خلاصة القول في السوق المصري ومساعد العربية الافضل

[semi]

السلام عليكم ورحمة الله

نزلت امبارح عشان اشتري مساعدين للعربية وكنت محتار اشتري اي نوع
كعادة اي حد نازل يشتري مساعدين لعربيته
ووصلت اخيرا للقول الفصل في الموضوع
لان في مواضيع كانت بتتفتح ويكون فيها مئات المشاركات عشان نوصل لرأي ثابت
ان النوع الفلاني هو افضل نوع ويستحق شراءه
فبعد دوخة اكتر من ساعة في شمس الظهيرة الحارقة وصلت للتالي
>
>
>
>
>
>
>
السوق المصري مضروووووووووووووب
ولامم زبالة العالم كلها وحاططها في مصر
لاما ماركة مقلدة او ضاربين علامة تجارية او ضاربين بلد الصنع
او ان الشركة بتنزل ازبل درجة عندها لتجارنا
فانا قربت اتجنن خلاص هل العيب فينا بنسترخص فالتجار بيجيبوا لنا الرخيص
عشان يبيعوا ولا التجار الحرامية بيجيبوا السلعة الزبالة بسعر بخس عشان يحققوا اكبر مكسب ممكن
ولا هي شركات قطع الغيار انضمت الى عصر العولمة وبدأت في تخفيض كفاءة المنتج للمنافسة على السعر

من كتر النصب بتسأل على الشئ تلاقي كذا سعر ويقولك ده تايواني وده ياباني وده كوري
وبيبقى عندي صوت من جواي يقولي السوق المصري كله sponsored by china
وبمسك الحاجه في ايدي مش بلاقي غير زبالة مدفعش فيها ربع السعر المطلوب
لدرجة ان لو في تاجر عايز يجيب حاجه كويسة هيبطل بسبب ان الزبون هيروح يشتري
العلامة الارخص اللي هي مضروبة اصلا بسبب فرق السعر الكبير
حرام لما اشتري مساعد بمبلغ 800 جنيه عشان اركبه ومبقاش راضي عن النتيجة ابدااااا
والمساعد من نوع kyb المفترض انه اصلي ومتأكد مليون في الميه
والانواع الاخرى كمونرو اداءها ليس افضل من الkyb لانها غاز فقط ومخصصة للسيارات الرياضية
كنت بدور على مساعد يخلي العفشة ناعمة عشان الواحد يعرف يمشي في الشوارع الزقت دي
وحاولت في موضوع الاستيراد ناس حذرتني وقالتالي استيراد يبقى صنايعي اللي يجيبلك الحاجه

المهم اني كلمت الصنايعي اللي ركب الحاجه قولتله انا حاسس ان المساعد اللي جيبه ده زبالة
وانه المفروض احسن حاجه في السوق
قالي ياباشا المساعدين كلها بنت .... :)
البضاعة كلها مضروبة من فترة في السوق خصوصا من بعد السيبان بتاع الثورة
وانا عن نفسي مصدقه لاني عشت ده بنفسي اليومين اللي فاتوا

اعتذر اني طولت عليكم واعتذر لتكرار كلمة زبالة لكن ملقتش كلمة معبرة تانية
الموضوع نقاشي عن السوق المصري عامة وليس المساعد خاصة

[abou-yahia]

المساعد عنصر من عناصر اداء الغفشه ككل

انا وصلت لحاجه ترضيني شخصيا متجربه في عربيتين لغايه دلوقتي

المساعد المونرو مساعد حمال قسيه بجد

لاكن هوه ناشف

علاجه الكاوتش

ركب كاوتش ياباني وانت تبقه مبسوط بنسبه كبيره

وشكرا

[mazagngi2010]

لسه جايب توكيكو من 3 ايام 730 جنيه :( محفور فيه انه يابانى -بس الفار بيلعب فى عبى - والاداء ممتاز لحد دلوقتى وربنا يستر وميضربش

[atala]

متابع باهتمام ايه النوع الي يخلي عفشة العربية طرية مش ناشفة علي الطريق

[HAITHAM1985]

عندك كل الحق بس ما باليد حيلة

[HAITHAM1985]

بصوا فى معادلة لازم تتحقق

عفشة رياضية وبس >>>>>> يعنى أداء يتحمل لكن نااااااااااااااااااااااشف جدا

عفشة رياضية + كاوتش محترم بمعنى محترم >>>>>>> يعنى أداء رائع ومرضى

الكثيييييييييييير لا يعرف ذلك ومن يعرف لا يقتنع

كل الــ configurations فى العربية مرتبطة ببعض خصوصا نظام التعليق وقاعدة العجلات

[drmagieed]

هما المساعدين الغاز فقط للسيارات الرياضية!!!!!!!!! دة أنا لسة جايبهم خلفي لعربية أفيو نوع إنجليزي إسمه Abesta دة كدة غلط لأني حاسس إنه ناشف قوي؟؟؟؟؟؟؟؟؟؟؟؟

[mazagngi2010]

بصوا فى معادلة لازم تتحقق

عفشة رياضية وبس >>>>>> يعنى أداء يتحمل لكن نااااااااااااااااااااااشف جدا

عفشة رياضية + كاوتش محترم بمعنى محترم >>>>>>> يعنى أداء رائع ومرضى

الكثيييييييييييير لا يعرف ذلك ومن يعرف لا يقتنع

كل الــ configurations فى العربية مرتبطة ببعض خصوصا نظام التعليق وقاعدة العجلات

+11111111111
عربيتى قديمه بس ناعمه جدا وبعد ال 120 مكنتش ثابته حتى لو كان المساعدين كويسين
بعد ماغيرت السوست بتاعتها بسوست فيات 124 (ناشفه طبعا) وغيرت المساعدين بقت ثابته جدا وتجيب ال 160 من غير خوف

[MohammedAladel]

نعمل إيه بقى مهو مفيش رقابة على التجار

[Mohamd Hussein]

للأسف كلام حضرتك كله سليم

[ahma8]

متااااابع ...والعمل

[semi]

المساعد عنصر من عناصر اداء الغفشه ككل

انا وصلت لحاجه ترضيني شخصيا متجربه في عربيتين لغايه دلوقتي

المساعد المونرو مساعد حمال قسيه بجد

لاكن هوه ناشف

علاجه الكاوتش

ركب كاوتش ياباني وانت تبقه مبسوط بنسبه كبيره

وشكرا

مساعد المونرو اللي اكتشفته انه مساعد رياضي وهو من افضل المساعدين بالعالم
فمسألة انه ناشف في ناس بتحسبه ان ده عيب
اما مسألة الكاوتش اول مره اسمع عنها لكن معقتدش انه هيديني الاداء اللي منتظره
العربيات الجديدة بتنزل بمساعدين ممتازة زي الهيونداي مثلا المساعدين بتاعتها تحفة
لكن ده على حساب الثبات

لسه جايب توكيكو من 3 ايام 730 جنيه :( محفور فيه انه يابانى -بس الفار بيلعب فى عبى - والاداء ممتاز لحد دلوقتى وربنا يستر وميضربش

سمعت عن المساعد ده بس انت جبته منين؟؟
وهل المساعد ناعم على الطريق انا ركبت المساعد والعربية بترزع في المطبات

متابع باهتمام ايه النوع الي يخلي عفشة العربية طرية مش ناشفة علي الطريق

حتى الان مفيش :)

بصوا فى معادلة لازم تتحقق

عفشة رياضية وبس >>>>>> يعنى أداء يتحمل لكن نااااااااااااااااااااااشف جدا

عفشة رياضية + كاوتش محترم بمعنى محترم >>>>>>> يعنى أداء رائع ومرضى

الكثيييييييييييير لا يعرف ذلك ومن يعرف لا يقتنع

كل الــ configurations فى العربية مرتبطة ببعض خصوصا نظام التعليق وقاعدة العجلات

انا بتكلم عن افضل اداء لامتصاص الصدمات قد تكون الرضا عن نتائجه مختلفة من شخص لاخر

هما المساعدين الغاز فقط للسيارات الرياضية!!!!!!!!! دة أنا لسة جايبهم خلفي لعربية أفيو نوع إنجليزي إسمه abesta دة كدة غلط لأني حاسس إنه ناشف قوي؟؟؟؟؟؟؟؟؟؟؟؟

ايوه الميزة انه بيعطيك ثبات اكبر على السرعات العالية وده على حساب امتصاص الصدمات

للأسف كلام حضرتك كله سليم

اشكرك يافندم وانا حاسس ان الناس سابت الموضوع الاساسي وراحو لموضوع المساعدين
الموضوع الاساسي هو السوق المصري اصبح في خطر
وده للاسف اصبح في كل السوق المصري مش لقطع غيار السيارات فقط
الحاجه بتنزل بدون وجود ادنى معايير من الرقابة
ونفسي يعتقونا من شئ اسمه جمارك اللي كانت نتيجته بالنهاية ان زبالة العالم بتدخلنا

[Ahmed Nasser]

انا للاسف محتاج 4 مساعدين وخايف من الجديد والاستراد
الجديد مضروب والاستراد خلع

[semi]

انا للاسف محتاج 4 مساعدين وخايف من الجديد والاستراد
الجديد مضروب والاستراد خلع

مفيش مساعد عدل للاسف
لو عرفت تخلي واحد صنايعي يجيبلك استيراد هيكون كويس
او لاما هات مساعد مونرو وخلاص هو مساعد كويس وبيعمر
لان مساعد العربية مش عشان امتصاص الصدمات بس ده كمان عشان توازن وثبات العربية
فخطر تمشي بمساعد بايظ