تعديل عربيه بالشكل دة فى مصر ؟ دى أتغيرت كلها !!

[MaNoLa]

كنت بلف فى الأعلانات الموجودة فى المواقع لقيت أعلان عن عربيه كوبية شوفت صورتها من أدام قولت أكيد دى موديل مافوق الـ 1995
لكن لما دخلت الموضوع لقيتها عربيه أسمها أوبل مانتا موديل 1974
و متغيرلها ماتور و الشكل الخارجى كله متغير


ماعلينا من تغييرها سواء كان للأفضل أو الأسوء
بس بجد حركة بتدل على الدماغ


دا شكل العربيه إلى متغيرة




و دا شكل العربيه الأصلى

[ahmad--ezzat]

بطني قلبت
ايه الارف ده :-)

انتي بتجيبي الاعلانات دي منين

[MaNoLa]

بطني قلبت
ايه الارف ده :-)

انتي بتجيبي الاعلانات دي منين

مانا عارفة أنه قرف
بس أنا ميهمنيش التعديل كان شكله حلو ولا وحش و دا أنا ذكرتة فى الموضوع
أنا يهمنى أن الشكل بالكامل أتغير دا فى حد ذاتة ذكاء والله


لو ناوى تجيب كيس بلاستيك أسود ترجع فيه هاتلى معاك واحد

[ahmad--ezzat]

مانا عارفة أنه قرف
بس أنا ميهمنيش التعديل كان شكله حلو ولا وحش و دا أنا ذكرتة فى الموضوع
أنا يهمنى أن الشكل بالكامل أتغير دا فى حد ذاتة ذكاء والله


لو ناوى تجيب كيس بلاستيك أسود ترجع فيه هاتلى معاك واحد

لا خلاص مش عايز :-p

في الحرفيين حجات اكتر من كده

كفايا ان العربيه بيجبوها نصين ويركبوها

[MOSHAKS]

هو بغض النظر عن اوحش او احلى بس فعلا شئ كويس انه شغل دماغه وعمل حاجة تانيه خالص مع انى شايف ان الاصل بتاعها اجمل . بس ده يدل على ان فى عندنا عقول شغالة وفى ناس غاوية تعديل وبطلع شغل كويس والانسان مننا بيتطور مع الوقت ويحدث نفسه

[MaNoLa]

ميرسى على ردودكم و عندكم حق والله إذا كان فيه فى مصر ناس بتركب العربيه من أولها لأخرها فى عربيات الحوادث يبقى مش هيعرفوا يغيروا وش العربيه
و أنا فعلا بتكلم على أن التغيير سواء كان وحش أو حلو بس أبداع أن الناس تفكر تجيب نفس الحجم و تركبه فى مكان تانى
بس الغريبه يا جماعة أن العربيات دى بتدخل فحص أزاى يعنى ؟


و أستكمالا لمسيرة قلبان المعده


دى كانت فيات 128

[ahmedzizo131]

بسم الله الرحمن الرحيم
بجد الصورة الاخيرة دى 128
و الله اللى عاملها كدة فنان و شغلة عالى اوى اوى

[eng.m7md.ali]

ياااااااك
اول صورة حاطة فانوس باسات على شبكة صني
ايه العك ده مفيش اي علاقة بين باسات وصني واوبل اساسا

[hossam_elwani]

معلش رأيىى انه شغل عكككككككككككككككككككك

[MaNoLa]

هوضح وجهة نظرى


أولا العربيات كلها شكلها مش عاجبنى خالص
لكن إلى عاجبنى فى الموضوع دة أن أزاى واحد يعرف مقاس عربيتين و يجيب عربيه موديل تانى خالص و يعرف أنهم نفس المكان و يركب العربيه دى مكان العربيه دى , حد فهمنى ؟

بسم الله الرحمن الرحيم
بجد الصورة الاخيرة دى 128
و الله اللى عاملها كدة فنان و شغلة عالى اوى اوى

وجهة نظر من ناحية التغيير الجذرى
لكن أية رأيك برضة فى المنتدى إلى أنا شوفت فيه صور الـ 128 دى فيه واحد كان شافها على أرض الواقع و قال أنها فيها فروقات فى التركيب من الصاج يعنى برضة عك
بس من ناحيه التغيير الجذرى بصراحة أنا شايفة أنها حاجة دماغ برضة

ياااااااك
اول صورة حاطة فانوس باسات على شبكة صني
ايه العك ده مفيش اي علاقة بين باسات وصني واوبل اساسا

أنا معاك أنه عك جامد أوى و شكلها يضحك
لكن عشان الحاجات دى مالهاش علاقة ببعض أنا شايفة أن إلى عمل كدة دماغ برضة
أنت لو بتتفرج على برامج تعديل العربيات الأجنبيه هتلاقى بيطلع منهم أشكال زبالة
لكن بيكفى التغيير

معلش رأيىى انه شغل عكككككككككككككككككككك

مانا عارفة والله و مش عاجبنى الشكل من أساسة
لكن أنا بتكلم عن وجهة نظر معينه فى التغيير بالكامل سواء عك أو مقبول

[Mohamed_Nafie]

بصراحة أنا اول مرة أسمع عن الأوبل مانتا دي ... العربيه شكلها زي عربيات ال"Muscle Cars" الامريكي زي الدودج والشفرولة القديم .. يعني لو كان عدل العربيه على الأساس ده كانت هتبقى فاجره

[MaNoLa]

بصراحة أنا اول مرة أسمع عن الأوبل مانتا دي ... العربيه شكلها زي عربيات ال"Muscle Cars" الامريكي زي الدودج والشفرولة القديم .. يعني لو كان عدل العربيه على الأساس ده كانت هتبقى فاجره

كانت هتبقى عاملة زى العربيات إلى بتطلع فى الأفلام الأجنبيه و بتاعة الـ tuning و كانت هتبقى أول عربيه فى مصر بالطريقة دى
بس بلاش الألفاظ دى

[MaNoLa]

خدوا عندكم بقى
لادا كابورليه !!!! أحيـــــــه

على فكرة شكلها يضحك جداا
لذلك يمنع لمرضى القلب مشاهدة الصور
بس طبعا فكرة بتدل برضة على أن إلى عملها دماغ

[Angel_wolf]

العربية الاصلية احلى بكتر اوى مكنتش محتاجة غير ماتور قوى و دهان انا لو معايا فلوس مش محتاجها والله كنت اشترتها وخلتها تحفة على شكلة مش العك الى هو عاملة دة

[MaNoLa]

العربية الاصلية احلى بكتر اوى مكنتش محتاجة غير ماتور قوى و دهان انا لو معايا فلوس مش محتاجها والله كنت اشترتها وخلتها تحفة على شكلة مش العك الى هو عاملة دة

نسيت الجنوط أنت
على فكرة برة العربيات دى بتتعدل بطريقة رهيبه و بتبقى بتلمع من النضافة

بس برضة مقدرش أنكر أن إلى عمل كدة دماغ