اتصرف ازاي في المواقف ازاي

[hpxp]

اولا انا بعتذر عن عدم ردي للمواضيع نظرا للامتحنات والدروس فاعذروني
انا بسوق بقالي 5 سنين لكن يقالي سنه خابط فيها العربيه 3 مرات(حكات) وامبارح كانت الرابعه( لبست في عربيه) المهم وقفت واعتزرت لاني كنت غلطان فعلا الي حصل اني طلععت من البارك ومشيت علي طول بوطي اشغل التكيف لقيت لمبه التشيك منورة اتخضبيت ركزت معها لثايه بالظبط وسمعت احلي بوم ونطيت علي الفرامل والتيل مكنش مطبع فالراجل خد بوسه الله اكبر ياساتر يارب نزلت بصيت علي عربيه الراجل الاول ان فيها خربوش بسيط المهم قعد يهبهب وانا اعتذر لاني معايش رخصه فعايز الم الموضوع والمهم قالي كلمه فقعت مرارتي (قالي لولا انك كنت محترم انا كنت بهدلتك وبطلوا جري بقي قلتله والله مكنتش جاري قالي لاء دي جري ) قصرت الشر ودخلت العربيه وسايب حوالي 2 متر بيني وبين الي قدامي
هوا بقي المفروض اعمل ايه في المواقف دي لانها ابتدت تحصل وبقيت بخاف بقي وكفايه انك تستحمل كلام من الي يسوي و من الي ميسواش
وطبعا مروحتش علي طول روحت المغسله واشتريت كمبوند وظبطها علشان الحج ميخدش خبر وعدلت النمرة بس رقم 7 في العربيه اتمسح عملته واتمسح وانا في المغسله فعايزله حل
وشكرا ليكوا

[semi]

التصرف الوحيد انك تستحمل نرفذة اللي ادامك
لانه ممكن يكون من النوع اللي بيخاف على عربيته من الهوا الطاير
وتيجي انت تخبطها خبطة ملهاش اي لازمة
فبيبقى نازل محروق دمه فلازم تستحمل اي حاجه يقولها لانه بصراحة عنده حق

انا حصل معايا موقف مشابه بس كنت راكب عربية فراملها ضايعة تقريبا
ودخلت في عربية تقريبا كده صاحبها لسه مستلمها من المعرض :)
والعربية كانت بتلمع وخبطها خبطة وقعت الكبوت
انا نزلت منطقتش كلمة وقعد يتكلم كتير الراجل وفي الاخر مشينا

[Screenplays]

اولا متمشيش من غير رخصه

ثانيا انا حاسس انك ضعيف في السواقه

[exact]

مع احترامي الفائق حضرتك اللي غلطان من الاول للآخر

[alaamousa]

حضرتك اللي غلطان وكتر خيره الراجل انه عفا عنك

[Abo.Omar]

قبل ما تنزل تكون متحكم فاعصابك بدرجه كبيره لان لو اتنرفزت واعصابك فلتت ممكن تكبر المشكله والله اعلم ممكن تكون المشكله مع واحد عربجى من اللى بيسوقوا الميكروباصات ويتصرف تصرف انت فى غنى عنه
الكلام دا سواء انت اللى خابط او مخبوط
وربنا يسترها على الجميع

[aly_moh]

بص ياباشا كل اللى بيسوق اتعرض

[shaddadfalcon1]

بسيطه ياريس
متسوقش الا لما تبقي بتعرف تسوق كويس وبتعرف تركز كويس ومتشغلش نفسك باي حاجه تانيه غير الطريق ولو عايز تعمل حاجه اقف علي جنب واعملها لكن اوعي عينيك تبص علي مكان تاني غير الطريق والعربيه ماشيه

المره دي خبطت في عربيه ممكن لاقدر الله كان يبقي طفل ماشي جنب والدته وكنت تدوس عليه ساعتها مممكن انت تموت نفسك قبل مااهله يموتوك

[mado83]

لو بقالك مليون سنه بتسوق معرض ان يحصل حاجه زى دى ولكن الاهم تحلى الصبر
ولو حد شتمك ياعم قوله ماشى ماشى علموك كده ف بلدك تشتم وخدها بتريقه لانك لو هتتخانق مع كل واحد يانهار ابيض دانا ساعات بحس ان الناس مبرشمه كلها مره واحده

[aly_moh]

بص يا باشا كل اللى بيسوق اتعرض للمواقف زى دى و يمكن اكتر من كدا و فى مرات ممكن اللى قدامك لما يشوفك ساكت عشان غلكا ممكن يمد ايدية و حصلت كتر
و نصحيتى ليك

1- اول لما تدخل العربية تقول الدعاء .
2- تركز فى السواقة و قبل ما تمشى تربط الحزام .
3- لا قدر الله لو اتخبط تتطمن على اللى معاك فى العربية الاول و بعدبن تنزل تطمن على اللى فى العربية الثانية .
4- لو فى حد محتاج اسعاف او علاج لا تترد فى الاتصال بالاسعاف او اسطحابة للمستشفى
5- لو كل حاجة سليمة و جت فى الحديد اتكلم مع اللى قدامك بهدوء
6- لو انت غلطان اعتذر مرة واحد بس و بكل هدوء و ادب و اعرض علية انك تصلح العربية بتاعتة لو انت غلطان
7- لو اللى قدامك علا صوتة عليك اطلب منة بهدوء انة يتكلم كويس و ميعليش صوتة لانك ممكن تعلى صوتك انت كمان
8- لو حاول يمد ايدية او يتخانق اوعى تمد ايديك انت الاول و احذر منه ( فى ناس مجانين بتبقى شايلة صواعق و نفسهم يجربوها )

واخر حاجة متاحولش تتنزفز و تخلى اللى ادامك ياخد للسكة دى و خليك هادى و لو الموضوع تطور اتصل بالشرطة

[Elawany13]

حضرتك اللي غلطان وكتر خيره الراجل انه عفا عنك

1111111111111111

[hpxp]

مع احترامي الفائق حضرتك اللي غلطان من الاول للآخر

شكرا ليك يا بشا وانا عارف علشن كده كنت عايز اعرف طريقه التصرف بس

حضرتك اللي غلطان وكتر خيره الراجل انه عفا عنك

شكرا لردك والي جراله خربوش بس وشكله قديم اساسا

قبل ما تنزل تكون متحكم فاعصابك بدرجه كبيره لان لو اتنرفزت واعصابك فلتت ممكن تكبر المشكله والله اعلم ممكن تكون المشكله مع واحد عربجى من اللى بيسوقوا الميكروباصات ويتصرف تصرف انت فى غنى عنه
الكلام دا سواء انت اللى خابط او مخبوط
وربنا يسترها على الجميع

لا انا كنت ماسك اعصابي اوي اوي قبل كده اتخبط في الاكصدام الادماني الي هي رقم 3 الرجل قالي اسف سكت شويه قلتله ولا يهمك وكل واحد مشي

بص ياباشا كل اللى بيسوق اتعرض

عرف يابشا وشكرا

بسيطه ياريس
متسوقش الا لما تبقي بتعرف تسوق كويس وبتعرف تركز كويس ومتشغلش نفسك باي حاجه تانيه غير الطريق ولو عايز تعمل حاجه اقف علي جنب واعملها لكن اوعي عينيك تبص علي مكان تاني غير الطريق والعربيه ماشيه

المره دي خبطت في عربيه ممكن لاقدر الله كان يبقي طفل ماشي جنب والدته وكنت تدوس عليه ساعتها مممكن انت تموت نفسك قبل مااهله يموتوك

انا بعرف اسوق كويس اوي والحمد لله وبسافر كمان غير اني معلم علي ميجان وكارينز والغرز والي اخرة وهوالي حصل بحكم ان العربيه دايرة لمبه التشيك بتنور فلما وطيت اشغل التكيف لقيت اللمبه منورة ركزت معاها لثانيه ورشقت المهم اني لما رجعت نسيت موضوع اللمبه دي ولقتها مطفيه
والحمد لله ربنا سترها المرة دي وانا عمري ما اجري في منطقه سكنيه اخري يوم ما اتمعظم 60

لو بقالك مليون سنه بتسوق معرض ان يحصل حاجه زى دى ولكن الاهم تحلى الصبر
ولو حد شتمك ياعم قوله ماشى ماشى علموك كده ف بلدك تشتم وخدها بتريقه لانك لو هتتخانق مع كل واحد يانهار ابيض دانا ساعات بحس ان الناس مبرشمه كلها مره واحده

شكرا ليك يابشا وفعلا كلامك صح 4 سنين مبيحصلش اي حاجه خالص واجي في الخامسه اخرف الخرف ده وانا والله بحاول امسك اعصابي خصوصا لو انا الي غلطان لازم بعتذر

بص يا باشا كل اللى بيسوق اتعرض للمواقف زى دى و يمكن اكتر من كدا و فى مرات ممكن اللى قدامك لما يشوفك ساكت عشان غلكا ممكن يمد ايدية و حصلت كتر
و نصحيتى ليك

1- اول لما تدخل العربية تقول الدعاء .
2- تركز فى السواقة و قبل ما تمشى تربط الحزام .
3- لا قدر الله لو اتخبط تتطمن على اللى معاك فى العربية الاول و بعدبن تنزل تطمن على اللى فى العربية الثانية .
4- لو فى حد محتاج اسعاف او علاج لا تترد فى الاتصال بالاسعاف او اسطحابة للمستشفى
5- لو كل حاجة سليمة و جت فى الحديد اتكلم مع اللى قدامك بهدوء
6- لو انت غلطان اعتذر مرة واحد بس و بكل هدوء و ادب و اعرض علية انك تصلح العربية بتاعتة لو انت غلطان
7- لو اللى قدامك علا صوتة عليك اطلب منة بهدوء انة يتكلم كويس و ميعليش صوتة لانك ممكن تعلى صوتك انت كمان
8- لو حاول يمد ايدية او يتخانق اوعى تمد ايديك انت الاول و احذر منه ( فى ناس مجانين بتبقى شايلة صواعق و نفسهم يجربوها )

واخر حاجة متاحولش تتنزفز و تخلى اللى ادامك ياخد للسكة دى و خليك هادى و لو الموضوع تطور اتصل بالشرطة

شكرا ليك يابشا والحمد لله ربنا سترها جامد وفعلا انا بنفذ دائما الخطوة 1-2 لككن بحكم اني مكنتش بتعرض لخبطات فمش عندي خبرة لكن هي حجات بتحصل بشكل فوجائي علي راي والدي الحادثه بتحصل في ثانيه
وشكرا علي النصايح
بس سوال لو الموضوع كان كبر وانا ممعيش الرخصه ايه الي ممكن يحصل
وبالنسبه للنقطه 8 حد بس يجرب يتهور هركبه مكان سير الكاتيه او بالكلبش وفي راسه او معارفي بقي يبقي راح ورا الشمس

[hpxp]

التصرف الوحيد انك تستحمل نرفذة اللي ادامك
لانه ممكن يكون من النوع اللي بيخاف على عربيته من الهوا الطاير
وتيجي انت تخبطها خبطة ملهاش اي لازمة
فبيبقى نازل محروق دمه فلازم تستحمل اي حاجه يقولها لانه بصراحة عنده حق

انا حصل معايا موقف مشابه بس كنت راكب عربية فراملها ضايعة تقريبا
ودخلت في عربية تقريبا كده صاحبها لسه مستلمها من المعرض :)
والعربية كانت بتلمع وخبطها خبطة وقعت الكبوت
انا نزلت منطقتش كلمة وقعد يتكلم كتير الراجل وفي الاخر مشينا

اااااااااااااااااااااااااااااااااااااااااااااااااا ااااااااااااااااااااه والله الراجل صعب عليا
الحمد لله انها عدت معاك علي خير
وده الي عملته واول كلمه قلتها انا اسف وروحت اطمنت علي عربيته الاول
وشكرا ليك يابشا

اولا متمشيش من غير رخصه

ثانيا انا حاسس انك ضعيف في السواقه

معاك حق يا سكرين بس انا بصرف من 300 الي 350 جنيه تكسات مع امكانيه تخفيضهم ل100 او 150 لما اخد العربيه
والله ياسكرين يالنسبه للسواقه ال4 سنين الي فاتو مكنش بيجرا اي حاجه للعربيه بس السنه دي شكلي اتحسدت ولا ايه وبعدين بسافر بيها احيانا ومعلم علي 2 اصحابي فشد وغير لما بتطلب معايا بغرز وبعمل بلاوي ومع ذللك معظ الوقت مش بعدي ال120 لكن ساعت اما بنهبل 140 لكن بمسك علي كده

[AhMeD MeTwAlY]

باشا حضرتك غلطان والحل السليم الي انت عملته دا تلم الموضوع بس نصيحه حاول تركز انت راكب العربيه ومتحولش تشغل نفسك القياده تركيز
ومفيش غني عن الرخصه