مطلوب مكانيكى بيفهم فى الفيات الحديث فى اسكندريه

[misoalex]

عاوز مكانيكى فى اسكندريه يكون استاااااز ويكون بيفهم وشغال فى الفيات الحديث زى البونتو والبيترا والسيينا والحجات دى

ومحدش يقوللى احمد لانشيا بتاع نادى الصيد خاااااااااااالص عشان ليا معاه كذا قصه اخرهم اول امبارح ولو حكيت يبقى لازم يتحط فى القايمه السودا بتاعه المنتدى وش

[Medo.Malek]

يا فندم انت راكب مكوك فضائى ! و مش هايصلحه غير كائن فضائى
يا رب يظهر بقى لحسن وراه شغل كتيير اوى
ربنا معاك و معانا
و صباح الخير :)

[misoalex]

يا فندم انت راكب مكوك فضائى ! و مش هايصلحه غير كائن فضائى
يا رب يظهر بقى لحسن وراه شغل كتيير اوى
ربنا معاك و معانا
و صباح الخير :)

هههههههههههههههههه حلوه مكوك فضائى دى

والله العيب فى الصنايعيه اللى كرهو الواحد فى نفسه حتى فى ال 128 اللى بيقولو عليها سياره الشعب وبتاع واى صبى مكانيكى يصلحها والله كنت بعانى من الصنايعيه وغباؤهم واستهتارهم وخلافه

ميرضيش ربنا اروح اصلح عيب اروح بعيب كمان غير الاولانى وادفع من جيبى تمن غلط واستهتار حبه &^%^&*(^(^

[ahmad--ezzat]

اي ميكانيكي كويس يفهم فيهم

امال بقي الناس اللي معاهم لينيا وبرافو يعملوووو ايه

بالتوفيق

[misoalex]

اي ميكانيكي كويس يفهم فيهم

امال بقي الناس اللي معاهم لينيا وبرافو يعملوووو ايه

بالتوفيق

مهو انا بدور على المكانيكى الكويس ده ويفضل انه يكون شغال فى الفيات وايده فيها عشان يبقى فاهم فى الفك والتركيب لان لما واحد يبقى ايده فى عربيه معينه على طول بيبقى استاز فيها وفاهم مكان كل مسمار مش لسه حيجرب فيك زى محصل معايا من ناس المفروض انها اساتذه

وبعدين فيه مكانيكيه ومراكز صيانه كتييييييير بتبقى متخصصه يعنى مش بتشتغل غير فى الكورى او الالمانى او الفرنساوى وهكذا زى مركز الصيانه اللى انا كاتب اسمه فوق ده مش شغال غير فى فيات والفا روميو فقط

[amur1010]

الأستاذ خميس بيدور على ميكانيكى كويس وبيفهم والحمد لله وقعت فية بالصدفة
أسمه : محمد على قبل كلاسيك وأنت فى شارع مصطفى كامل رايح ناحية باكوس يعنى قريب من الأستاذ خميس علشان هو ساكن فى فيكتوريا :)
أنا روحتله ظبتلى الهبل اللى عملهولى أحمد لانشا

أنا عرفت اسمك علشان شوفت الموضوع بتاع الأستاذ نور اللى أسمه ( أسمع مبروك علشان جبت عربية سيينا 2002 ) ورديت هناك وكتبت تجربتى مع السيينا

فى رعاية الله

[misoalex]

الأستاذ خميس بيدور على ميكانيكى كويس وبيفهم والحمد لله وقعت فية بالصدفة
أسمه : محمد على :ta_clap[1]:قبل كلاسيك وأنت فى شارع مصطفى كامل رايح ناحية باكوس يعنى قريب من الأستاذ خميس علشان هو ساكن فى فيكتوريا :)
أنا روحتله ظبتلى الهبل اللى عملهولى أحمد لانشا

أنا عرفت اسمك علشان شوفت الموضوع بتاع الأستاذ نور اللى أسمه ( أسمع مبروك علشان جبت عربية سيينا 2002 ) ورديت هناك وكتبت تجربتى مع السيينا

فى رعاية الله

ربنا يخليك يا باشا انا رديت عليك هناك برضه الف الف شكر ليك جدا

[amur1010]

لا شكر على واجب يا برنس حضرتك تعب مع العربية دى أنا عارف
جية اليوم اللى تلاقى فية عبد فقير الى الله يعرف شوية معلومات يساعد بيها بعد ما لف السبع لفات ههههههههه

[misoalex]

لا شكر على واجب يا برنس حضرتك تعب مع العربية دى أنا عارف
جية اليوم اللى تلاقى فية عبد فقير الى الله يعرف شوية معلومات يساعد بيها بعد ما لف السبع لفات ههههههههه

هههههههههههههههه اكيد طبعا انت حاسس بيا الحمد لله انك جربت نفس مشكلتى معهاها وهى الصنايعيه الفتايين واللى عاملين نفسيهم فاهمين كل حاجه وهما ولا فاهمين اى حاجه

[amur1010]

جربت بكل أسف :(

[المهندس المصرى]

بعد اذن صاحب الموضوع وكرمه
انا بقى عاوز ميكانيكى وكهربائى سيارات ( صنايعية بجد وعلى حق ربنا ) للعمل بورشتى الجديدة بالتجمع الخامس بالقاهرة الجديدة