محتاج مساعدة فى شراء أى سيارة من الأربعة دول

[amr_bekhit]

بإذن الله لى شخص عزيز جدا عليا
و يريد مساعدتى فى تقرير اى سيارة هى الأصلح و الأنسب و أ، يكون سعرها مناسب لقيمتها و لا يكون سعرها لا يعبر عن منفعتها ..
1 - هيونداي فيرنا
2 - شيفورليه آفيو
3 - رينو لوجان
4 - بروتون
ملحوطة[overline] الميزانية في حدود 75 ألف[/overline] و الطراز المطلوب صالون بالطبع و بها شنطة عادية ليست هاتشباك يعني ..

و جزاكم الله خير

[S O P H O S]

معلش المقصود بالبروتون ايه
علشان 75 الف ميجبوش جين مثلا
وعموما افضل خيارين فيهم الفيرنا ولوجان
والله اعلم ..

[amr_bekhit]

معلش المقصود بالبروتون ايه
علشان 75 الف ميجبوش جين مثلا
وعموما افضل خيارين فيهم الفيرنا ولوجان
والله اعلم ..

تقريبا فى حاجة اسمها ساجا فى البروتون تقريبا هى اللى فى الرنج ده
و انا حاسس ( بقول حاسس ) ان اللوجان احسن من الفيرنا بس الإحساس ما ينفعش هنا
علشان كده انا بطلب مساعدة من ناس ليه خبرات فى السيارات
شكرا للإهتمام

[mshmshm3]

اعتقد لوجان افضل من الفيرنا في التقفيل

[koshary]

لو صاحبك ده مالوش خبرة فى التعامل مع العربيات يجيب فيرنا بلا شك هيعرف يجيب ليها كل حاجه بسهولة جدا جدا وخد بالك بعد كدا فى قطع الغيار والصيانات هتفرق معاه عن كل العربيات اللى انت كاتبها دى انما لو صاحبك ده خبرة ونفسو يركب عربية كويسة يجيب لوجان وخليه يبعد عن الافيو وطبعا بالسعر ده ممكن يجيب النترا 2006-2007 الشيب ده مالوش حل بجد عربية خرافة كانت معايا 6 شهور يمكن من اجمد الهيوندايات فى مصر

[Elmokadim]

اللوجان وعن تجربة شخصية وممكن تزود حاجة بسيطة وتجيب الاوتو

مميزات كتيرة جدا مش في عربيات في الفئة السعرية دي كفاية عالية جدا عن الارض ودا مهم جدا للشوارع المصرية

عافشة ناعمة جدا جدا وجانت 15

واهم شئ اتساع الصالون الرهيب اللي مش موجود في اي عربية مماثلة

تحياتي

[Youssef.Awad]

renault logan

[amr_bekhit]

لو صاحبك ده مالوش خبرة فى التعامل مع العربيات يجيب فيرنا بلا شك هيعرف يجيب ليها كل حاجه بسهولة جدا جدا وخد بالك بعد كدا فى قطع الغيار والصيانات هتفرق معاه عن كل العربيات اللى انت كاتبها دى انما لو صاحبك ده خبرة ونفسو يركب عربية كويسة يجيب لوجان وخليه يبعد عن الافيو وطبعا بالسعر ده ممكن يجيب النترا 2006-2007 الشيب ده مالوش حل بجد عربية خرافة كانت معايا 6 شهور يمكن من اجمد الهيوندايات فى مصر

هو اول مرة ان شاء الله يجيب سيارة
و ربنا يبارك له فيها
فعايزين النصيحة من القلب يا رجالة علشان ماندبسشى الراجل فى سيارة مش قد كده

[windofchange]

ساجا لو مش فارق معاه علو اللوجان وادخل شوف مميزاتها ومميزات اللوجان في قسم البروتون وقسم اللوجان في مواضيع هناك بتسرد مزاياهم وعيوبهم لكن عن نفسي لو مش عربية ممكن احمل فيها كتير اشخاص او بضاعة مثلا هجيب الساجا اكيد

[GMC]

فيرنا ,,, كانت معايا اهرس فيها للصبح متقولش لا ههههههههههههههههه كنت مطلع عينها قطع غيارها في اي مكان

ماتور شديد بالنسبه لحجمها سعر اعادة بيع كويس جدا

بعد كده اللوجان كويسه بس سعرها في البيع مش قد كده وقطع غيارها اغلى بس مجربتهاش الصراحه

[mazher_m]

اللوجان افضل
بس الفيرنا مصروفها اقل بكتير

[amr_bekhit]

اللوجان افضل
بس الفيرنا مصروفها اقل بكتير

شكرا للتواصل
لكن الفيرنا مصروفها اقل بكتير !!!
تقصد ايه حضرتك ، منتظر الرد

[amr_bekhit]

فيرنا ,,, كانت معايا اهرس فيها للصبح متقولش لا ههههههههههههههههه كنت مطلع عينها قطع غيارها في اي مكان

ماتور شديد بالنسبه لحجمها سعر اعادة بيع كويس جدا

بعد كده اللوجان كويسه بس سعرها في البيع مش قد كده وقطع غيارها اغلى بس مجربتهاش الصراحه

اسمع ان الرينو حاجته فرنساوي و مفيش منه مضروب
و سمعت برضه ان ليها ناسها يعني بيعها بعد كده مش بالسهولة المتوقعة الا لو نزلت سعرها علشان يبقى مغري !!