سؤال مهم : مين من حقه يشوف الرخصة ؟

[Medicalist]

مين يا جماعه الى من حقه يشوف رخصه العربيه ويطلبها منى قانونا
مش اصله بيساعد الظابط والكلام ده ؟
النهارده وقفنى ادام مديريه الامن فى المنصوره واحد من الى بيركبوا موتسيكلات مش عارف اذا امين ولا عسكرى وقالى رخصك لو سمحت وريتهاله
قالى انت نمر بلقاس دى بلد جمب المنصوره قلتله اه قالى ماشى اتفضل الف سلامه
نمر بلقاس دى لسه ارقام مش الجديده فهو كان عايز يصطادنى يعنى انه الرخصه ممكن تكون منتهيه عشان النمر الجديده الى شغاله ولا ايه ؟
المهم هل هو من حقه يسالنى على الرخص ولا فى المواقف دى اتنح معاه و اطلب انه الظابط الى معاه ييجى يشوفها ولو مفيش امشى وما اعبروش ؟

[bido600]

قانونا
كل من يعمل في خدمه المرور
يعني ظابط او امين او عسكري بس يكون تبع وحده المرور
وميقدرش يفتش العربية او يفتشك
مهمته الكشف علي الرخص والمخالفات المرورية بس

[hugan]

مش من حق الامناء او المندوبين او الافراد
الا في وجود ضابط شرطه
لايحق لهم الاطلاع او السحب او اعطاء ايصال سحب
لكن من حقه ان يعطيك مخالفه ان ارتكبتها

[mohammedabdallh]

اى حد عسكرى او ظابط من المرور من حقه يشوف الرخص

انا بقى من يومين راجع من القاهره متاخر الساعه 1.5 تقريبا
المهم دخلت كمين
الظابط واقف قالى رخصتك اتدهاله والبطاقه كمان ورخصه العربيه
عربيتى متفيمه وكمان النمر الى قدام ممسوحه خالص وانا كنبها بقلم فلومستر بس طبعا مش باينه
قالى مينفعشى كدا والمفروض العربيه تتسلم
بس علشان خاطر الجماعه معاك اتفضل
وروح المرور اكتب النمر قالته شكرا وسبته ومشيت
هنا بقى مش المفروض محضر طمس نمر بس
او محضر وسحب رخص
هو كان عاوز يسلم العربيه ليه مع ان النمر الخلفيه شغاله كويس
هنا بقى الحل ايه
انا النهرده كتبت النمر من اول وجديد فى المرور
علشان خاطر برجع بليل كتير ومبحبش وجع الماغ بس

[mohammedabdallh]

مش من حق الامناء او المندوبين او الافراد
الا في وجود ضابط شرطه
لايحق لهم الاطلاع او السحب او اعطاء ايصال سحب
لكن من حقه ان يعطيك مخالفه ان ارتكبتها

طيب ما هو الظابط بيبقى واقف على جنب
وهتخسر ايه لما توريهالوا
بدل ما يبوخ ويديك مخالفه

[hugan]

طيب ما هو الظابط بيبقى واقف على جنب
وهتخسر ايه لما توريهالوا
بدل ما يبوخ ويديك مخالفه

ياباشا
الكلام علي ان لما يكون مندوب او امين بدون وجود ضابط
مش من حقهم سحب الرخص او الاطلاع عليها
ماهو طبيعي ان لما يكون ضابط موجود من حقه انه يشوف الرخص او يسحبها لو في مخالفه
راجع التعليق اللي انا كاتبه من الاول

[mohammedabdallh]

ياباشا
الكلام علي ان لما يكون مندوب او امين بدون وجود ضابط
مش من حقهم سحب الرخص او الاطلاع عليها
ماهو طبيعي ان لما يكون ضابط موجود من حقه انه يشوف الرخص او يسحبها لو في مخالفه
راجع التعليق اللي انا كاتبه من الاول

اوك

[AhmedBahgat]

قانونا يحق لأمين الشرطة فحص التراخيص حتي دون وجود ضابط لأن أمين الشرطة له سلطة الضبطية القضائية
ولكن عملاً لا تقوم وزارة الداخلية بتكليف أمناء الشرطة برئاسة الكمائن المرورية المتنقلة
في المقابل أحيانا يعهد إلي أمناء الشرطة برئاسة بعض الكمائن الثابتة فيجوز له طلب التراخيص والإطلاع عليها أو في حالات استثنائية كالحادث مثلا لا قدر الله
بالنسبة للتفتيش لا يحق لأي شخص كائن من كان تفتيشك (قانوناً) حتي في ظل وجود قانون الطوارئ باستثناء وكيل نيابة الدائرة بنفسه !! أو من له سلطة الضبطية القضائية (الضابط غالبا) في دائرته وبحوزته إذناً من وكيل نيابة الدائرة صادر بتفتيشك بالإسم :)
ده من الناحية القانونية بس عشان محدش يفهمني غلط :)

[karkor30]

ضابط الشرطة فقط هو من له الحق فى رؤية الرخص وليس امين الشرطة

يعنى لو كمين مفيش فيه ظابط او امين شرطة وقفك فى اى مكان مش من حقه يشوف الرخص

لكن لو الظابط واقف فى الكمين وبيشوف رخص عربية تانية مثلا او قاعد على جنب يعتبر ده تصريح من الظابط لامين الشرطة انه يشوف الرخص

والكلام ده من ظابط

[AhmedBahgat]

ضابط الشرطة فقط هو من له الحق فى رؤية الرخص وليس امين الشرطة

يعنى لو كمين مفيش فيه ظابط او امين شرطة وقفك فى اى مكان مش من حقه يشوف الرخص

لكن لو الظابط واقف فى الكمين وبيشوف رخص عربية تانية مثلا او قاعد على جنب يعتبر ده تصريح من الظابط لامين الشرطة انه يشوف الرخص

والكلام ده من ظابط

مع خالص إحترامي وتقديري لمصدر معلومات حضرتك إلا أن هذا الكلام عار عن الصحة

نحن نتكلم عن قانون فلا مجال للتقدير الفردي حقه ومش من حقه
أمين الشرطة يمتلك سلطة الضبط القانوني وله في ذلك سلطة الاستيقاف وإن حدث وقام أمين الشرطة باستيقافك واكتشف ارتكابك مخالفة مرورية فيحق له تحرير محضر بذلك والمحضر سليم ونافذ قانونا وفي حالة إعتراضك علي ذلك فله استخدام القوة اللازمة لتنفيذ القانون وفي حالة ما إذا قمت بالرد باستخدام القوة فتكون قد ارتكبت جريمة أخري

جميع ما سبق من الناحية القانونية
أما وإن كانت وزارة الداخلية وبتعليماتها الداخلية تنتزع بعد من تلك الإختصاصات لإعتبارات مصلحة (الحد من الرشاوي وتلفيق المحاضر) إلا أنا وإن خالف أمين الشرطة تلك التعليمات وقام بضبط أي شخص لارتكابه مخالفة أو جريمة ما فيظل إجراءة صحيحاً ويحال الأمر للنيابة العامة التي تتخذ قبل المتهم كافة ما تراه من إجراءات دون الإلتفات عما ما قد تصدره وزارة الداخلية من تعليمات
وهو ما يحدث في الحياة العملية أحيانا فكثير من الأحيان يقوم أمين الشرطة بكافة الإجراءات التي يقوم بها الضابط من استيقاف وضبط وتفتيش (طبقا لما نص عليه القانون) ويتم ضبط كثير من القضايا وتكون سليمه تماما من الناحية القانونية

[SASA3]

يعنى دلوقتى او اى حد غير ضابط وقفنى و قالى هات رخص فى اى كمين غير ثابت يبقى ايه الوضع

اديلة الرخص ولا اسحب انا منه الكارنيه بتاعه :)

[AhmedBahgat]

يا باشا أنا لسه بتكلم من الناحية القانونية
أما من الناحية العملية مش هيحصل
لأن مش هيكون فيه تكليف لأمين الشرطة بفحص التراخيص
مش هتلاقي معاه وصولات
لو قفّلت معاه هيخاف عشان هوه مش واخد تعليمات
بس لو بتكليف من ضابط إديهمله حتي لو ضابط علي اللاسلكي

[AhmedBahgat]

المادة ٢٣ من قانون الإجراءات الجنائية
يكون من مأمورى الضبط القضائى فى دوائر اختصاصاتهم :
1- أعضاء النيابة العامة ومعاونوها .
2- ضباط الشرطة وأمناؤها والكونستبلات والمساعدون .
3- رؤساء نقط الشرطة .
4- العمد ومشايخ البلاد ومشايخ الخفراء .
5- نظار ووكلاء محطات السكك الحديدية الحكومية
ولمديرى أمن المحافظات ومفتشى مصلحة التفتيش العام بوزارة الداخلية أن يؤدوا الأعمال التى يقوم بها مأمور الضبط القضائى فى دوائر اختصاصاتهم .

[Elawany13]

من حق امين الشرطة يشوف الرخص
ومش لازم من المرور فقط
ممكن امين شرطة من القسم أو المركز كمان
ودول كانوا بيعملوا كماين كتير بالذات للموتوسيكلات الصينى
بيشوف رخصتك ورخصة الموتوسيكل وشكراً
رغم انه مش مرور

[aly_moh]

مش من حق الامناء او المندوبين او الافراد
الا في وجود ضابط شرطه
لايحق لهم الاطلاع او السحب او اعطاء ايصال سحب
لكن من حقه ان يعطيك مخالفه ان ارتكبتها

دا فعلا اللى انا اعرفة و السبب ان فى عربيات كتيرة جدا و خصوصا الجديدة مش بيرخصوا العربية السنة بسنتها عشان ميدفعوش التامين