إنتبه...حفره على الطريق الدائري ممكن تعمل كارثه.

[م.محمد علاء]

إمبارح كنت نازل الزراعي.
أنا ساكن في حدائق الأهرام.
خط سيري كان الآتي:-
طريق الواحات.و منه بطلع الدائري مباشرة.
عند الوصله اللي بتمر فوق الطريق الصحراوي بالضبط..الساعه 11 بليل إمبارح.
لقيت فجأه شق طولي وليس عرضي طوله حوالي متر متر ونص.و عرضه حوالي 10 أو 20 سم.و عمق في الأسفلت حوالي 10 سم.
أنا لقيته فجأه في طريق و كان على يميني عربيه نقل.
فجأه إترزعت في الشق المذكور ده بعنف رهيب.
العجلتين نزلوا فيه .وطلعوا.
بعد متهبدت الهبده دي.سمعت صوت دبدبه و كأن العجل مش دائري بقى مربع.
ركنت على الشمال(الشمال أوسع من اليمين لأن فيه شغل صيانه)
نزلت..
المفاجأه إني لقيت العجل اللي في الجمب الشمال دي على الجنط..
و الجنطين نفسهم إتعصروا بطريقه تدل على قوة الرزعه و إتنوا.
الكاوتش كان سليم.
الفكره في إنهم هواهم إتفرغ..إن الجنط إتنى لدرجة إنه ساب الشفه اللي بيبات عليها الكاوتش..
و الطاسات كذلك.
طبعا الكلام ده كان الساعه 11 زي مقولت..
و كان معايا زوجتى.
نزلت الإستين.و كلمت واحد صاحبي عشان يشوفلي أي إستيبن تاني مقاس 13.
كلمت الأستاذ أحمد ahmed.tv والراجل بصراحه محترم بس للأسف مكنشي في الحدائق.
جالي صاحبي و الجنط اللي جابوا مركبش أخد الفردتين و إستعدلهم ونفخهم.
و ركبوا تاني والحمد لله..بس عايز أبص على العفشه..
الحمد لله إنها جت سليمه و على قد كده كان الواحد ممكن يتقلب أو تحصله أكتر من كده..
_____________________________
نسيت أقولكم..إني بعد معطلت بخمس دقايق..وقف ورايا واحد بلانوس..
وقع في نفس الحفره..
بس مركب جنوط إسبور..كاوتشه إتقطع..
و بعيها بنص ساعه واحد تاني بكورولا..بردو جنط سبور..و بردو الكاوتش إتقطع.
الحمد لله..و يا ريت كله ياخد بالي منها لأنها ممكن تعمل كارثه..وكانت فعلا عامله كارثه يوم الأربع اللي قبل اللي فات..
أسف إني طولت عليكم...
بس النشر عشان محدش يقع في نفس الموقف..

[Elawany13]

لا حول ولا قوة إلا بالله
حمد الله على سلامتك .. قدر الله وماشاء فعل
يارب المسئولين يفوقوا بقى

[mazher_m]

الحمد لله علي كل حال
وشكرا للتنبيه

[shaddadfalcon1]

ده يسبب الأهمال والشغل الزباله
علي ماتذكر طلعة الدائري من الصحورواي فضلو شغالين فيها اكتر من سنه وفي الأخر الشغل طالع زباااااااااااااااااااااااااااااله وكله شقوي ومينفعش تمشي في الحتت المتصلحه اصلا

[م.محمد علاء]

ده يسبب الأهمال والشغل الزباله
علي ماتذكر طلعة الدائري من الصحورواي فضلو شغالين فيها اكتر من سنه وفي الأخر الشغل طالع زباااااااااااااااااااااااااااااله وكله شقوي ومينفعش تمشي في الحتت المتصلحه اصلا

بالضبط..
هي دي المنطقه اللي أنا بتكلم عليها.
لأنها كوبري بيعدي من فوق الصحراوي.
و كانت بتفضل واقفه.وبعد مخلصت كانت هي دي النتيجه.
و الرد إنها بتتعرض لمرور سيارات نقل ثقيل بتدمر الأسفلت.

[SonaSteel]

حسبي الله ... ربنا يسترها معاك ومع المسلمين اجمعين
انا مش عارف والله هانفضل نتعامل كده لغاية امتي
العربيات مش بتيجي بالساهل وزحمة مميته و طرق عير ادميه وقطع غيار غاليه
الله المستعان ....
الف حمد لله علي سلامتك وقدر الله وما شاء فعل

[MohammedAladel]

الحمد لله سليمة طيب الجنط إتعدل بعد ما أتتنى إزاى

[shaddadfalcon1]

اخر مره وانا جي من 3 اسابيع من عليها برده كانت عربيات نقل كتيير جايه ورايا طايره واضطيرت لأسف البس فاصل من الفواصل او اتنين تقريبا حسيت ان العربيه اتدغدغت ساعتها

المفروض بيبقي في فواصل ومليانه حديد مشبك في بعضه لكن ده ياما طالع لفوق بمطب او نازل بحفره زي مايكون حمار اللي عامله والنقل الكبير طبعا ولا بيهمه وبيدغدغ فيها ويمشي

[khalid_adel]

انا كل يوم تقريبا بعدي من الحتي دي واول ما اقرب باخد اقصي اليمين (كاني حنزل اسكندريه الصحراوي) لحد ما امسك وصلة دريم
وربنا يسترها معانا جميعا

[S O P H O S]

جزاك الله خيرا
علي التنبيه ..

[me_medoo]

لا حول ولا قوة الا بالله. .... شكراً على التنبيه يافندم وهيا فعلاً الحته دي بقة زباله خالص وكل مادى اسوء من اول .... لا وتلاقي الكوبري مفلق عن الكوبري التاني ولا تقولي مقوالين عرب. ولامقاولين مصريين مبقاش فيه ضمير خلاص انا طول ما انا ماشي بالعربية مبسمعش حاجه غير ديييييييييب. ومرررررره بوووم. واشي طااااخ. واشي ديييييييب من الحفر والبلعات والمطبات والشروخ الي في الارض لا ومعموله بفن. كده انك مهما كنت سويق لازم تتفاجئ بحفرة جديدة او مطب جديد وتلبس فيها لسه حلوة الف سلامة عليك ياغالي

[midoabdeen]

شكرا على التنبيه

[م.محمد علاء]

الحمد لله سليمة طيب الجنط إتعدل بعد ما أتتنى إزاى

هو إستعدل بإنه قعد يدق عليه...طبعا الجنط شكلع معضعض..أنا حرصصه..لو قبل ترصيص كان بها..
لو منفعش حغير واحد و أخلي التاني إستبن.

انا كل يوم تقريبا بعدي من الحتي دي واول ما اقرب باخد اقصي اليمين (كاني حنزل اسكندريه الصحراوي) لحد ما امسك وصلة دريم
وربنا يسترها معانا جميعا

الحفره في المنطقه دي..بس في الإتجاه التاني..كأنك رايح المعادي أو الزراعي.
و إن كان الإتجاه اللي قولت عليه..في نفس المشاكل دي بردو

_________________________________________________
والله يسلمكم يا جماعه جميعا ويبعد عنا الأذي كلنا ...

[Youssef.Awad]

حسبى الله ونعم الوكيل
وقفة الطريق دى زبالة خاصة لو باليل اوى كده ومعاك عيلة
اسأل مجرب كذا موقف من دول ..
الحمد لله ربك سترها وكويس انها جت على قد كده

[talhawy]

حسبى الله ونعم الوكيل
مفيش كوبرى فى مصر فيه فواصل الحديد فى مكانها..... انا كل يوم شغلى لازم اروحله على الطريق الدولى الساحلى بتاع اسكندرية-دمياط-بورسعيد
المهم انه لا طريق دولى ولا ساحلى ولا حصل حتى طريق بهتون الجبل
فى مره وانا مروح عديت على فاصل فى كوبرى من الكبارى كان منزوع الحديد بتاعه ماعدا حتة حديدة مكسورة طالعة زى السكينه وهوووب ....... الفردتين اليمين قدام وورا فرقعوا وعشت احلى لف ودوران على الطريق وكنت حاروح فى خبر كان لو فى عربية جاية من ورايا بس ربنا ستر
ربنا يحمى الجميع ويسلم طريقنا