لازم تساعدونى

[mas_shine]

طبعاً لازم تسعدونى .......... مش انا مع اجدع شباب .

فانا طلبه منكم النصيحة وياريت متبخلوش عليا

دلوقتى انا بتعلم سواقة فى احدى مدارس تعليم القياده فى وسط البلد
وكنت بفكر ان شاء الله اجيب كسر زيرو
بس خايفة مش عارفة لية حسة انى عمرى ما هعرف اسوق بحرفية كده زى الناس
المهم انا فكرت اول متتطلع الرخصة اروح ااجر عربية اتمرن عليها شوية
ها اية رايكو ولا بلاش

ياريت المساعده

[Xpert]

معلش بس انا عاوز اعرف .. المشكله مع حضرتك ايه بالظبط ؟
حضرتك تقدري تتابعي الموضوع ده برضه اعتقد انه هايكون مفيد في توضيح بعض الامور برضه و هايبقي فيه عرض وجهات نظر كتيره ..

http://www.nilemotors.net/Nile/showthread.php?t=29925&goto=newpost

بيشو ..

[analyzer]

مش معاكى خالص انك تاجرى عربية تتعلمى عليها
لان التلفيات الى هتتسببى فيها هتكلفك كتير
فبلاش موضوع الايجار ده وانتى لسه بتتعلمى ( للعلم انا عندى مكتب ايجار )
الاول حددى مواصفات العربية الى انتى عايزاها وبعدين حددى زيرو ولا كسر زيرو
رئى الشخصى كسر زيرو مضمون وانتى اولى بالفرق الكبير
وفى الاول صلى استخارة

[Xpert]

و برضه للتوضيح .. اكرر .. الحرفيه بالنسبه للسائق مش انه يركب عربيه و يتعلم تغيير الغيارات ولا يتعلم ازاي يدور العربيه ..
الحرفيه هنا في ان الواحد يختار عربيه تكون مريحه في قاعدتها .. و حضرتك تكوني تقدري تشوفي جميع الزوايا الممكنه .. البدالات اكون وضعها مرتاح و كل الادوات سهله في متناول اليد ..
بالنسبه للسائق نفسه .. يكون راغب في السواقه .. مش بيتعلم كنوع من الكماليات مثلاُ .. يعمل حساب الطريق و كل حاجه علي الطريق .. لان كل حاجه علي الطريق بتكون خطر محتمل .. مايتشتتش انتباهه من اي حاجه تانيه .. و الغيارات حضرتك هاتتعودي عليها ..
انا مع الاخ انالايزر في نقطه بلاش عربيه متاجره .. بس مش علشان التلفيات .. لاء علشان ان حضرتك مش هاتقجري تتعودي عليها .. علشان التغيير المستمر ..

[mohamed hatem]

ابعدي عن تأجير العربيات.....كل البعد ...وخصوصا وانت لسه جديده ....حتى لو العربية عليها تأمين ...برده حرصي احسن ....واللي هتصرفي على التاجير ....اصرفي على عربيتك لو حصلها حاجه لقدر الله .....

اما بخصوص الحرفنه .....هي عايزه شوية فن على شوية قلب ميت ...على شوية اخلاق سواقة ....على شوية صبر في شوارعنا .....على شوية فهم لعربيتك وامكانيتها....

وبالتوفيق....

[محمد عز]

جمدى قلبك
الناس اللى بتسوق متولدتش بتسوق
انتى هاتيلك عربيه اتوماتيك ، هتريحك على الاخر
لان الربكه كله فى السواقه موضوع الغيارات والعربيه لما تبطل
لكن مع الاتوماتيك الوضع اسهل بكتير ، فرامل بنزين ومع الوقت هتبقى حريفه كبيره

فكرى فى موضوع الاتوماتيك جديا ، هيفرق معاكى جامد

[medo_2060]

بلاش تاجير عربيات لانه بيجيب مشاكل كتير اذا حصل للعربيه حاجه لقدر الله انا رايي تجيبي عربيه مستعمله قديمه قبل كسر الزيرو نخبطي فيها براحتك لحد ما تكوني كويسه في السواقه وبعد كدا تجيبي العربيه اللي انتي عايزاها

[ahmedshawky]

ممكن تملي استماره شراء سياره تكون صغيره
برايد او سكودا تتعلمي فيها
وبعدين الزيرو علي طول

[Nistelrooy]

كسر زيرو يعني استعمال نضيف يعني ؟؟

[hazem_khidr]

يا شيخه خضتيني قولت في مصيبه:)
المهم ولا يهمك
هاتي العربيه اللي نفسك فيها و اتعلمي عليها في مكان فاضي الاول و اتقنيها و ان شاء الله حتبقي سواقه ماهره طالما حاطه الموضوع في دماغك
اتحدي نفسك
بس ما تاخديهاش عناد زي بعض البنات اللي فاكرين نفسهم حطوا اديهم علي الدركسيون و رجلهم علي الدواسات خلاص كده بقوا سواقين
بالراحه و واحده واحده
و ما يهمكيش لو العربيه اتخبطط خبطه بسيطه او اتحكت
انا اهو بسوق بقالي 18 سنه و امبارح غلط غلطه عبيطه و خبط العربيه خبطه بسيطه بس الحمد لله
و اوعي تاجري عربيه
معظم مكاتب الايجار نصابين و قليل لما يبقي فيهم حد محترم و حيستغلك اسوأ استغلال و يدفعك اللي وراكي واللي قدامك.
و ما تنسيش
بالرااااااااااااااحه و ما تستعجليش
و طالما في دماغك كده جامد و بتفكري حتتعلمي

[yahyanaabil]

بالش موضوع التأجير
وانا ليا رأى مش حتفرق اوى اوتوماتيك من مانيوال لان المشكله عند البنات مش فى النقل (من واقع تعليمى لاخواتى البنات) المشكله عندهم انهم مش بيعرفوا يمشوا بالعربيه فى خط مستقيم اساسا بس كانوا بينقلوا كويس اوى غير طبعا قعدت اسبوع اعلمهم ازاى ياخدوا الملف من غير ما يدخولوا فى الرصيف واسبوع ازاى يرجعوا للخلف ده غير ان رد فعلهم فى الاول بيكون بطىء نوعا ما وكنت قربت اتشل
فأنا من رأى الاستاذ حازم جيبى عربيتك عادى خالص واتعلمى عليها فى مكان فاضى وان شاء الله نفيش اى اضرار بس

[mas_shine]

Xpert
analyzer
mohamed hatem
Nistelrooy
hazem_khidr
casber
yahyanaabil
ahmedshawky
medo_2060
جزاكم الله خيرا على الردود
وبالنسبة للتأجير انا خلاص هصرف نظر عنه

انا بصراحة كان نفسى فى بيكانتو كسر زيرو
بس الكل قالى خاليها حاجة ارخص كبداية زى البونتو وهتوفرى فى حدود15 الف
فأية رأيكم

[ahmedshawky]

مبدايا لا شكر علي واجب
انا رأيي بلاش كسر الزيرو خليكي في عربيه محتاجه شويه سمكره من بره عشان لو اتخبطت متخسريش حاجه
انا اعرف واحد عارض عربيه برايد عصفوره موديل 96 سليمه عفشه و ميكانيكا بس محتاجه شويه سمكره من بره
لو قررت قولليلي وانا اجيبلك بقيه التفاصيل

[fakoussa]

بلاااااااااااااااااااااااااااااااااااااااااااااااا ااش ايجاااااااااااااااااااااااااااااار
بلاااااااااااااااااااااااااااااااااااااااااااااااا ااش ايجاااااااااااااااااااااااااااااار
بلاااااااااااااااااااااااااااااااااااااااااااااااا ااش ايجاااااااااااااااااااااااااااااار
بلاااااااااااااااااااااااااااااااااااااااااااااااا ااش ايجاااااااااااااااااااااااااااااار