سؤال خطر على بالي...

[M!NA]

زي ما كلنا عارفين... العربيات يا إما جر أمامي أو دفع خلفي...

و الجر الأمامي بيعتمد على الكبالن و الدفع الخلفي بيعتمد على عمود الكردان و الكرونة...

و الدفع الرباعي بيكون فيه 2 كرونة.. واحدة أمامية و التانية خلفية ...

كل ده احنا عارفينه و ديه كلها معلومات أكيدة

طيب السؤال بأة

ليه العربيات الدفع الأمامي مفيهاش كورونة أمامية زي العربيات ال4x4؟!

[Xpert]

فيها ... بس انت مش واخد بالك ...

في الجر الامامي الموتور راكب بالعرض و الفتيس راكب جنبيه ... و الكرونه جوه الفتيس حته واحده (الكرونه اللي هيا الحته اللي طالع منها الكبالن) .... و دي لو فكيت الفتيس هاتلاقيها هيا هيا قلب الكرونه اللي بتبقي راكبه ورا ...

[M!NA]

يا عم بيشو... صباح الفل :)

منا عارف كرونة الفتيس...

اللي أقصده ليه مش زي اللي بتكون في ال4x4؟

يعني كردان طالع من كرونة الفيتيسر للكرونة الأمامية.....

[Xpert]

كده ابسط و احسن و بيوفر مكان و بيوفر تكلفه .. يبقي ليه يتجهوا لحاجه كومبلكس و تزيد من التكلفه ؟

[Dr.A.Nabil]

واحنا بس مالنا ومال الحاجات دي

ده كلام كبير اوي

[sab3aawy]

مافيش عربية فى الدنيا بدون كورونا، وإلا الفتيس هتيكسر فى اول ملف، او على الأقل الكاوتش هيصفر فى الأرض صفير يصحى الأموات

الكورونا فى سيارت الجر الأمامى موجودة بجانب الجير بوكس وهى اللى خارج منها عمودين الجر، فقط تم تصنيع الفارغة (العلبة المعدنية) الخاصة بها كقطعة من فارغة الفتيس لتوفير نفقات الإنتاج والتشغيل ، يعنى الفتيس والكورونا فى فارغة واحدة

بالمناسبة فان سيارات الدفع الخلفى ذات المحرك الخلفى مثل السيات 133 والفولكس بيتلز الكورونا بتاعتها ايضا هى قطعة من الفتيس