ان العربية مفيهاش ايرباج يعني اي خبطة هلبس جامد :)

[dfdfdf]

لبس الحزام اصبح عادة عندى

[dede_dodo88]

أنا بلبسه على طول بتلقائية أول ما أدخل أي عربية حتى لو واخد تاكسي,
و سواقين التاكسي بتستغرب و كذا واحد يقولي متقلقش من المخالفة, فبقوله ده للأمان حضرتك مش عشان المخالفة..
و الكويس في عربيتي أن لما حد بيركب جنبي و ميربطش الحزام العربية بتعمل صفارة مزعجة فأجباري كمان اللي يركب معايا يربط الحزام..

[MohammedAladel]

أنا بحب ألبسه دايما وبيخلينى خصوصا انى مش ببقى قاعد على بعضى وانا سايق أقعد اتحرك كدا وكدا ومش بركز غير لما ألبسه بيكتفنى مكانى ومريح برضه مش بضايق منه ولاجاجة لكن اللى يمشى ع الزراعى يبقى جمبه الابراهيمية على طول لو لابس الحزام ووقع فى المياه مش هيعرف يتصرف

[mhmdalsaadany]

طبعا الحزام امان يا دكتور جزاك الله خير والله ليك وحشه يا دكتور مش هنشوفك بقى ولا ايه

[shaddadfalcon1]

بلبسه بمجرد اني ادور العربيه ومن غيره بحس اني عريان في العربيه مش عارف ليه

[nouranwar]

اتعودت عليه خلاص و دايما لابسه بس ساعات لو المشوار بسيط و بنزل و اركب و كده مبلحقش

[yoko]

أنا أول ما بركب بربطه قبل ما أدور حتى
ول طنشت (عمري ما بنساه) العربيه بتقعد تشتمني وتشتم الي جمبي كمان لو مربطوش لحد ما هتحطة غصب عنك (التنبيه مش بيفصل إلا لو ركبت الحزام حتى لو سقت ربع ساعة)

[Sehsss]

ما بحبوش وما بعرفش أسوق وأنا لابسه

[mrghost]

الحزام امان طبعا وبإذن الله هعود نفسي عليه ومبخليش حد من اخواتي يركب جنبي الا ويلبس الحزام