ايه هيه عيوب سيارنك

[hesham2004]

ايه ريأيكم ان كل واحد يقول ايه العيوب الفنية او التصميمية ( مش اعطال ) الى فى عربيته الى بيستعملها ( مش عربية غيره ). الهدف من ده هو ان الى عاوز يشترى عربية سواء جديدة او مستعملة بيبقى عاوز يعرف ايه الى مش عارفه و مستخبى من عيوب العربية ، لأن الى بيبيع عربية ما يذكرش الا المميزات و الأمكانيات بس ،
طبعا انا عارف انه صعب ان الواحد يذكر عيوب عربيته خاصتا لو كان بيتفاخر بيها و بامكانياتها ، و بيحس انه لوذكر عيوبها كانه ذكر عيوبه شخصيا . بس ياريت نحاول عشان الفايدة تعم علينا كلنا لأنى النهارده بشترى و بكره ببيع و بعده بشترى تانى و هكذا ، و ياريت لو نجحت الفكرة نبقى نجمع العيوب بتاعات الماركة الواحدة و الموديل ، و نحطها فى فولدر واحد و تبقى دليل للشراء . و لو حد من الزملاء عنده اضافة او تعديل للموضوع ده يتفضل و يفدنا .
ح بدأ بنفسى و أذكر العيوب الى فى عربيتى :
نيسان تيدا
2008
اوتوماتيك 1600 سى سى
مع السرعة العالية ( 160 ) صعب السيطرة عليها
الزجاج الخلفى صغير ما بتقدرش تشوف الى وراك فى حالة الرجوع للخلف خاصتا لو كان السائق قصير . ( على فكرة انا طويل شوية )
الأكصدامات طرية شوية يعنى شوية ضغط بياثرو فيهم

فولكس باسات
2007
ستيبترونيك 1600 سى سى
موتور ضعيف على العربية و لازم تستعمل بنزين 95
تكييف مش اد كده
نور لوحة العدادات بيضايق فى السفر

و لو اكتشفت حاجة تانية ح اضيفها

[islambana]

كان في موضوع زي ده معمول ومحدش شارك فيه بعد اذنك ممكن نعمل النموذج ده بحيث يبقي المطلوب من العضو انه ينسخ النموذج ويملاه ويكتب تعليقه في الاخر

النوع وتاريخ الصنع:
بلد المنشأ:
بلد التجميع:
سعر السيارة:
تاريخ الشراء (المستعمل):
قوة المتور(عدد الأحصنة):
سعة المتور:
العزم:
السرعة القصوى:
العفشة والمساعدين:
نعومة السيارة:
مقاس العجل:
مدى الثبات(ثابتة لحد سرعة كام):
مدى قوة الفرامل:
توافر قطع الغيار:
مدى عزل كابينة القيادة:
الاعطال:
(الكماليات)
التكييف:
الpower:
السنتر لوك:
الزجاج الكهربائى:
فرامل ال abs:
فرامل ال ebd:
الكاسيت:
السماعات:
كماليات إضافية:
مواقع متعلقة بالسيارة:
الإنطباع العام:
هل أنت نادم على شراء السيارة أم سعيد:


أخوانى الأعزاء المطلوب منكم إنكم تخدوا النموذج الفات كوبى فى أى مشاركة لتشاركوا بخبراتكم...وأرجو الالتزام بهذا النموذج والتعليقات الإضافية بعد ملأ هذا النموذج والله هذا ليس تسلطا برأى ولا تعسفا..ولكن عشان الموضوع يكون منظم وسهل ويكون مرجع حقيقى....ملاحظة هامة جدا:أرجوا يا جماعة إن محدش يبخل بتجاربه وخبراته فى أى عربية من اول 126 لحد مايبخ وبورش...ولو فى بند إنت مش عارفه بكل بساطه سيبه ولو فيه بند عايز تزوده فى الاخر برده مفيش مشكلة ..وأى خبرة حتشارك بيها وتنفع عضو حتكون فى ميزان حسناتك إن شاء الله
ملحوظه النموذج ده منقول

[فادى]

السيارة نصر شاهين 1600:
العيوب:
صوت المحرك مرتفع , و ذلك يعطى احساس بالقوة و لكنه مزعج فى الوقت نفسه.
عتلة تبديل السرعات شديدة القسوة و الخشونة.
مقود يفتقد للدقة بعض الشىء.
التكييف ضعيف بالنسبة للجالسين فى الخلف.
ثبات سىء على الطرق السريعة بعد ال120.
استهلاك مرتفع نسبيا للوقود.

[MaaG]

لانسر 2003 1300cc أوتوماتك
العيوب :
الفتيس الأوتوماتك في ال 1300 بيموت السيارة من ناحية السحب ، و استهلاك عالي للوقود بالمقارنة بالفتيس العادي لنفس الفئة
و العيوب دي لم ألاحظها في ال 1600 أوتوماتك ( ما عدا استهلاك الوقود ) .

عيب آخر ( من وجهة نظري ) و هو تصميم كبوت السيارة ، لأن أي خبطة في وش السيارة بتعوج على طول شفة الكبوت ( و تخليه يفرق ) ، و دي صعب جدا إنها ترجع زي الأول أنها متوصلة بعضم الكبوت .

[hesham2004]

شكرا يا اسلام على تنقيح الموضوع و مشاركتك ، و الفورمة الى انت مقترحها شاملة و حتدى تصور كامل عن تقييم العربية .
فادى ، MaaG ، شكرا على المشاركة

[islambana]

شكرا يا اسلام على تنقيح الموضوع و مشاركتك ، و الفورمة الى انت مقترحها شاملة و حتدى تصور كامل عن تقييم العربية .
فادى ، MaaG ، شكرا على المشاركة

العفو ياباشا وده اقل واجب