عباقرة مصر ( دولة متقدمة ) جدا

[MaaG]

لا تعليق بعد ما قيل

[tutankhamoun]

يا أستاذ ams
أنا مصري زيي زيك
و مصري زي أي حد موجود في الشارع
و إظهار المشكلة و الحقيقة هو بداية الحل
لأن للآسف معظم الناس في الشارع مش مصدقها إن فيه في مصر كارثة أسمها المرور المتلخبط
هما فاكرين السواقة كدا
كل واحد بمزاجة
كل واحد يعمل اللي هو عايزه
كل واحد و أخلاقه ( و للآسف الأخلاق بتنعدم تدريجيا )
بس و لما أنا أقول المصري كذا و كذا و كذا
ما هو الكلام بينطبق عليا قبل غيري
لأني مصري ابن مصري و أتربيت و أتعملت في البلد دي
و كل اللي نفسي أشوفه أن البلد تتغير قبل ما أموت و أشوفها بلد محترمة و عايش فيها ناس محترمة بتحترم بعضا البعض
مش ناس بتأكل في بعض و كل واحد ماشي بنظرية يلا نفسي

اللي بيركن زي الأعمة و شايف الخطين ........... و برضه بيتجاهلهم
يبقى ده تقول عليه أيه ؟؟
إنسان عديم الدم و المسئولية و متخلف و أناني لم يترك مكان أخر لغيره ليركن بجانبه بل أحتل مكان ثلاثة أو أربععربيات بركنته التي تدل على غبائه المستفحل

يا راجل ............ الكلام عام و ليس مخصوص لشخص بعينه
يعني كلام عام و لا أقصد به شخص بعينه إطلاقا و حاشى لله إني أغلط في حد
أنا ذكرت حقيقة ............ و من شدة آلمي و ما أراه يوميا من مضايقات و من من ؟؟؟
من أهلي و أهل بلدي ( المصريين )
محدش بيحترم وقفتي في طابور
و دايما نتخانق
و محدش بيحترم الطريق و اللي فيه
و كمان لو فتحت بقك تشتكي
تسمع ما لا يرضيك
عايزيني أقول أيه في الآخر ................ المصريين دول أجدع ناس ؟؟
و هما مش كدا ............
الرفق بنا يا سيدي الفاضل ............. الرفق

[ams]

معاك حق فى اللى بتقوله .
بس حاول تلتمس ليهم الاعذار , و دور على الناس المحترمه والله هتلاقى و تبقى الدنيا فيها امل .
و بأيدينا انا و انت هنخلى بلدنا احسن .

[hesham_tawfiq]

أحنا المصريين ............. على كلامك ........... و هو كلام حقيقي
شعب عايز المرزبة على طول و ينضرب بيها على دماغة علشان يمشي مظبوط
مفيش مرزبة ........... تشوف اللي بتشوفه في الشارع
و مش كل الشعوب زي بعضها


و يبقى جار زميلنا العزيز ............. الأستاذ أحمد إبراهيم

المصري يحب أن يُقاد .............. و لا يستطيع أن يقود
أحنا خلاص ......... وصلنا لمجد الحضارة من الاف السنين ............ و أنتهت ............. و علشان نرجع تاني ......... صعب

بالظبببببببببببط كده
ملخص الموضوع كلله فى الكام كلمه دول

[hesham_tawfiq]

مشكلتنا فى كل مجالات الحياه فى مصر حاجتين:
اننا عاطفيين جدا حتى فى المواقف اللى محتاجه حزم ( زى تطبيق القانون )
وتانى حاجه اننا دايما فى اى حاجه بنقف لما بنحس اننا سبقنا اللى حوالينا ومش واخدين بالنا ان السباق دا مبيخلصش. ودا فى كل حاجه فى حياتنا وبعد كده نقعد نغنى على التقدم اللى حققناه .وهو دا بالظبط اللى بيخللينا ننجح لما نسافر بره لانهم معندهمش اغانى من نوع مشربتش من نيلها وارمى حمولك عليا والتهريج دا.
اما الافه الكبرى والمصيبه حاليا فساد الذمم والضمائر ( كلله عاوز يسرق من كلله )والفهلوه.
تفتكرو بالوضع الحالى دا فيه فايده ولا خلاص ولو فيه امل يتصلح حالنا محتاجين كاااااام سنه عشان نقوم تانى
مجرد سؤال

[nobody]

بأيدينا انا و انت هنخلى بلدنا احسن

[MoToRiZeR]

بالنسبة لموضوع الركن ده : منظر شفته فى بلد من البلاد المتحضرة و لحد النهارده مطبوع فى مخى كأنه شريط سينما و هو كالتالى :
فى مكان من الاماكن المشهورة بالعواصف الرعدية و الاعاصير و الامطار الصيفية كنت ماشى تحت السيول مروح البيت و ابص الاقى ولد عمره من 7 ل 9 سنيين و اقف تحت السيول و هدومه متغرقة ميه و عمال يشاور لولدته و هى بتركن العربية جنب الرصيف .... حتسألونى ليه ؟؟ هو بره فى حد بيسوق و مابيعرفش يركن زى مصر ؟؟؟؟ و لا يمكن الولد ده سايس من اطفال الشوارع ؟؟ حاقول لكم لا طبعا .... و لكن السبب ان الميه المتحوشة جنب الرصيف كان ارتفاعها اكتر من 10 سم و الخط الاصفر اللى على الارض مش باين و البلاعات مش ملاحقة على كم الميه اللى نازله و الست خايفة تركن فوق الخط الاصفر !!!!!!!!!!!!!!!!!! تخيلوا ؟؟؟؟ كل ده علشان تركن العربية فى المكان المخصص.
اسف طولت عليكم

[AhmedElsayed]

طيب اللى بياخد مكانين فى الركنة ولا يهمه حاجة
اومال بقى وسط البلد اللى لازم تمشى تصور فيها الرصيف اللى متاجر لشركة بكروت شحن
والعربيات داخلة على الرصيف بطريقة غريبة علشان صاحبها الباشا يفادى الحديدة اللى بتترفع ومبتنزلش الا لما تدفع اللى عليك ويقدر يخرج منها بسهولة
يعنى مش غباء وبس
لا دى سرقة وسرقة علنية كمان قدام مليون عربية بتعدى كل يوم

ارجو محدش يقولى ان الشركة حرامية فلازم نسرقها والمببررات الغريبة دى
واللى يغيظيك انى بشوف عربيات مش اقل من نص مليون جنيه وعاملة كده يعنى بالنسبة لهم تمن الركنة ولا حاجة بس تقول ايه بقى فاكرين نفسهم فهلوية

[cobraa2008]

ومال بقى وسط البلد اللى لازم تمشى تصور فيها الرصيف اللى متاجر لشركة بكروت شحن

والعربيات بقى فاكرين نفسهم فهلوية

على فكرة يا ريت مصر تبقى كلها بالنظام ده على الاقل الواحد يلاقي مكان يركن فيه من غير ما العربية تاخد مخالفة ولا تتكلبش

[semsem_uno]

كأنهم بيقولو :
بلادي بلادي بلاااااادي ^ لكي حبييي لغباااااءي

[tmz9111]

لا تعليقققققققققق