إعـــــــلان

Collapse

.

,
See more
See less

استفتاء بتركن فى أى مكان فاضى تلاقيه فى الشارع ؟؟

Collapse
X
 
  • Filter
  • الوقت
  • Show
Clear All
new posts

  • استفتاء بتركن فى أى مكان فاضى تلاقيه فى الشارع ؟؟

    انا حبيت أعمل الأستفتاء ده بعد ما حصلى موقف غريب جدا هحكيلكو عليه :
    امبارح كان عندى ميعاد عند الدكتور و مكانه فى شارع عباس العقاد المهم أخدت مراتى و بنتى وروحنا للدكتور و قلنا نتغدى بره بالمره و فعلا دخلنا مطعم فى شارع متفرع من عباس العقاد و قعدت ادور على ركنه مش لاقى خالص لغايه ما لقيت ركنه فاضيه تحت أحد المنازل المهم اتغدينا ومأخدناش اكتر من 35 دقيقه تقريبا المهم ذهبنا للسياره لقيت عربيه مرسيدس قديمه واقفه قدامها ونازل منها راجل سنه يقترب من الستين ابيض الشعر كبييييير الكرش و دار بيننا هذا الحوار :
    انا : السلام عليكم
    هو : مردش
    انا : بعد اذن حضرتك ممكن تطلعنى
    هو : و لو مطلعتكش هتعملى ايه يعنى
    انا : مش هعمل لحضرتك حاجه بس حضرتك مش عايز تطلعنى ليه هو انا عملت لك
    حاجه
    هو: ايوه عملتلى انا بقالى ساعه طالع ----- أمى بلف بعربيتى علشان اركن قدام
    بيتى و مش لاقى مكان
    أنا : بداءت اتنرفز و صوتى يعلى و عرفت انه راجل مش محترم فقلتله طب وأنا
    مالى هو المكان مكتوب عليه اسمك وبعدين لو مش عايز حد يركن مكانك متحط
    جنزير :boxing_smiley:
    هو : ممنوع
    انا : يبقى انت بتناقض نفسك منين ممنوع و منين عايز تحتكر المكان ليك
    هو : الناس كلها عارفه ان كل السكان عندها عربيات ومش مفروض تركن هنا
    انا : صلى على النبى يا حاج انتا شايف انا معايا مراتى و بنتى و الموضوع بسيط
    هو : صلى عليه انتا
    أنا : يا حاج انا معملتيش جريمه و مافيش قانون يديك الحق تحتكر المكان ليك
    هو : انت هتعلمنى الأدب طب ورينى بقى هتطلع أزاى وراح واخد بعضه و داخل العماره
    المهم انا مارديتش امسك فيه علشان راجل كبيير و معايا مراتى و بنتى و الناس بدأت تخرج من البلكونات علشان الصوت العالى المهم قلتله أنا هاوريك هخرج ازاى
    و مسيكت الموبايل علشان أطلب النجده لقيت واحده ست فى اعماره واقفه فى البلكونه و بتنده عليا يا استاذ ثانيه واحده و كان واضح انها قريبته المهم قلتلها يا ستى انا ما عملتلوش حاجه كل اللى عملته انى قلتله خرجنى قالتلى انا عارفه
    المهم قعدت فى عربيتى فسمعت صوته من فوق بيجعر و يزعق وبعد دقيقه لقيت مراته و بنته نازلين علشان يرجعوا عربيته علشان اعرف اطلع و ساعنها اتأكدت ان الراجل ده مش محترم خالص و تقريبا فى عنده ربع ضارب و أهله عارفين كده
    انا دلوقتى عايز أعرف هل انا غلطان ولا صح
    و انتو لو مكانى فى الموقف ده كنتو عملتوا ايه ؟
    121
    ايوه من حقى ومحدش يجرؤ يركن مكانى
    0%
    6
    لأ مش من حق اى شخص يعمل كده
    0%
    58
    الموضوع مش ورث يعنى انا ليا مكان معروف فى الشارع بركن فيه بس لو حد ركن مكانى هسيبه
    0%
    57
    [COLOR=navy][B]اللهم احفظنا من تهور سائقى (الميكروباصات و التريلات و المقطورات و التاكسيات المهكعه وكل واحد معندوش لا دم ولا ضمير)[/B][/COLOR]

    [COLOR=navy][B]*فى بلد اللى ملوش كبير لازم يشتريلوا كبير* [/B][/COLOR]
    [COLOR="Navy"][B]*و اللى معهوش ما يلزموش*[/B][/COLOR]

  • #2
    مش غلطان طبعا و كمان احييك على طول بالك في التعامل مع هذا الشخص ابيض الشعر كبير الكرش عريض المنكعين شلولخ..
    ده مريض نفسي يعني قاعد جوه العربية مستنيك عشان يعمل الهبل ده..
    60 سنة و لسه مانضجش..ربنا يكون ف عون مراته و بنته..
    Tyler_durden سابقا
    المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب

    Comment


    • #3
      أنا لو مكانك و قالي شوف بقة هتطلع ازاي ، والله لأكسرلة ازاز العربية و انزل الهاند و ارميلو العربية في نص الشارع

      و هو الجاني علي نفسة

      Comment


      • #4
        لو حصلي الموقف بتاع حضرتك
        هسايس الراجل وهحترمه لان السن له حكمه و انا من الناس اللي بتحترم كبر السن جدا
        بس ممكن يكون كان عصبي او حاجه مضيقاه بس وكانت ظروفك انت كده
        [COLOR=RED] [CENTER][SIGPIC][/SIGPIC]

        [/CENTER]
        [/COLOR]

        Comment


        • #5
          تصرفك سليم و أحييك على هدوئك و تمالك أعصابك

          أبسط حاجة تعملها تركب مراتك و بنتك تاكس أو تقعدهم فى أى كافيه أو أى مكان و تخرج تجيب من أقرب مكان عربية نص نقل أو ونش و تديله 100 جنيه و تخليه يقطر العربية يرميها فى أى داهيه و يبقى يدور عليها و من غير خناق ولا كلام أنا كنت هاسيبه يهوهو و أنفذ إللى قولتلك عليه و يخبط راسه فى الحيط
          [IMG]http://www.nilemotors.com/images/Nile_Audi_Memo_2.gif[/IMG]
          [CENTER][COLOR="DarkOrchid"]
          [SIZE="2"]Dont Exhaust UrSelf in Thinking...Just Do what U have 2 Do...God Will Never Forget & Never Neglect[/SIZE][/COLOR][/CENTER]

          Comment


          • #6
            الموضوع ده مهم اوى
            وناس كتير شايفة ان مش من حق حد يركن قدام بيتها
            طيب لو كل واحد فى الدنيا قالك محدش يركن قدام بيتى
            اومال لو انا طلعت فى اى مشوار اركن فييييييييييييييييييييييييييييييييييييييييييييييين

            Comment


            • #7
              تصرف سليم جدااا وكويس انك بالك طويل

              Comment


              • #8
                المشاركة الأصلية كتبت بواسطة Tyler_Durden مشاهدة المشاركة
                شلولخ..
                بجد مقدرتش أمسك نفسى من الضحك و أنا قاعد فى الشغل وسط الناس

                الله يجازيك يا تايلر :)
                [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
                [/CENTER]

                Comment


                • #9
                  لأ ما شاء الله عليك ... عندك طولة بال وأخلاق عالية ...

                  وأنا حصل مع واحد قريبي موقف زي ده ...

                  كان معاه بيجو 504 وراكن قدام شغله ... جه واحد بعربية فيات 131 وقام واقف قدامه بالعرض ونزل جري من العربية - قال يعني عشان يحطه قدام الأمر الوقع -

                  قام قريبي ركب عربيته وقرب من الـ 131 من الجنب وقام دايس بنزي ع الآخر ، طبعا ً البيجو 2000 سي سي ، العربية الـ 131 اتزقت بالجنب وفضل يزقها لحد ما سابها في نص الشارع ...

                  الرجل طبعا ً صاحب الـ 131 نزل جري وكان مبلم ... ولسه هيتكلم الناس قالته احمد ربنا إنها جت على قد كده

                  بس مش أي حد يقدر يعمل كده ... أنا عن نفسي أتصل بأي ظابط يتصرفلي في ونش ... وتسحب العربية ترميها ع السريع ولا من شاف ولا من دري
                  [CENTER]الي مدخلش QNET .. مدخلش دنيا
                  http://www.nilemotors.net/Nile/244377-a.html
                  [/CENTER]

                  Comment


                  • #10
                    وده السبب الرئيسي اني مابنزلش القاهره بعربيه ....او بمعني اصح مابنزلش القاهره اساسا ُ..
                    i have a bad temper و ممكن حاجه زي كده يكون حلها عندي اصدرله الاكصدام في عربيته و ازقهاله و امشي انا demolition derby style .. او بقي اتصل بالنجده و استعمل نفوذي (اجنبي بقي و جنسيه اجنبيه و افضل وراه لحد ما اسلمله عربيته في القسم)....

                    Comment


                    • #11
                      المشاركة الأصلية كتبت بواسطة AhmedElsayed مشاهدة المشاركة
                      الموضوع ده مهم اوى
                      وناس كتير شايفة ان مش من حق حد يركن قدام بيتها
                      طيب لو كل واحد فى الدنيا قالك محدش يركن قدام بيتى
                      اومال لو انا طلعت فى اى مشوار اركن فييييييييييييييييييييييييييييييييييييييييييييييين
                      الله ينور عليك...
                      على كل انا احيي صاحب الموضوع على صبره و تصرفه االمحترم والحضارى رغم انه للاسف مع شخص غير حضاري و لو كنت صغرت دماغك مع راجل زي ده كنت هتلوم نفسك بعد كده لولا لانه راجل كبير و ثانيا لانه ميستاهلش.
                      و ربنا يكون في عون مراته و بنته ده اكيد عاملهم 100 فضيحة.

                      Comment


                      • #12
                        الموضوع أنا هابصله نظرة تانية طبقا للقوانين الأوروبية و العالمية المتعارف عليها
                        الأماكن التي تحت المنازل لها الأولاوية في الركن لأصحاب المنازل و المقيمين بها
                        و هنا يأتي دور الحكومة في إجبار أصحاب العمارات على بناء جراجات للسكان
                        بس الراجل قليل الأدب ............. بس عنده حق
                        يعني أنا لما أرجع من شغلي و ألاقي الناس راكنة مكاني و أقعد أنا ألف ساعة علشان أركن ............ أكيد هاتنرفز و أضايق
                        بس عمري ما أتكلم مع الناس بالإسلوب ده
                        خصوصا إن بلدنا الموقرة مفيهاش قانون

                        يبقى الخلاصة أنت مغلطتش على أساس العرف المصري
                        إنما لو في بلد فيها قانون .,...... كانت عربيتك أنت اللي أتشالت على الونش و دفعت الغرامة المحترمة

                        و بما أننا مازلنا في ج ع ع ................... يبقى كل واحد يعمل اللي هو عايزه علشان مفيش قانون

                        و تحيا ج ع ع ..................... و ربنا يستر طريقنا و يستر علينا من الأغبية
                        [img2]http://i59.tinypic.com/2vxpukz.jpg[/img2]

                        Comment


                        • #13
                          حضرتك ناسي ان بره فيه جراجات تحت الاحياء السكنيه ..و غير كده فيه باركنج لكل مجمع سكني للمقيمين .. و باركينج تاني للزوار .. و مافيش باركنج تحت البيوت في الشارع ! ... هناك الحي كله متختط .. مش كل واحد بيبني بمزاجه !

                          Comment


                          • #14
                            المشاركة الأصلية كتبت بواسطة Xpert مشاهدة المشاركة
                            حضرتك ناسي ان بره فيه جراجات تحت الاحياء السكنيه ..و غير كده فيه باركنج لكل مجمع سكني للمقيمين .. و باركينج تاني للزوار .. و مافيش باركنج تحت البيوت في الشارع ! ... هناك الحي كله متختط .. مش كل واحد بيبني بمزاجه !

                            بالظبط ............. كلامك 100 %
                            و ده اللي بيخلي الناس مش عارفة حقوقها فين ؟؟

                            و ده برضه اللي بيخلي مصر ............. ج ع ع بإقتدار
                            [img2]http://i59.tinypic.com/2vxpukz.jpg[/img2]

                            Comment


                            • #15
                              دية حاجة بتنرفزنى جدا

                              الراجل دة بقى بعد كدة ممنوع يركن تحت اى بيت لأن صاحب المكان حيفضل يدور على ركنة كدة


                              بجد راجل فى منتهى التخلف

                              انا لو مكانك مش عارف كنت حعمل اية بس اكيد مكنتش حبقى هادى زيك كدة ابدا :)
                              [CENTER]الحمد لله[/CENTER]
                              [CENTER] [/CENTER]
                              [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

                              Comment

                              Working...
                              X